ಮುಂಬೈ: ಹಾಲಿ ಐಪಿಎಲ್ ಋತುವಿನಲ್ಲಿ ಆರ್ಸಿಬಿ ಪರ ಉತ್ತಮ ಪ್ರದರ್ಶನ ನೀಡುತ್ತಿರುವ ವಿರಾಟ್ ಕೊಹ್ಲಿ ಕ್ರಿಕೆಟ್ ಹೊರತುಪಡಿಸಿದರೆ ಅತ್ಯಂತ ಸ್ಟೈಲಿಶ್ ಭಾರತೀಯ ಕ್ರಿಕೆಟಿಗರಲ್ಲಿ ಒಬ್ಬರು ಎಂದು ಹೇಳಬಹುದಾಗಿದೆ. ಅವರ ಡ್ರೆಸ್ಸಿಂಗ್ ಸೆನ್ಸ್, ಹೇರ್ಸ್ಟೈಲ್ಗಾಗಿ ಒಂದು ಫ್ಯಾನ್ಬೇಸ್ ಇದ್ದು ಇದನ್ನು ಅನೇಕರು ಅನುಸರಿಸುತ್ತಾರೆ.
ವಿರಾಟ್ ಕೊಹ್ಲಿ ಸೇರಿದಂತೆ ಭಾರತ ಕ್ರಿಕೆಟ್ ತಂಡದ ಆಟಗಾರರು, ಬಾಲಿವುಡ್ನ ಸೆಲೆಬ್ರಿಟಿಗಳು ಹಾಗೂ ರಾಜಕಾರಣಿಗಳು ಖ್ಯಾತ ಹೇರ್ಸ್ಟೈಲಿಸ್ಟ್ ಆಲಿಮ್ ಹಕೀಮ್ ಅವರ ಸಲೂನ್ಗೆ ಭೇಟಿ ನೀಡಿರುವುದನ್ನು ನಾವು ಅನೇಕ ಬಾರಿ ನೋಡಿದ್ದೇವೆ. ಕ್ರಿಕೆಟಿಗರಾದ ವಿರಾಟ್ ಕೊಹ್ಲಿ ಹಾಗೂ ಮಹೇಂದ್ರ ಸಿಂಗ್ ಧೋನಿ ಆಕಿಮ್ ಹಲೀಮ್ ಅವರ ಬಳಿ ಹೇರ್ ಸ್ಟೈಲಿಂಗ್ ಮಾಡಿಸುವುದು ಹೊಸ ವಿಚಾರವೇನಲ್ಲ. ಆದರೆ, ಇವರು ಒಂದು ಹೇರ್ಕಟ್ಗೆ ಎಷ್ಟು ಚಾರ್ಜ್ ಮಾಡುತ್ತಾರೆ ಎಂದು ಕೇಳಿದರೆ ನೀವು ಬೆರಗಾಗೋದು ಮಾತ್ರ ಗ್ಯಾರಂಟಿ.
ಈ ಕುರಿತು ಮಾತನಾಡಿರುವ ಆಕಿಮ್ ಹಲೀಮ್, ಮಹಿ ಸರ್ ಮತ್ತು ವಿರಾಟ್, ಅವರು ತುಂಬಾ ಹಳೆಯ ಸ್ನೇಹಿತರು ಮತ್ತು ಅವರು ಬಹಳ ಸಮಯದಿಂದ ನನ್ನ ಸಲೂನ್ಗೆ ಭೇಟಿ ಕೊಡುತ್ತಿದ್ದಾರೆ. ಪ್ರಸ್ತುತ ಐಪಿಎಲ್ ನಡೆಯುತ್ತಿರುವುದರಿಂದ ವಿರಾಟ್ ವಿಭಿನ್ನವಾದ ಹೇರ್ಕಟ್ ಮಾಡಿಸಿದ್ದಾರೆ. ಪ್ರತಿಬಾರಿಯೂ ಅವರೇ ಹೊಸ ತರಹದ ಕೇಶ ವಿನ್ಯಾಸವನ್ನು ಮಾಡುವಂತೆ ನಮಗೆ ಸಲಹೆ ನೀಡುತ್ತಾರೆ.
ಇದನ್ನೂ ಓದಿ: ಹಿರಿತೆರೆಯಿಂದ ಕಿರುತೆರೆಯಲ್ಲಿ ಮಿಂಚಲು ಸಜ್ಜಾದ ಹರಿಪ್ರಿಯಾ
ಪ್ರತಿಬಾರಿ ನಾವಿಬ್ಬರು ಭೇಟಿ ಮಾಡಿದಾಗ ಮುಂದಿನ ಬಾರಿ ಯಾವ ರೀತಿಯ ಹೇರ್ ಕಟ್ ಮಾಡಿಸಬೇಕು ಎಂಬುದರ ಬಗ್ಗೆ ಹೆಚ್ಚು ಮಾತನಾಡುತ್ತೇವೆ. ಪ್ರತಿಬಾರಿ ಅವರು ಮಾಡಿಸುವ ಕಟ್ಟಿಂಗ್ ಟ್ರೆಂಡ್ ಆಗುತ್ತದೆ ಮತ್ತು ಹಲವರು ಅದೇ ರೀತಿಯ ಹೇರ್ ಸ್ಟೈಲಿಂಗ್ ಮಾಡಿಸುತ್ತಾರೆ. ವಿರಾಟ್ ಕೊಹ್ಲಿ ವಿಶ್ವದಾದ್ಯಂತ ಅಪಾರ ಅಭಿಮಾನಿಗಳನ್ನು ಹೊಂದಿದ್ದು, ಕೊಹ್ಲಿಯ ಸ್ಟೈಲನ್ನು ಅನೇಕರು ಅನುಸರಿಸುತ್ತಾರೆ. ಸ್ಟೈಲ್ ಮಾಡುವ ವಿಚಾರಕ್ಕೆ ಬಂದರೆ ವಿರಾಟ್ ಕೊಹ್ಲಿ ಯಾವತ್ತಿದ್ದರೂ ನಂಬರ್ ಒನ್ ಎಂದು ಹೇಳುತ್ತೇನೆ.
ವಿರಾಟ್ ಕೊಹ್ಲಿ ಪ್ರತಿಬಾರಿ ಕಟ್ಟಿಂಗ್ ಮಾಡಿಸಲು ಬಂದಾಗ ಎಷ್ಟು ಚಾರ್ಜ್ ಮಾಡುತ್ತೀರಿ ಎಂದು ಆಕಿಮ್ ಹಲೀಮ್ ಅವರ ಬಳಿ ಕೇಳಿದಾಗ ನಾನು ವಿಧಿಸುವ ಶುಲ್ಕ ಬಹಳ ಸರಳವಾಗಿದ್ದು, ಎಲ್ಲರಿಗೂ ತಿಳಿದಿರುವಂತೆ ನನ್ನ ಸಲೂನ್ನಲ್ಲಿ ಬೆಲೆಗಳು ಒಂದು ಲಕ್ಷದಿಂದ ಪ್ರಾರಂಭವಾಗುತ್ತದೆ. ಆದರೆ, ಸೆಲೆಬ್ರಿಟಿಗಳಿಗೆ ವಿಧಿಸುವ ದರವನ್ನು ಮಾತ್ರ ನಾನು ಹೇಳಲು ಸಾಧ್ಯವಿಲ್ಲ ಎಂದು ಆಕಿಮ್ ಹಲೀಮ್ ಹೇಳಿದ್ದಾರೆ.