ಎಚ್ಚರಿಕೆ: ಎಂಟು ನಿಮಿಷಗಳ ಕೋಪ ನಿಮ್ಮ ಹೃದಯಕ್ಕೆ ಕುತ್ತು ತರಬಹುದು! | Anger

ಬೆಂಗಳೂರು: ನಿಮಗೆಸಣ್ಣ ವಿಷಯಕ್ಕೂ ಕೋಪ(Anger) ಬರುತ್ತದೆಯೇ? ಹಾಗಿದ್ದಲ್ಲಿ ನೀವು ಜಾಗರೂಕರಾಗಿರಬೇಕು. ಕೋಪ ಎಂಬುದು ಕೇವಲಕ್ಷಣಿಕ ಭಾವನೆಯಲ್ಲ, ಅದು ನಿಮ್ಮ ಹೃದಯದ ಪಾಲಿಗೆ ಮೌನ ಹಂತಕನಾಗಬಲ್ಲದು ಎಂದು ಇತ್ತೀಚಿನ ಸಂಶೋಧನೆಯುಎಚ್ಚರಿಸಿದೆ.

ಹೌದು, ಅಮೆರಿಕದಸಂಶೋಧಕರು ನಡೆಸಿದ ಅಧ್ಯಯನದ ಪ್ರಕಾರ, ಕೇವಲ ಎಂಟು ನಿಮಿಷಗಳ ಕಾಲ ತೀವ್ರವಾಗಿ ಕೋಪಗೊಂಡರೆ, ದೇಹದರಕ್ತನಾಳಗಳು ಹಿಗ್ಗುವ ಸಾಮರ್ಥ್ಯವು ಅರ್ಧದಷ್ಟು ಕಡಿಮೆಯಾಗುತ್ತದೆ. ಈ ಪರಿಣಾಮವು ಕೋಪ ಕಡಿಮೆಯಾದನಂತರವೂ ಸುಮಾರು 40 ನಿಮಿಷಗಳ ಕಾಲ ಹಾಗೆಯೇ ಇರುತ್ತದೆ. ಇದು ರಕ್ತದ ಸುಗಮ ಹರಿವಿಗೆ ಅಡ್ಡಿಪಡಿಸುತ್ತದೆಮತ್ತು ಹೃದಯದ ಮೇಲೆ ಒತ್ತಡವನ್ನು ಹೆಚ್ಚಿಸುತ್ತದೆ.

ಸಂಶೋಧನೆನಡೆದಿದ್ದು ಹೇಗೆ?

ಸುಮಾರು 280ಆರೋಗ್ಯವಂತ ವಯಸ್ಕರನ್ನು ಈ ಅಧ್ಯಯನಕ್ಕೆ ಒಳಪಡಿಸಲಾಗಿತ್ತು. ಇವರನ್ನು ನಾಲ್ಕು ಗುಂಪುಗಳಾಗಿ ವಿಂಗಡಿಸಿಕೋಪ, ದುಃಖ ಮತ್ತು ಆತಂಕದಂತಹ ಭಾವನೆಗಳನ್ನು ಪ್ರಚೋದಿಸಲಾಯಿತು. ಆಶ್ಚರ್ಯಕರ ಸಂಗತಿಯೆಂದರೆ, ದುಃಖಅಥವಾ ಆತಂಕ ಅನುಭವಿಸಿದವರಿಗಿಂತ ಕೋಪಗೊಂಡವರಲ್ಲಿ ರಕ್ತನಾಳದ ಕಾರ್ಯನಿರ್ವಹಣೆ ಹೆಚ್ಚು ಕುಂಠಿತವಾಗಿತ್ತು.ಅಂದರೆ, ಇತರ ನಕಾರಾತ್ಮಕ ಭಾವನೆಗಳಿಗಿಂತ ಕೋಪವು ಹೃದಯಕ್ಕೆ ಹೆಚ್ಚು ಅಪಾಯಕಾರಿ.

ದೇಹದಲ್ಲಿಏನಾಗುತ್ತದೆ?

ಹಾರ್ಮೋನುಗಳಏರಿಕೆ: ಕೋಪಗೊಂಡಾಗ ದೇಹದಲ್ಲಿಕಾರ್ಟಿಸೋಲ್ ಮತ್ತು ಅಡ್ರಿನಾಲಿನ್ ಎಂಬ ಒತ್ತಡದ ಹಾರ್ಮೋನುಗಳು ಬಿಡುಗಡೆಯಾಗುತ್ತವೆ.

ರಕ್ತದೊತ್ತಡಹೆಚ್ಚಳ: ಈ ಹಾರ್ಮೋನುಗಳುಅಪಧಮನಿಗಳ ಒಳ ಪದರವನ್ನು ಸಂಕುಚಿತಗೊಳಿಸಿ ರಕ್ತದೊತ್ತಡವನ್ನು ಹೆಚ್ಚಿಸುತ್ತವೆ.

ದೀರ್ಘಕಾಲದಹಾನಿ: ಪದೇ ಪದೇ ಕೋಪಗೊಳ್ಳುವುದರಿಂದರಕ್ತನಾಳಗಳು ಸಹಜ ಸ್ಥಿತಿಗೆ ಮರಳಲು ಸಮಯ ಸಿಗುವುದಿಲ್ಲ. ಇದು ಕಾಲಕ್ರಮೇಣ ಪ್ಲೇಕ್ ನಿರ್ಮಾಣಕ್ಕೆಕಾರಣವಾಗಿ ಹೃದಯಾಘಾತ ಅಥವಾ ಪಾರ್ಶ್ವವಾಯು (Stroke) ಅಪಾಯವನ್ನು ಹೆಚ್ಚಿಸುತ್ತದೆ.

ಪರಿಹಾರವೇನು?

ಕೋಪವನ್ನು ನಿಯಂತ್ರಿಸುವುದುಕೇವಲ ಮಾನಸಿಕ ಆರೋಗ್ಯಕ್ಕಲ್ಲ, ನಿಮ್ಮ ಜೀವ ಉಳಿಸಿಕೊಳ್ಳಲು ಅಗತ್ಯ. ತಜ್ಞರು ಈ ಕೆಳಗಿನ ಕ್ರಮಗಳನ್ನುಸೂಚಿಸಿದ್ದಾರೆ.

ಧ್ಯಾನ ಮತ್ತುಯೋಗ: ಪ್ರತಿದಿನ ಧ್ಯಾನಮಾಡುವುದರಿಂದ ಮನಸ್ಸು ಶಾಂತವಾಗುತ್ತದೆ.

ಆಳವಾದ ಉಸಿರಾಟ: ಕೋಪ ಬಂದ ತಕ್ಷಣ ದೀರ್ಘವಾಗಿ ಉಸಿರಾಡುವುದರಿಂದತಕ್ಷಣದ ಒತ್ತಡ ಕಡಿಮೆಯಾಗುತ್ತದೆ.

ವ್ಯಾಯಾಮ: ನಿಯಮಿತ ದೈಹಿಕ ಚಟುವಟಿಕೆಯು ಹಾರ್ಮೋನುಗಳಸಮತೋಲನಕ್ಕೆ ಸಹಕಾರಿ.

ಸಲಹೆ: ಅಗತ್ಯವಿದ್ದರೆ ಮನೋವೈದ್ಯರ ಅಥವಾ ಆಪ್ತ ಸಮಾಲೋಚಕರಸಹಾಯ ಪಡೆಯಲು ಹಿಂಜರಿಯಬೇಡಿ,(ಏಜೆನ್ಸೀಸ್‌).