ಟೀಚರ್ಸ್​ ಟಾಯ್ಲೆಟ್​ನಲ್ಲಿ ರಹಸ್ಯ ಕ್ಯಾಮೆರಾ ಇಟ್ಟು ಲೈವ್​ ವೀಕ್ಷಿಸುತ್ತಿದ್ದ ಶಾಲಾ ಡೈರೆಕ್ಟರ್​ ಅರೆಸ್ಟ್​! ಸಿಕ್ಕಿಬಿದ್ದಿದ್ದು ಹೇಗೆ? Hidden camera

Hidden camera : ಶಿಕ್ಷಕರ ಟಾಯ್ಲೆಟ್​ನಲ್ಲಿ ರಹಸ್ಯ ಕ್ಯಾಮೆರಾ ಅಳವಡಿಸಿದ ಆರೋಪದ ಮೇಲೆ ಶಾಲಾ ನಿರ್ದೇಶಕನನ್ನು ಬಂಧಿಸಿರುವ ಘಟನೆ ಉತ್ತರ ಪ್ರದೇಶದ ನೋಯ್ಡಾದ ಸೆಕ್ಟರ್ 70ರಲ್ಲಿರುವ ಲರ್ನ್ ವಿತ್ ಫನ್ ಎಂಬ ಪ್ಲೇ ಸ್ಕೂಲ್​ನಲ್ಲಿ ನಡೆದಿದೆ.

ಬಂಧಿತನನ್ನು ನವೀಶ್ ಸಹಾಯ್ ಎಂದು ಗುರುತಿಸಲಾಗಿದೆ. ಟಾಯ್ಲೆಟ್​ನ ಬಲ್ಬ್ ಹೋಲ್ಡರ್ ಒಳಗೆ ಕ್ಯಾಮೆರಾವನ್ನು ಅಳವಡಿಸಲಾಗಿತ್ತು. ಕಂಪ್ಯೂಟರ್ ಮತ್ತು ಮೊಬೈಲ್ ಫೋನ್‌ನಲ್ಲಿ ಟಾಯ್ಲೆಟ್​ ಒಳಗಿನ ದೃಶ್ಯಾವಳಿಗಳನ್ನು ಲೈವ್ ಆಗಿ ನೋಡುವ ರೀತಿಯಲ್ಲಿ ಸೆಟಪ್​ ಮಾಡಲಾಗಿತ್ತು.

ಟಾಯ್ಲೆಟ್​ನಲ್ಲಿದ್ದ ರಹಸ್ಯ ಕ್ಯಾಮೆರಾವನ್ನು ಶಾಲೆಯ ಶಿಕ್ಷಕರೊಬ್ಬರು ಪತ್ತೆ ಮಾಡಿದ್ದಾರೆ. ಬಲ್ಬ್​ ಹೋಲ್ಡರ್‌ನಲ್ಲಿ ವಿಚಿತ್ರವಾದ ಮಂದ ಬೆಳಕನ್ನು ಗಮನಿಸಿದ ಶಿಕ್ಷಕಿ ತಪಾಸಣೆ ನಡೆಸಿದಾಗ ಕ್ಯಾಮೆರಾ ಪತ್ತೆಯಾಗಿದೆ. ಈ ವಿಚಾರವನ್ನು ನಿರ್ದೇಶಕ ನವೀಶ್ ಸಹಾಯ್ ಮತ್ತು ಕೋಆರ್ಡಿನೇಟರ್ ಪಾರುಲ್​ಗೆ ತಿಳಿಸಿದರೂ ಯಾವುದೇ ಕ್ರಮ ಕೈಗೊಳ್ಳಲಿಲ್ಲ. ಇದರಿಂದ ಅನುಮಾನಗೊಂಡ ಶಿಕ್ಷಕಿ ನೋಯ್ಡಾದ ಕೇಂದ್ರ ಉಪ ಆಯುಕ್ತ ಶಕ್ತಿ ಮೋಹನ್ ಅವಸ್ತಿ ಅವರಿಗೆ ದೂರು ಸಲ್ಲಿಸಿದ್ದರು.

ಇದನ್ನೂ ಓದಿ: ಹಣ ಕೊಡುವುದನ್ನು ಯೂಟ್ಯೂಬ್​ ನಿಲ್ಲಿಸಿತೇ? ಭಾರಿ ಚರ್ಚೆ ಹುಟ್ಟುಹಾಕಿದ ಯೂಟ್ಯೂಬರ್ ಹೇಳಿಕೆ!​ YouTube

ತನಿಖೆಯ ನಂತರ ಪೊಲೀಸರು ನವೀಶ್ ಸಹಾಯ್​ನನ್ನು ಬಂಧಿಸಿದ್ದಾರೆ. ದೃಶ್ಯಗಳನ್ನು ರೆಕಾರ್ಡ್ ಮಾಡದೆಯೇ ಕ್ಯಾಮೆರಾವನ್ನು ಲೈವ್ ಸ್ಟ್ರೀಮಿಂಗ್​ಗೆ ಬಳಸಿದ್ದಾರೆಂಬುದು ತಪಾಸಣೆ ವೇಳೆ ತಿಳಿದುಬಂದಿದೆ. ವಿಚಾರಣೆ ವೇಳೆ ಆರೋಪಿ ಸಹಾಯ್​ ಕೂಡ ತಪ್ಪೊಪ್ಪಿಕೊಂಡಿದ್ದಾನೆ. ಆನ್‌ಲೈನ್‌ನಲ್ಲಿ 22,000 ರೂ.ಗೆ ಕ್ಯಾಮೆರಾ ಖರೀದಿಸಿ, ಅದನ್ನು ಬಲ್ಬ್ ಹೋಲ್ಡರ್ ಒಳಗೆ ಇರಿಸಲು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ.

ಈ ಹಿಂದೆಯೂ ಇದೇ ರೀತಿಯ ಘಟನೆ ನಡೆದಿತ್ತು ಎಂದು ಶಿಕ್ಷಕಿ ಆರೋಪಿಸಿದ್ದಾರೆ. ಈ ಹಿಂದೆ ಶಾಲೆಯ ಶೌಚಾಲಯದಲ್ಲಿ ರಹಸ್ಯ ಕ್ಯಾಮೆರಾ ಪತ್ತೆಯಾಗಿತ್ತು. ಆ ಕ್ಯಾಮೆರಾವನ್ನು ಕೋಆರ್ಡಿನೇಟರ್ ಪಾರುಲ್ ಅವರಿಗೆ ಹಸ್ತಾಂತರಿಸಲಾಯಿತು. ಆ ಬಳಿಕವೂ ಯಾವುದೇ ಕ್ರಮ ಕೈಗೊಂಡಿಲ್ಲ ಎಂದು ಶಿಕ್ಷಕಿ ತಿಳಿಸಿದರು. ಸದ್ಯ ವಿಚಾರಣೆ ಮುಂದುವರಿದಿದೆ. (ಏಜೆನ್ಸೀಸ್​)

https://www.vijayavani.net/dogs-chasing-have-dogs-chased-you-while-you-were-riding-your-bike-do-you-know-the-reason

https://www.vijayavani.net/there-is-a-secret-behind-keerthy-sureshs-marriage-that-no-one-knows-about-producers-note