ಪಟಿಯಾಲದ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಸ್ಪೋರ್ಟ್ಸ್ (ಎನ್ಐಎಸ್) ಕೇಂದ್ರದಲ್ಲಿ ಬಂಧಿಯಾಗಿದ್ದ ಹಿಮಾ ದಾಸ್ ಸೇರಿದಂತೆ ಇನ್ನಿತರ ಅಥ್ಲೀಟ್ಗಳು ಮಂಗಳವಾರದಿಂದ ಅಭ್ಯಾಸ ಆರಂಭಿಸಿದ್ದಾರೆ. ಈ ವೇಳೆ ಲಾಕ್ಡೌನ್ ಅನುಭವವನ್ನು ಟ್ವಿಟರ್ನಲ್ಲಿ ಹಂಚಿಕೊಂಡಿರುವ ಹಿಮಾ ದಾಸ್, ಪೇಟಿಂಗ್, ಅಡುಗೆ ಮಾಡುವುದು, ಯೋಗ ಮಾಡುವುದೇ ಅವರ ದೈನಂದಿನ ಕೆಲಸವಾಗಿತ್ತಂತೆ. ಯಾರ ಸಹಾಯ, ಸಲಹೆ ಇಲ್ಲದೇ ಹಿಮಾ ದಾಸ್ ಫಿಟ್ನೆಸ್ಗಾಗಿ ದೈಹಿಕ ಕಸರತ್ತಿನಲ್ಲಿ ತೊಡಗಿದ್ದರಂತೆ. ಲಾಕ್ಡೌನ್ನಲ್ಲಿ ಅಡುಗೆ, ಚಿತ್ರಕಲೆ, ಧ್ಯಾನ ಹಾಗೂ ಯೋಗವೇ ದೈನಂದಿನ ಚಟುವಟಿಕೆಯಾಗಿತ್ತು ಎನ್ನುತ್ತಾರೆ ಹಿಮಾದಾಸ್. ಟ್ವಿಟರ್ನಲ್ಲಿ ನಡೆದ ಪ್ರಶ್ನೋತ್ತರದ ವೇಳೆ ಅಭಿಮಾನಿಗಳು ಕೇಳಿದ ಪ್ರಶ್ನೆಗಳಿಗೆ 20 ವರ್ಷದ ಹಿಮಾ ದಾಸ್ ಉತ್ತರಿಸಿದ್ದಾರೆ. ಪ್ರತಿದಿನ 6 ಗಂಟೆಗಳ ಕಾಲ ಈ ಕಸರತ್ತಿನಲ್ಲಿ ತೊಡಗಿದ್ದೆ ಎಂದಿದ್ದಾರೆ.
