18 ತಿಂಗಳಲ್ಲಿ ಬರೊಬ್ಬರಿ 45 ಕೆಜಿ ತೂಕ ಇಳಿಸಿಕೊಂಡ ಮಹಿಳೆ; ಇದರ ಹಿಂದಿವೆ 5 ರಹಸ್ಯಗಳು! Weight Loss

ಆದಾಗ್ಯೂ, ಪಠ್ಯಪುಸ್ತಕದ ಸಲಹೆಗಿಂತ ವೈಯಕ್ತಿಕ ಅನುಭವಗಳು ಹೆಚ್ಚಾಗಿ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ ಎಂದು ಪೌಷ್ಟಿಕ ತಜ್ಞೆ ಹೇಲೀ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಬಹಿರಂಗಪಡಿಸಿದ್ದಾರೆ. ಅವರು 18 ತಿಂಗಳಲ್ಲಿ ಸುಮಾರು 45 ಕೆಜಿ ತೂಕ ಹೇಗೆ ಇಳಿಸಿಕೊಂಡಿದ್ದಾರೆ ಎಂಬುದರ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.

ಅವರು ಸೂಚಿಸಿದಂತೆ, ಅವರ ಆಯ್ಕೆಗಳು ತ್ವರಿತ ಪರಿಹಾರವಲ್ಲ. ಬದಲಿಗೆ ಸ್ಥಿರ ಫಲಿತಾಂಶವನ್ನು ನೋಡಲು ಸಹಾಯ ಮಾಡಿದ ಸರಳ ಅಭ್ಯಾಸಗಳು ಎಂದು ತಿಳಿಸಿದ್ದಾರೆ.

ಹೇಲೀ ನಡಿಗೆಯನ್ನು ವ್ಯಾಯಾಮದ ಅತ್ಯಂತ ಕಡಿಮೆ ಅಂದಾಜು ಮಾಡಲಾದ ರೂಪ ಎಂದು ಬಣ್ಣಿಸಿದ್ದಾರೆ. ಅವರು ಹೇಳುವಂತೆ ತೂಕ ಇಳಿಸಿಕೊಳ್ಳಲು ಪ್ರತಿದಿನ ಕನಿಷ್ಟ 30-45 ನಿಮಿಷ ನಡೆಯುವ ಅಭ್ಯಾಸವನ್ನು ಮಾಡಿಕೊಳ್ಳಬೇಕು. ಈ ಅಭ್ಯಾಸವು ಹೊರಾಂಗಣದ ತಾಜಾ ಗಾಳಿ, ಚಲನೆ ಮತ್ತು ನಿಮ್ಮ ಮನಸ್ಸನ್ನು ಹಗುರವಾಗಿರಿಸಲು ಸಹಾಯ ಮಾಡುತ್ತದೆ ಜೊತೆಗೆ ಆನಂದದಾಯಕವಾಗಿಸುತ್ತದೆ ಎಂದಿದ್ದಾರೆ.

ಪ್ರತಿದಿನ ಸಾಕಷ್ಟು ನೀರು ಕುಡಿಯುವ ಅಭ್ಯಾಸವು ಅವಳ ದಿಕ್ಕನ್ನೇ ಬದಲಾಯಿಸಿದೆ. ಹಾಗಾಗಿ ಪ್ರತಿನಿತ್ಯ ದೇಹಕ್ಕೆ ಬೇಕಾದಷ್ಟು ನೀರನ್ನು ಕುಡಿಯುತ್ತೇನೆ ಎಂದಿದ್ದಾರೆ. ಉದಾಹರಣೆಗೆ, ಯಾರಾದರೂ 200 ಪೌಂಡ್‌ಗಳ ತೂಕ ಹೊಂದಿದ್ದರೆ, ಅದು ಸುಮಾರು 100 ಔನ್ಸ್‌ಗಳಷ್ಟು ನೀರು ಕುಡಿಯಯುವುದಾಗಿ ತಿಳಿಸಿದ್ದಾರೆ. ಇದು ಕಡುಬಯಕೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಜೊತೆಗೆ ಶಕ್ತಿಯನ್ನು ಸ್ಥಿರವಾಗಿಡಿಸುತ್ತದೆ.

ಹೊಟ್ಟೆ ತುಂಬಿಸುವಲ್ಲಿ ಮತ್ತು ಕೊಬ್ಬು ಕರಗಿಸುವಲ್ಲಿ ಪ್ರೋಟೀನ್ ದೊಡ್ಡ ಪಾತ್ರ ವಹಿಸಿದೆ. ಪ್ರತಿದಿನ ಕನಿಷ್ಟ 100 ಗ್ರಾಂ ಪ್ರೊಟೀನ್​ ಸೇವಿಸುವುದರಿಂದ ಇದು ಹಸಿವನ್ನು ನಿಯಂತ್ರಿಸಿ, ಸ್ನಾಯುಗಳ ಬಲವನ್ನು ನಿರ್ಮಿಸುತ್ತದೆ. ಜೊತೆಗೆ ಕೊಬ್ಬನ್ನು ಸುಡುತ್ತದೆ ಎಂದು ತಿಳಿಸಿದ್ದಾರೆ.

ದಿನವನ್ನು ಉದ್ದೇಶಪೂರ್ವಕವಾಗಿ ಪ್ರಾರಂಭಿಸುವುದು ಅವಳ ಅತ್ಯಂತ ಶಕ್ತಿಶಾಲಿ ಅಭ್ಯಾಸಗಳಲ್ಲಿ ಒಂದಾಗಿದೆ. ಹಾಗಾಗಿ ಪ್ರತಿನಿತ್ಯ ಸ್ವಲ್ಪ ಹೊತ್ತು ಮೊಬೈಲ್​ ಬಿಟ್ಟು ವ್ಯಾಯಾಮ ಮಾಡುವುದು, ಪ್ರಾರ್ಥಿಸುವುದು, ಸಂಗೀತ ಕೇಳುವ ಅಭ್ಯಾಸವನ್ನು ಮಾಡುವುದರಿಂದ ಒತ್ತಡ ಇಳಿಕೆ, ಉತ್ತಮ ನಿದ್ರೆ, ಸುಧಾರಿತ ಗಮನ ಮತ್ತು ಹೆಚ್ಚಿನ ಮಾನಸಿಕ ಸ್ಪಷ್ಟತೆ ನೀಡುತ್ತದೆ ಎಂದು ಅವರು ಹೇಳಿದ್ದಾರೆ.

ಪ್ರತಿನಿತ್ಯ ಫೈಬರ್ ಅಂಶಗಳಿಂದ ಕೂಡಿದ ಆಹಾರಗಳನ್ನು ಸೇವಿಸುವ ಅಭ್ಯಾಸವನ್ನು ಮಾಡುವುದರಿಂದ ಜೀರ್ಣಕ್ರಿಯೆಯನ್ನು ಹೆಚ್ಚಿಸಿ, ನಿಮ್ಮ ಹೊಟ್ಟೆಯನ್ನು ತುಂಬಿಸುತ್ತದೆ. ಅದರ ಜೊತೆಗೆ ಕಾರ್ಬೋಹೈಡ್ರೇಟ್‌ಗಳನ್ನು ಸಂಸ್ಕರಿಸಲು ಸುಲಭಗೊಳಿಸುತ್ತದೆ (ಏಜೆನ್ಸೀಸ್​).