ದೇಹದ ಯಾವುದೇ ಭಾಗದಲ್ಲಿ ಗಡ್ಡೆ ರೂಪುಗೊಂಡರೆ ಎಲ್ಲರ ಮನಸ್ಸಿನಲ್ಲಿ ಮೂಡುವುದು ಒಂದೇ ಭಯ. ಅದು ಕ್ಯಾನ್ಸರ್ ಗಡ್ಡೆ ಇರಬಹುದು ಎಂಬ ಆತಂಕ. ಆದರೆ ಪ್ರತಿ ಗಡ್ಡೆಯನ್ನು ಕ್ಯಾನ್ಸರ್ ಎಂದು ಹೇಳುವ ಅಗತ್ಯವಿಲ್ಲ. ಇದರ ಹಿಂದೆ ಗಾಯ ಅಥವಾ ಸೋಂಕಿನಂತಹ ಹಲವು ಕಾರಣಗಳಿರಬಹುದು. ಮಧುಮೇಹ, ಅಧಿಕ ರಕ್ತದೊತ್ತಡ, ಸ್ಥೂಲಕಾಯತೆ ಇತ್ಯಾದಿಗಳೂ ದೇಹದಲ್ಲಿ ಗಡ್ಡೆಯ ರಚನೆಗೆ ಕಾರಣವಾಗಿರಬಹುದು. ಕೆಲವು ಗಡ್ಡೆಗಳು ತುಂಬಾ ಮೃದುವಾಗಿರುತ್ತವೆ. ಅವುಗಳನ್ನು ಲಿಪೊಮಾಸ್ ಎಂದು ಕರೆಯಲಾಗುತ್ತದೆ.
ಇದನ್ನು ಓದಿ: ಹಾಗಲಕಾಯಿ ಕಹಿಯಿಂದಾಗಿ ಇಷ್ಟಪಡದವರೆ ಹೆಚ್ಚು; ಇದು ಆರೋಗ್ಯಕ್ಕೆ ಮಾತ್ರವಲ್ಲ ತ್ವಚೆಗೂ ಪ್ರಯೋಜನಕಾರಿ
ಲಿಪೊಮಾಸ್ ಎಂದರೇನು?: ದೇಹದಲ್ಲಿ ರೂಪುಗೊಳ್ಳುವ ಅನಗತ್ಯ ಗಡ್ಡೆಗಳು ಲಿಪೊಮಾಸ್ಗಳಾಗಿರಬಹುದು. ಇದು ದೇಹದ ಯಾವುದೇ ಭಾಗದಲ್ಲಿಯದರೂ ಉಂಟಾಗಬಹುದು. ಹೆಚ್ಚಾಗಿ ಇದು ಭುಜಗಳು, ಬೆನ್ನು, ಎದೆ, ತೋಳುಗಳು, ಹೊಟ್ಟೆ ಮತ್ತು ಕುತ್ತಿಗೆಯಲ್ಲಿ ಕಂಡುಬರುತ್ತದೆ.ಸಾಮಾನ್ಯವಾಗಿ ಈ ರೀತಿಯ ಗಡ್ಡೆಯು ನೋವನ್ನು ಉಂಟುಮಾಡುವುದಿಲ್ಲ. ಆದರೆ ಅದು ಹೆಚ್ಚಾದರೆ ವೈದ್ಯರನ್ನು ಸಂಪರ್ಕಿಸುವುದು ಒಳ್ಳೆಯದು.
ಲಿಪೊಮಾಸ್ ನಿವಾರಣೆಗೆ ಇರುವ ಮನೆಮದ್ದು:
- ಕ್ಯಾಸ್ಟರ್ ಆಯಿಲ್: ದಿನಕ್ಕೆ ಎರಡು ಬಾರಿ ಕ್ಯಾಸ್ಟರ್ ಆಯಿಲ್ನಿಂದ ಗಡ್ಡೆ ಮೇಲೆ ಮಸಾಜ್ ಮಾಡಿ.
- ಅಲೋವೆರಾ ಜೇನಿನ ಮಿಶ್ರಣ: ಮಿಶ್ರಣವನ್ನು ಗಡ್ಡೆಯ ಮೇಲೆ ಅಪ್ಲೈ ಮಾಡಿ ಬ್ಯಾಂಡೆಜ್ನಿಂದ ಅದನ್ನು ಮುಚ್ಚಿ, ಬ್ಯಾಂಡೆಜ್ ಅನ್ನು ರಾತ್ರಿಯಿಡಿ ಹಾಗೆ ಬಿಟ್ಟು ಮರುದಿನ ಅದನ್ನು ತೆಗೆಯಿರಿ.
- ಬೆಚ್ಚಿಗಿನ ಉಪ್ಪು ನೀರು: ಗಡ್ಡೆಯ ಮೇಲೆ ಬೆಚ್ಚಗಿನ ಉಪ್ಪು ನೀರನ್ನು ಅನ್ವಯಿಸಿ. ಇದು ಕೊಬ್ಬಿನ ಅಂಗಾಂಶವನ್ನು ಮೃದುಗೊಳಿಸುತ್ತದೆ ಇದರಿಂದ ಅದನ್ನು ಸುಲಭವಾಗಿ ತೆಗೆಯಬಹುದು.
- ಒಂದು ಟೀಚಮಚ ಅರಿಶಿನ ಪುಡಿ, ಕರಿಮೆಣಸಿನ ಪುಡಿ ಮತ್ತು ಶುಂಠಿ ಪುಡಿಯನ್ನು ಚೆನ್ನಾಗಿ ಬೆರೆಸಿ, ಆ ಮಿಶ್ರಣಕ್ಕೆ ಅರ್ಧ ಕಪ್ ತೆಂಗಿನ ಎಣ್ಣೆಯನ್ನು ಸೇರಿಸಿ ಸ್ವಲ್ಪ ಬೆಚ್ಚಗೆ ಮಾಡಿ. ಬಳಿಕ ಮಿಶ್ರಣವನ್ನು ತಣ್ಣಗಾಗಲು ಬಿಟ್ಟು ನಂತರ ಗಡ್ಡೆಯ ಮೇಲೆ ಅದನ್ನು ಅಪ್ಲೈ ಮಾಡಿ. ಮಿಶ್ರಣವನ್ನು ದಿನಕ್ಕೆ ಎರಡು ಬಾರಿ ಹದಿನೈದು ನಿಮಿಷಗಳ ಕಾಲ ಮಸಾಜ್ ಮಾಡಿ, ಮೂವತ್ತು ನಿಮಿಷಗಳ ನಂತರ ಬೆಚ್ಚಗಿನ ನೀರಿನಿಂದ ತೊಳೆಯಿರಿ.
ಅನನ್ಯಾ ವೈರಲ್ ಫೋಟೋದಲ್ಲಿರುವ ವಾಕರ್ ಬ್ಲಾಂಕೋ ಯಾರು?; ಮಿಸ್ಟರಿ ಮ್ಯಾನ್ ಮಾಹಿತಿ ಇಲ್ಲಿದೆ
