ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷ ಕೆ.ಬಸವರಾಜ ಮಾತನಾಡಿ, ಹಿಂದೆ ರಾಜರನ್ನು ಮೆಚ್ಚಿಸಲು ಕನ್ನಡ ಸಾಹಿತ್ಯ ಮೀಸಲಾಗಿತ್ತು. ನಂತರ ರನ್ನ, ಪಂಪ, ಹರಿಹರ ಕವಿಗಳಿಂದ ಇನ್ನಷ್ಟು ಶ್ರೀಮಂತಗೊಂಡಿತು. ಬಳಿಕ ವಚನಕಾರರು ಕನ್ನಡ ಸಾಹಿತ್ಯವನ್ನು ಇನ್ನೂ ಎತ್ತರಕ್ಕೆ ಕೊಂಡೊಯ್ದರು. ವಚನ ಸಾಹಿತ್ಯದ ಮೂಲಕ ಜಾತಿ ಪದ್ಧತಿ ವಿನಾಶಗೊಳಿಸಿ, ಸಮಾಜದ ಅಂಕುಡೊಂಕುಗಳನ್ನು ತಿದ್ದಿ, ಸಮ ಸಮಾಜ ನಿರ್ಮಾಣಕ್ಕೆ ಶ್ರಮಿಸಿದರು ಎಂದು ಬಣ್ಣಿಸಿದರು.
ಬರಹಗಾರರ ಸಂಘದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಯು.ವಿರೂಪಾಕ್ಷಪ್ಪ ಪ್ರಾಸ್ತಾವಿಕ ಮಾತನಾಡಿದರು. ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗೈದವರನ್ನು ಸನ್ಮಾನಿಸಲಾಯಿತು. ಬಳಿಕ ಹಿರಿಯ ಸಾಹಿತಿ ನೂರ್ ಜಹಾನ್ ಅಧ್ಯಕ್ಷತೆಯಲ್ಲಿ ಕವಿಗೋಷ್ಠಿ ನಡೆಯಿತು. ಕರವೇ ಜಿಲ್ಲಾಧ್ಯಕ್ಷ ಪಿ.ಷಣ್ಮುಖ, ಚುಸಾಪ ಜಿಲ್ಲಾಧ್ಯಕ್ಷ ಹಾಲ್ಯಾನಾಯ್ಕಾ, ಮ.ಸಾ.ಪ ಜಿಲ್ಲಾಧ್ಯಕ್ಷ ವೆಂಕಟೇಶ ಬಡಿಗೇರ, ಶಿಕ್ಷಕಿ ಮಲ್ಲಿಕಾರ್ಜುನ, ಮೋತಗಿ ಮಲ್ಲಯ್ಯ, ಪ್ರಶಾಂತ, ಶಿಕ್ಷಕ ದಸ್ತಗಿರಿ ನಬಿ, ಶಿಕ್ಷಕ ಟಿ.ವಿಶ್ವನಾಥ ಇದ್ದರು.
