ತಲೆಹೊಟ್ಟು ಕಿರಿಕಿರಿ ಇನ್ನು ಸಾಕು! ನಿಮ್ಮ ಆತ್ಮವಿಶ್ವಾಸ ಹೆಚ್ಚಿಸಲು ಇಂದೇ ಈ ಸರಳ ಸಲಹೆಗಳನ್ನು ಟ್ರೈ ಮಾಡಿ... Dandruff

ಇದು ಹೆಚ್ಚಾಗಿ ಶಿಲೀಂಧ್ರದ ಸಮಸ್ಯೆಯಿಂದ ಉಂಟಾಗುತ್ತದೆ. ಇದರಿಂದ ನೆತ್ತಿಯ ಮೇಲೆ ಬಿಳಿ ಪದರಗಳು ಕಾಣಿಸುತ್ತದೆ. ತಲೆಹೊಟ್ಟು ಭಜದ ಮೇಲೆ ಬೀಳುವ ಕಾರಣ ಅನೇಕ ಜನರು  ಕಪ್ಪು ಬಟ್ಟೆಗಳನ್ನು ಧರಿಸುವುದನ್ನೇ ಬಿಡುತ್ತಾರೆ.  ಈ ಸಮಸ್ಯೆಯನ್ನು ನೀವೇನಾದರೂ, ತೊಡೆದುಹಾಕಬೇಕೆಂದು ಪ್ರಯತ್ನಿಸಿದರೆ, ಈ ರೀತಿಯ ಮನೆಮದ್ದುಗಳನ್ನು ಪ್ರಯತ್ನಿಸಿ, ತಲೆಹೊಟ್ಟಿನಿಂದ ದೂರವಾಗಿ.

ಮೆಂತ್ಯ ತಲೆಹೊಟ್ಟು ಸಮಸ್ಯೆಗೆ ಒಂದು ಅತ್ಯುತ್ತಮ ನೈಸರ್ಗಿಕ ಔಷಧವಾಗಿದೆ. ಇದರಲ್ಲಿ ಆಂಟಿ-ಫಂಗಲ್, ಆಂಟಿ-ಬ್ಯಾಕ್ಟೀರಿಯಲ್, ಆಂಟಿ-ಇನ್‌ಫ್ಲಮೇಟರಿ ಗುಣಗಳಿದ್ದು, ಇದರ ಬಳಕೆಯು ತಲೆಹೊಟ್ಟು ಉಂಟುಮಾಡುವ ಶಿಲೀಂದ್ರ  ಬೆಳವಣಿಗೆಯನ್ನು ನಿಯಂತ್ರಿಸುತ್ತದೆ. ಹಾಗಾಗಿ ಕೆಲವು ಮೆಂತ್ಯ ಬೀಜಗಳನ್ನು ರಾತ್ರಿಯಿಡೀ ನೆನೆಸಿಟ್ಟು,  ಬೆಳಿಗ್ಗೆ ಪೇಸ್ಟ್ ಮಾಡಿ ನಿಮ್ಮ ನೆತ್ತಿಗೆ ಹಚ್ಚಿ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯುವುದರಿಂದ ತಲೆಹೊಟ್ಟು ಕಡಿಮೆಯಾಗುತ್ತದೆ.

ಆಪಲ್ ಸೈಡರ್ ವಿನೆಗರ್ ತಲೆಹೊಟ್ಟು ನಿವಾರಣೆಗೆ ಜನಪ್ರಿಯ ನೈಸರ್ಗಿಕ ಔಷಧವಾಗಿದೆ. ಇದರಲ್ಲಿರುವ ಆಸಿಟಿಕ್ ಆಸಿಡ್ (acetic acid) ಇರುವುದರಿಂದ ಶಿಲೀಂಧ್ರ ಸೋಂಕು ಮತ್ತು ಆಂಟಿ ಬ್ಯಾಕ್ಟೀರಿಯಾಗಳನ್ನು ಕಡಿಮೆ ಮಾಡಿತ್ತದೆ. ಜೊತೆಗೆ ತಲೆಯ pH ಸಮತೋಲನ ಮಾಡಿ, ಹೆಚ್ಚುವರಿ ಎಣ್ಣೆಯನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ನೀವೇನಾದರೂ ತಲೆಹೊಟ್ಟು ನಿವಾರಿಸಿಕೊಳ್ಳಲು ಬಯಸಿದರೆ,  ಸಮಾನ ಪ್ರಮಾಣದಲ್ಲಿ ವಿನೆಗರ್ ಮತ್ತು ನೀರನ್ನು ಮಿಶ್ರಣ ಮಾಡಿ. ಅದನ್ನು ನಿಮ್ಮ ನೆತ್ತಿಗೆ ಹಚ್ಚಿ 10-15 ನಿಮಿಷಗಳ ಕಾಲ ಬಿಟ್ಟು ತೊಳೆಯಿರಿ.

ತೆಂಗಿನ ಎಣ್ಣೆ ಮತ್ತು ನಿಂಬೆಹಣ್ಣಿನ ಮಿಶ್ರಣವು  ತಲೆಹೊಟ್ಟು ನಿವಾರಣೆಗೆ ಅತ್ಯಂತ ಜನಪ್ರಿಯ ಔಷಧವಾಗಿದೆ. ತೆಂಗಿನ ಎಣ್ಣೆ ಕೂದಲಿಗೆ ತೇವಾಂಶ ನೀಡಿದರೆ, ನಿಂಬೆ ರಸವು ಶಿಲೀಂಧ್ರವನ್ನು ನಿಯಂತ್ರಿಸುತ್ತದೆ. ಸ್ವಲ್ಪ ತೆಂಗಿನ ಎಣ್ಣೆಯನ್ನು ಬಿಸಿ ಮಾಡಿ ಅದಕ್ಕೆ ನಿಂಬೆ ರಸ ಸೇರಿಸಿ, ನೆತ್ತಿಗೆ ಹಚ್ಚಿ 30 ನಿಮಿಷಗಳ ಕಾಲ ಬಿಟ್ಟು ತೊಳೆಯುವುದರಿಂದ ಇದು ತಲೆಹೊಟ್ಟನ್ನು ನಿವಾರಿಸಲು ಸಹಾಯ ಮಾಡುತ್ತದೆ.

ಮೊಸರು ಮತ್ತು ನಿಂಬೆಹಣ್ಣಿನ ಮಿಶ್ರಣವು ತಲೆಹೊಟ್ಟು ತ್ವರಿತವಾಗಿ ನಿಯಂತ್ರಿಸುತ್ತದೆ. ನಿಂಬೆಹಣ್ಣಿನಲ್ಲಿ ಸಿಟ್ರಿಕ್ ಆಮ್ಲ ಇರುವುದರಿಂದ ತಲೆಯ pH ಸಮತೋಲನ ಮಾಡುತ್ತದೆ. ಇದು ಹೆಚ್ಚುವರಿ ಎಣ್ಣೆಯನ್ನು ನಿಯಂತ್ರಿಸುವುದರ ಜೊತೆಗೆ ಸತ್ತ ಚರ್ಮದ ಕೋಶಗಳನ್ನು ತೆಗೆದುಹಾಕುತ್ತದೆ. ಮೊಸರಿನಲ್ಲಿ ಲ್ಯಾಕ್ಟಿಕ್ ಆಸಿಡ್ ಮತ್ತು ಪ್ರೋಬಯಾಟಿಕ್ಸ್ ಇರುವುದರಿಂದ ತಲೆಯ ಚರ್ಮವನ್ನು ತಂಪಾಗಿಸುತ್ತದೆ, ತೇವಗೊಳಿಸುವುದರ ಜೊತೆಗೆ ತಲೆಹೊಟ್ಟನ್ನು ನಿವಾರಿಸುತ್ತದೆ.

ಬೇವಿನ ಎಲೆಗಳು ನೈಸರ್ಗಿಕವಾಗಿ ತಲೆಹೊಟ್ಟು ನಿವಾರಣೆಗೆ ಸಹಾಯ ಮಾಡುತ್ತವೆ. ಇದರಲ್ಲಿ ಆಂಟಿ-ಫಂಗಲ್, ಆಂಟಿ-ಬ್ಯಾಕ್ಟೀರಿಯಲ್, ಆಂಟಿ-ಇನ್‌ಫ್ಲಮೇಟರಿ ಗುಣಗಳಿದ್ದು, ಇದು  ತಲೆಹೊಟ್ಟು ಉಂಟುಮಾಡುವ ಶಿಲೀಂದ್ರದ ಬೆಳವಣಿಗೆಯನ್ನು ತಡೆಯುತ್ತದೆ. ಜೊತೆಗೆ ತುರಿಕೆ ಮತ್ತು ಉರಿಯೂತವನ್ನು ಶಮನಗೊಳಿಸುತ್ತದೆ (ಏಜೆನ್ಸೀಸ್).