ನಿತ್ಯ ಬೆಳಿಗ್ಗೆ ಮಲಾಸನದಲ್ಲಿ ಕುಳಿತು ನೀರು ಕುಡಿಯಿರಿ; ಜೀರ್ಣಾಂಗ ಆರೋಗ್ಯಕ್ಕೆ ರಾಮಬಾಣ ಈ ಅಭ್ಯಾಸ..Malasana

Malasana With A Glass Of Warm Water Every Morning

Published on:

18 Aug 2026, 10:56 am

ಪ್ರಮುಖ ಮುಖ್ಯಾಂಶಗಳು

ಮಲಾಸನ ಎಂದರೇನು ಇದರಿಂದಾಗುವ ಪ್ರಯೋಜನಗಳೇನು?.
ಜೀರ್ಣಕ್ರಿಯೆ ಸೇರಿದಂತೆ ನಾನಾ ಆರೋಗ್ಯ ಕಾರಣಕ್ಕೆ ಮಲಾಸನ ಬೆಸ್ಟ್.
ವಿಶ್ರಾಂತಿ ಸ್ಥಿತಿಗೆ, ಮಲವಿಸರ್ಜನೆಯನ್ನು ಸುಲಭವಾಗಿಸಲು ಈ ಭಂಗಿ ಸಹಾಯ

Malasana With A Glass Of Warm Water Every Morning:

ಬೆಳಿಗ್ಗೆ ಎದ್ದ ತಕ್ಷಣ ನೀರು ಕಾಯಿಸಿ ಮಲಾಸನದ ಭಂಗಿಯಲ್ಲಿ ಕುಳಿತು ನೀರು ಕುಡಿಯುವ ಹೊಸ ವೆಲ್‌ನೆಸ್ ಟ್ರೆಂಡ್ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ. ಇದು ಈಗಿನ ಟ್ರೆಂಡ್ ಮಾತ್ರವಲ್ಲ, ಪ್ರಾಚೀನ ಆಯುರ್ವೇದದಲ್ಲಿಯೂ ಇದರಿಂದಾದಗುವ ಪ್ರಯೋಜನದ ಬಗ್ಗೆ ಮಾಹಿತಿಯನ್ನು ಹಂಚಿಕೊಳ್ಳಲಾಗಿತ್ತು.

ಮಲಾಸನ ಎಂದರೇನು?

ಸಂಸ್ಕೃತದ 'ಮಾಲಾ' (ಹಾರ) ಮತ್ತು 'ಆಸನ' (ಭಂಗಿ) ಪದಗಳಿಂದ ಬಂದಿರುವ ಇದು ಹಿಪ್ಸ್, ಸೊಂಟ ಮತ್ತು ಪಾದಗಳನ್ನು ಬಲಪಡಿಸುವ ಶಕ್ತಿಶಾಲಿ ಯೋಗಾಸನ ಎಂದು ಕರೆಯಲಾಗುತ್ತದೆ. ಇದನ್ನು ಬೆಳಿಗ್ಗೆ ಎದ್ದ ತಕ್ಷಣ ಒಂದು ಲೋಟ ಉಗುರುಬೆಚ್ಚಗಿನ ನೀರನ್ನು ತೆಗೆದುಕೊಂಡು ಮಲಾಸನದಲ್ಲಿ ಕುಳಿತು, ನಿಧಾನವಾಗಿ ನೀರು ಕುಡಿಯುತ್ತಾ ಆಳವಾದ ಉಸಿರಾಟ ನಡೆಸುವುದು. ಈ ಭಂಗಿಯಲ್ಲಿ 3 ರಿಂದ 5 ನಿಮಿಷಗಳ ಕಾಲ ಇರಬೇಕು. ಇದು ದೇಹದ ಆರೋಗ್ಯಕ್ಕೆ ಸಹಕಾರಿ.

ಯೋಗ ಶಿಕ್ಷಕಿ ಮೇಹಕ್ ಮೆಹ್ತಾ ಅವರು ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಹಂಚಿಕೊಂಡಿರುವ ಪ್ರಕಾರ, '7 ದಿನಗಳ ಚಾಲೆಂಜ್' ಪ್ರಯತ್ನಿಸಿ, ಮೂರನೇ ದಿನದಿಂದಲೇ ಬದಲಾವಣೆ ಕಂಡುಬಂದಿದೆ ಹಾಗೂ ಜೀರ್ಣಕ್ರಿಯೆ ಸರಳವಾಗಿದೆ ಎಂದು ಬರೆದುಕೊಂಡಿದ್ದಾರೆ.

ಮಲಾಸನದ ಭಂಗಿಯಲ್ಲಿ ಕುಳಿತು ನೀರು ಸೇವನೆ, ಲಾಭ ಏನು?

ಉಗುರುಬೆಚ್ಚಗಿನ ನೀರು ಜೀರ್ಣಾಂಗ ವ್ಯವಸ್ಥೆಯನ್ನು ಸಕ್ರಿಯಗೊಳಿಸುತ್ತದೆ. ಮಲಾಸನ ಭಂಗಿಯು ಜೀರ್ಣಾಂಗಗಳ ಆರೋಗ್ಯವನ್ನು ವೃದ್ಧಿಸಿ ಒಟ್ಟಾರೆ ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ. ಈ ಭಂಗಿಯಲ್ಲಿ ತೊಡೆಗಳು ಹೊಟ್ಟೆಯ ಕೆಳಭಾಗದ ಮೇಲೆ ಒತ್ತಡ ಹೇರುವುದರಿಂದ, ಕಲ್ಮಶಗಳು ಸುಲಭವಾಗಿ ಹೊರಹೋಗಲು ಸಹಾಯ ಮಾಡುತ್ತದೆ.

ಆಳವಾದ ಸ್ಕ್ವಾಟ್ ಭಂಗಿಯು ಶ್ರೋಣಿ ಕುಹರದ ಸ್ನಾಯುಗಳನ್ನು ವಿಶ್ರಾಂತಿ ಸ್ಥಿತಿಗೆ ತರುತ್ತದೆ ಮತ್ತು ಮಲವಿಸರ್ಜನೆಯನ್ನು ಸುಲಭಗೊಳಿಸುತ್ತದೆ. ರಾತ್ರಿ ಪೂರ್ತಿ ನಿದ್ರಿಸಿದ ಬಳಿಕ ದೇಹವು ನಿರ್ಜಲೀಕರಣಗೊಂಡಿರುತ್ತದೆ. ಬೆಳಿಗ್ಗೆ ಬೆಚ್ಚಗಿನ ನೀರು ಕುಡಿಯುವುದರಿಂದ ಕೊಲೊನ್ ಮರುಜಲೀಕರಣಗೊಂಡು ಮಲವು ಮೃದುವಾಗುತ್ತದೆ.

ನಿಯಮಿತವಾಗಿ ಮಲಾಸನದಲ್ಲಿ ಕುಳಿತುಕೊಳ್ಳುವುದರಿಂದ ಸೊಂಟ, ಮಂಡಿಗಳು ಮತ್ತು ಪಾದಗಳ ನಮ್ಯತೆ ಹೆಚ್ಚುತ್ತದೆ. ದಿನದ ಆರಂಭದಲ್ಲಿ ಈ ರೀತಿ ಶಾಂತವಾಗಿ ಕುಳಿತು ನೀರು ಕುಡಿಯುವುದರಿಂದ ಮಾನಸಿಕ ಒತ್ತಡ ಕಡಿಮೆಯಾಗಿ ಸಕಾರಾತ್ಮಕತೆ ಮೂಡುತ್ತದೆ. ದೇಹದ ಕೆಳಭಾಗದಲ್ಲಿ ರಕ್ತ ಪರಿಚಲನೆ ಉತ್ತಮಗೊಳ್ಳುತ್ತದೆ.

ಪ್ರಯೋಗ ಮಾಡೋದು ಹೇಗೆ?

ಒಂದು ಬೆಚ್ಚಗಿನ ನೀರನ್ನು ತೆಗೆದುಕೊಂಡು ಮಲಾಸನದಲ್ಲಿ ಕುಳಿತುಕೊಳ್ಳಿ ಅ ನಂತರ ನೀರನ್ನು ನಿಧಾನವಾಗಿ ಕುಡಿಯಿರಿ ಮತ್ತು ಹೊಟ್ಟೆಯ ಮೂಲಕ ಆಳವಾದ ಉಸಿರನ್ನು ತೆಗೆದುಕೊಳ್ಳಿ. ಕನಿಷ್ಠ 3-5 ನಿಮಿಷಗಳ ಕಾಲ ಅದೇ ಸ್ಥಾನದಲ್ಲಿ ಕುಳಿತುಕೊಳ್ಳಿ. ಪ್ರತಿದಿನ ಬೆಳಿಗ್ಗೆ ನೀವು ಎದ್ದ ತಕ್ಷಣ ಇದನ್ನು ಮಾಡಿ.ಮಲಾಸನ ಮಾಡುವಾಗ ಬಿಸಿನೀರು ಕುಡಿಯುವುದು ನಿಮ್ಮ ಜೀರ್ಣಕ್ರಿಯೆ ಮತ್ತು ಒಟ್ಟಾರೆ ಆರೋಗ್ಯಕ್ಕೆ ಹೆಚ್ಚು ಪ್ರಯೋಜನಕಾರಿಯಾಗಿದೆ,(ಏಜೆನ್ಸೀಸ್).

ಮಲಾಸನ ಎಂದರೇನು