ಚೀನಾದಲ್ಲಿ ಪ್ರಧಾನಿ ಮೋದಿ ಬಳಸಿದ ಕ್ಸಿ ಜಿನ್‌ಪಿಂಗ್ ಅವರ ನೆಚ್ಚಿನ ಹಾಂಗ್ಕಿ ಕಾರಿನ ವಿಶೇಷತೆ ತಿಳಿದ್ರೆ ಬೆರಗಾಗ್ತೀರಾ! Hongqi

Hongqi : ಶಾಂಘೈ ಸಹಕಾರ ಒಕ್ಕೂಟ (SCO) ಶೃಂಗಸಭೆಗಾಗಿ ಪ್ರಧಾನಿ ಮೋದಿ ಎರಡು ದಿನಗಳ ಚೀನಾ ಪ್ರವಾಸ ಕೈಗೊಂಡಿದ್ದಾರೆ. ಈ ಭೇಟಿಯ ಸಮಯದಲ್ಲಿ ತಮ್ಮ ಓಡಾಟಕ್ಕಾಗಿ ಪ್ರಧಾನಿ ಮೋದಿ ಅವರು ಚೀನಾದ ಹಾಂಗ್ಕಿ ಎಲ್​5 ಲಿಮೋಸಿನ್ ( Hongqi L5 limousine ) ಹೆಸರಿನ ಕಾರನ್ನು ಬಳಸಿದರು. ಗಮನಾರ್ಹ ಸಂಗತಿ ಏನೆಂದರೆ, ಅದೇ ಮಾಡೆಲ್​ ಕಾರು ಚೀನಾ ಅಧ್ಯಕ್ಷ ಕ್ಸಿ ಜಿನ್​ಪಿಂಗ್​ ಅವರ ಸರ್ಕಾರಿ ಕಾರಾಗಿದೆ. ಅಲ್ಲದೆ, ಚೀನಾದ ನಾಯಕರು ಮತ್ತು ಆಯ್ದ ವಿದೇಶಿ ಗಣ್ಯರಿಗಾಗಿಯೇ ಈ ಕಾರನ್ನು ಮೀಸಲಿಡಲಾಗಿದೆ.

2019 ರಲ್ಲಿ ಕ್ಸಿ ಜಿನ್​ಪಿಂಗ್​ ಅವರು ಭಾರತಕ್ಕೆ ಭೇಟಿ ನೀಡಿದ್ದರು. ಈ ವೇಳೆ ಪ್ರಧಾನಿ ಮೋದಿಯವರೊಂದಿಗೆ ಮಾತುಕತೆ ನಡೆಸಲು ತಮಿಳುನಾಡಿನ ಮಹಾಬಲಿಪುರಂಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಜಿನ್​ಪಿಂಗ್​ ಅವರು L5 ನಲ್ಲಿ ಸವಾರಿ ಮಾಡಿದ್ದರು. ಈ ಎಲ್ಲ ಕಾರಣಕ್ಕೆ ಎಲ್​5 ಕಾರಿನ ಮೇಲೆ ಎಲ್ಲರ ಗಮನವಿದೆ.

ಹಾಂಗ್ಕಿ ಎಂದರೇನು?

ಹಾಂಗ್ಕಿಯನ್ನು ಚೀನಾದಲ್ಲಿ ಹಾಂಗ್​ ಚಿ ಎಂದು ಉಚ್ಛರಣೆ ಮಾಡುತ್ತಾರೆ. ಇದನ್ನು ಮ್ಯಾಂಡರಿನ್​ ಭಾಷೆಯಲ್ಲಿ ಕೆಂಪು ಧ್ವಜ ಎಂದು ಕರೆಯುತ್ತಾರೆ. ಇದು ಚೀನಾದ ಸರ್ಕಾರಿ ಒಡೆತನದ ಫಸ್ಟ್ ಆಟೋಮೊಬೈಲ್ ವರ್ಕ್ಸ್ (ಎಫ್​ಎಡಬ್ಲ್ಯು) ಗ್ರೂಪ್​ ನಿರ್ವಹಿಸುತ್ತದೆ. ಈ ಕಾರು ಚೀನಾದ ತುಂಬಾ ಹಳೆಯ ಪ್ಯಾಸೆಂಜರ್​ ಕಾರ್​ ಬ್ರ್ಯಾಂಡ್​ ಆಗಿದೆ. ಇದನ್ನು 1958ರಲ್ಲಿ ಉದ್ಘಾಟನೆ​ ಮಾಡಲಾಯಿತು. ಹಾಂಗ್ಕಿ ಬಹಳ ಹಿಂದಿನಿಂದಲೂ "ಮೇಡ್ ಇನ್ ಚೀನಾ" ಬ್ರ್ಯಾಂಡ್​ ಆಗಿಯೇ ಉಳಿಸಿಕೊಂಡು ಬರಲಾಗಿದೆ. ಚೀನಾದ ಗಣ್ಯರಿಗಾಗಿ ರಾಷ್ಟ್ರೀಯ ಉತ್ಪನ್ನವಾಗಿ ಇದನ್ನು ವಿನ್ಯಾಸಗೊಳಿಸಲಾಗಿದೆ ಮತ್ತು ಪ್ರಚಾರ ಮಾಡಲಾಗಿದೆ.

ಆರಂಭದಲ್ಲಿ ಈ ಕಾರನ್ನು ಕೇವಲ ಕಮ್ಯುನಿಸ್ಟ್​ ಪಕ್ಷದ ನಾಯಕರಿಗಾಗಿ ಮಾತ್ರ ತಯಾರಿಸಲಾಗುತ್ತಿತ್ತು. ಆದರೆ, ಎಲ್ಲಾ ಗಣ್ಯರಿಗೂ ಈಗ ಲಭ್ಯವಿದೆ. 1981ರಲ್ಲಿ ಈ ಕಾರಿನ ಉತ್ಪಾದನೆಯನ್ನು ನಿಲ್ಲಿಸಲಾಗಿತ್ತು. ಇದಾದ ಬಳಿಕ 1990ರ ದಶಕದ ಮಧ್ಯದಲ್ಲಿ ಪುನರುಜ್ಜೀವನಗೊಳಿಸಲಾಯಿತು. ಫ್ಲ್ಯಾಗ್‌ಶಿಪ್ L5 ಇಂದು ಅತ್ಯಂತ ಗುರುತಿಸಬಹುದಾದ ಮಾದರಿಯಾಗಿ ಬೆಳೆದು ನಿಂತಿದೆ. ಇದು ಚೀನಾದ ಪ್ರತಿಷ್ಠೆಯಾಗಿ ಉಳಿದಿದೆ.

ಇದನ್ನೂ ಓದಿ: ಆಟಕ್ಕುಂಟು ಲೆಕ್ಕಕ್ಕಿಲ್ಲದಂತಾದ ಪಾಕ್​ ಪ್ರಧಾನಿ: ಮೋದಿ-ಪುಟಿನ್​ ಹೋಗುವಾಗ ಕೈ ಕಟ್ಟಿ ನಿಂತ ಶೆಹಬಾಜ್ ಷರೀಫ್! Pak PM

ಹಾಂಗ್ಕಿ ಫೀಚರ್​ಗಳು

* ಹಾಂಗ್ಕಿ L5 6.0-ಲೀಟರ್ V12 ಎಂಜಿನ್‌ನಲ್ಲಿ ಚಲಿಸುತ್ತದೆ. ಇದು 400 ಕ್ಕೂ ಹೆಚ್ಚು ಹಾರ್ಸ್​ ಪವರ್​ ಅನ್ನು ಉತ್ಪಾದಿಸುತ್ತದೆ.

* ಇದು ಕೇವಲ 8.5 ಸೆಕೆಂಡುಗಳಲ್ಲಿ 100 ಕಿ.ಮೀ. ವೇಗವನ್ನು ತಲುಪಬಹುದು ಮತ್ತು ಸುಮಾರು 210 ಕಿ.ಮೀ. ಗರಿಷ್ಠ ವೇಗವನ್ನು ಹೊಂದಿದೆ.

* ಈ ಕಾರು 5.5 ಮೀಟರ್ (18 ಅಡಿ) ಗಿಂತ ಹೆಚ್ಚು ಉದ್ದ ಮತ್ತು 3 ಟನ್‌ಗಳಿಗಿಂತ ಹೆಚ್ಚು ತೂಗುತ್ತದೆ.

* ಕಾರಿನ ಒಳಗೆ, ಚರ್ಮದ ಸಜ್ಜು, ಮರದ ಟ್ರಿಮ್ ಮತ್ತು ಜೇಡ್ ಇನ್ಲೇಗಳಂತಹ ವಿಶಾಲವಾದ ಆಸನಗಳನ್ನು ಹೊಂದಿದೆ. ಕಾರಿನ ಹಿಂಭಾಗದ ಆಸನಗಳು ಮಸಾಜ್, ಹೀಟಿಂಗ್​ ಮತ್ತು ವೆಂಟಿಲೇಷನ್​ ಜೊತೆಗೆ ಮನರಂಜನಾ ಪರದೆಗಳಂತಹ ಸೌಕರ್ಯಗಳನ್ನು ಹೊಂದಿದೆ.

* ಆಲ್-ವೀಲ್ ಡ್ರೈವ್, ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಪಾರ್ಕಿಂಗ್ ಸೆನ್ಸರ್‌ಗಳು ಮತ್ತು 360-ಡಿಗ್ರಿ ಕ್ಯಾಮೆರಾಗಳು ಸೇರಿದಂತೆ ಸುರಕ್ಷತಾ ಸಾಧನಗಳನ್ನು ಇದು ಹೊಂದಿದೆ.

* ಈ ಕಾರಿನ ಬೆಲೆ ಸುಮಾರು 5 ಮಿಲಿಯನ್ ಯುವಾನ್ ಅಥವಾ ಸರಿಸುಮಾರು 7 ಕೋಟಿ ರೂಪಾಯಿಗಳಾಗಿದ್ದು, ಇದು ಚೀನಾದ ಅತ್ಯಂತ ದುಬಾರಿ ಉತ್ಪಾದನಾ ಕಾರು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಕ್ಸಿ ಜಿನ್​ಪಿಂಗ್​ ಮತ್ತು ಹಾಂಗ್ಕಿ

ಚೀನಾದ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಆಗಾಗ್ಗೆ ಹಾಂಗ್ಕಿ L5 ಅನ್ನು ಬಳಸುತ್ತಾರೆ. ಅಲ್ಲದೆ, ಹಾಂಗ್ಕಿ N701 ನಲ್ಲಿಯೂ ಆಗಾಗ ಪ್ರಯಾಣಿಸುತ್ತಾರೆ. ಇದು US ಅಧ್ಯಕ್ಷೀಯ ಕಾರು "ದಿ ಬೀಸ್ಟ್" ಗೆ ಹೋಲಿಸಿದರೆ ಹೆಚ್ಚಾಗಿ ಬಳಸಲಾಗುವ ಹೊಸ ಶಸ್ತ್ರಸಜ್ಜಿತ ಲಿಮೋಸಿನ್ ಆಗಿದೆ. (ಏಜೆನ್ಸೀಸ್​)

https://www.vijayavani.net/rajasthan-man-pours-acid-on-wife-due-to-her-dark-complexion-gets-death-penalty

https://www.vijayavani.net/home-remedy-for-wisdom-tooth-pain-the-right-method-in-ayurveda