ನೀವು ಈ 5 ತಪ್ಪುಗಳನ್ನು ಮಾಡುತ್ತಿದ್ದರೆ ಎಂದಿಗೂ ತೂಕ ಇಳಿಸಿಕೊಳ್ಳಲು ಸಾಧ್ಯವಿಲ್ಲ! Weight Loss

Weight Loss: ತೂಕ ಇಳಿಸಿಕೊಳ್ಳಲು ಪ್ರಕ್ರಿಯೆ ತುಂಬಾ ಕಷ್ಟಕರ ಎಂದು ಎಲ್ಲರಿಗೂ ತಿಳಿದಿರುವಂತಹ ಮಾಹಿತಿ. ಈ ಪ್ರಕ್ರಿಯೆಗೆ ಯಾವುದೇ ಅಡ್ಡದಾರಿಗಳಿಲ್ಲ ಎಂದು ಫಿಟ್ನೆಸ್ ತಜ್ಞರು ವರ್ಷಗಳಿಂದ ಹೇಳುತ್ತಿದ್ದಾರೆ. ಯಾವುದೇ ವ್ಯಕ್ತಿಯೂ ಆರೋಗ್ಯವಾಗಿ ಇರಲು ವ್ಯಾಯಾಮ ಮತ್ತು ಆರೋಗ್ಯಕರ ಆಹಾರದ ಸಂಯೋಜನೆಯನ್ನು ಪ್ರಯತ್ನಿಸಬೇಕು. ಆದರೆ ಅವರ ತೂಕ ಇಳಿಸುವ ಪ್ರಯಾಣವು ಸುಲಭ ಎಂದು ಯಾರು ಹೇಳುವುದಿಲ್ಲ. ಇದು ದೃಢ ನಿಶ್ಚಯದಿಂದ ಹೊಂದಬೇಕು ಎಂದು ಹೇಳುತ್ತಾರೆ.

ಕಡುಬಯಕೆಗಳನ್ನು ನಿಭಾಯಿಸುವುದು ಮತ್ತು ವ್ಯಾಯಾಮದ ಅವಧಿಗಳನ್ನು ಪೂರ್ಣಗೊಳಿಸುವುದು ಎರಡು ದೊಡ್ಡ ಕೆಲಸಗಳು ಎಂದು ನೀವು ಭಾವಿಸಿರಬಹುದು. ತೂಕ ಇಳಿಸಿಕೊಳ್ಳುವುದು ಭಾವನಾತ್ಮಕ ಮತ್ತು ಮಾನಸಿಕ ಯೋಗಕ್ಷೇಮದ ಬಗ್ಗೆಯೂ ಆಗಿದೆ. ತೂಕ ಇಳಿಸುವ ತರಬೇತುದಾರರಾದ ಪೂನಂ, ಸ್ವತಃ 9 ಕೆಜಿ ತೂಕ ಇಳಿಸಿಕೊಂಡಿದ್ದು, ಈ ವೇಳೆ ಕೊಬ್ಬನ್ನು ಕಳೆದುಕೊಳ್ಳುವ ಪ್ರಯಾಣದಲ್ಲಿ ತಾವು ಎದುರಿಸಿದ 5 ಅಡೆತಡೆಗಳನ್ನು ಹಂಚಿಕೊಂಡಿದ್ದಾರೆ.

ಅನೇಕ ಜನರಿಗೆ ಆಹಾರವು ನಿಭಾಯಿಸುವ ಕಾರ್ಯವಿಧಾನವಾಗುತ್ತದೆ. ಇದು ವ್ಯಕ್ತಿಯು ಒತ್ತಡಕ್ಕೊಳಗಾದಾಗ, ಬೇಸರಗೊಂಡಾಗ, ಅನಾರೋಗ್ಯ ಸಂಭವಿಸಿದಾಗ ಹಾಗೂ ಇತರ ಭಾವನೆಗಳನ್ನು ಅನುಭವಿಸಿದರೂ ಆತ ಕೆಟ್ಟದಾಗಿ ತಿನ್ನಲು ಪ್ರಾರಂಭಿಸುತ್ತಾನೆ. ಹಾಗೆಯೇ ಅತಿ ಹೆಚ್ಚು ಜಂಕ್​ ಪುಡ್​ ಸೇವನೆಯೂ ಕೂಡಾ ಹೆಚ್ಚು ಒತ್ತಡಕ್ಕೊಳಗಾಗುತ್ತಾರೆ ಎಂದು ತಿಳಿಸಿದ್ದಾರೆ.

ಮೇಯೊ ಕ್ಲಿನಿಕ್ ಪ್ರಕಾರ, ಪ್ರಮುಖ ಜೀವನದ ಘಟನೆಗಳು ಮತ್ತು ದೈನಂದಿನ ಗಡಿಬಿಡಿಯು ನಕಾರಾತ್ಮಕ ಭಾವನೆಗಳನ್ನು ಪ್ರಚೋದಿಸುತ್ತದೆ. ಹಾಗೆಯೇ ಇದು ಭಾವನಾತ್ಮಕ ಆಹಾರ ಸೇವನೆಗೆ ಕಾರಣವಾಗುತ್ತದೆ. ಇದರಿಂದ ತೂಕ ಇಳಿಸುವ ಪ್ರಯತ್ನಗಳಿಗೆ ಅಡ್ಡಿಯಾಗುತ್ತದೆ.

ಕೆಲವೊಮ್ಮೆ ನಾವು ನಮ್ಮನ್ನು ಅತಿಯಾಗಿ ನಿರ್ಬಂಧಿಸಿಕೊಳ್ಳಲು ಪ್ರಾರಂಭಿಸುತ್ತೇವೆ ಮತ್ತು ಸಾಧ್ಯವಾದಷ್ಟು ಬೇಗ ಫಲಿತಾಂಶಗಳನ್ನು ಕ್ರ್ಯಾಶ್​ ಡಯಟ್​ಗಳ ಮೊರೆ ಹೋಗುತ್ತಿದ್ದಾರೆ. ಈ ಆಹಾರಕ್ರಮಗಳನ್ನು ದೀರ್ಘಕಾಲದವರೆಗೆ ನಿರ್ವಹಿಸಲು ಸಾಧ್ಯವಿಲ್ಲ. ನಾವು ತ್ಯಜಿಸಿದಾಗ, ಕಳೆದುಕೊಂಡ ತೂಕವನ್ನು ಮತ್ತೆ ಪಡೆಯುತ್ತೇವೆ ಎಂದು ಪೂನಂ ವಿವರಿಸಿದ್ದಾರೆ.

ಇದು ಹೆಚ್ಚಾಗಿ ಮನೋಸ್ಥೈರ್ಯದ ಮೇಲೆ ಪರಿಣಾಮ ಬೀರುತ್ತದೆ. ಹಾಗೂ ಜನರು ಏನು ತಿಂದರೂ ತೂಕ ಇಳಿಸಿಕೊಳ್ಳಲಿ ಸಾಧ್ಯವಿಲ್ಲ ಎಂಬುದನ್ನು ಯೋಚಿಸಲು ಪ್ರಾರಂಭಿಸುತ್ತಾರೆ. ಆದಾಗ್ಯೂ, ತೂಕ ಇಳಿಸುವ ಪ್ರಯಾಣಕ್ಕೆ ತಾಳ್ಮೆ ಅಗತ್ಯವಾಗಿರುತ್ತದೆ.

ನಿಮ್ಮ ಸ್ನೇಹಿತರೊಂದಿಗೆ ಹೊರಗೆ ಹೋದಾಗ ನೀವು ಇಷ್ಟಪಡುವಂತೆ ಇರಬೇಕೆಂದು ಬಯಸಿದಾಗ ನೀವು ಹೊಂದಿಕೊಳ್ಳಲು ತುಂಬಾ ಪ್ರಯತ್ನಿಸುತ್ತೀರಿ. ಇದು ನಿಮ್ಮ ತೂಕ ಇಳಿಸುವ ಪ್ರಯಾಣದಲ್ಲಿ ಜನರಿಗೆ ಸವಾಲಿನ ಸಂಗತಿಯಾಗಿದೆ. ನಿಮ್ಮ ಗುರಿಗಳನ್ನು ಅರ್ಥಮಾಡಿಕೊಳ್ಳದೇ, ಜನರೊಂದಿಗೆ ಬೆರೆತು ಆಹಾರ ಸೇವಿಸುವುದರಿಂದ ಇದು ಫಿಟ್ನೆಸ್ ದಿನಚರಿಯನ್ನು ಅನುಸರಿಸುವುದು ತುಂಬಾ ಕಷ್ಟಕರವೆನಿಸುತ್ತದೆ.

ನಿಮ್ಮ ಪ್ರೀತಿಪಾತ್ರರ ಬೆಂಬಲವಿಲ್ಲದೆ ತೂಕವನ್ನು ಕಳೆದುಕೊಳ್ಳುವುದು ಕಷ್ಟ. ಈ ಪ್ರಯಾಣವು ನಿಮ್ಮನ್ನು ನಿರುತ್ಸಾಹಗೊಳಿಸಬಹುದು. ಆದರೆ ನೀವು ಏನು ಮಾಡಬೇಕು ಅಥವಾ ಹೇಗೆ ತೂಕ ಇಳಿಸಿಕೊಳ್ಳಬೇಕು ಎಂದು ಯಾರಿಗೂ ಹೇಳಲು ಬಿಡಬಾರದು. ಕೆಲವು ಸಮಯದ ನಂತರ ಅವರೇ ಅಭ್ಯಾಸಗಳಿಗೆ ಒಗ್ಗಿಕೊಳ್ಳುತ್ತಾರೆ. ನೀವು ಫಿಟ್​ನೆಸ್​ ದಿನಚರಿಯನ್ನು ಅಭ್ಯಾಸ ಮಾಡುವುದನ್ನು ಮುಂದುವರೆಸಿ.

ಕೆಲವು ಫಿಟ್ನೆಸ್ ಮಾದರಿಗಳನ್ನು ನೋಡುವ ಮೂಲಕ ನಾವು ಸಾಮಾನ್ಯವಾಗಿ ಅವಾಸ್ತವಿಕ ನಿರೀಕ್ಷೆಗಳನ್ನು ಹೊಂದಿರುತ್ತೇವೆ" ಎಂದು ಪೂನಂ ವಿವರಿಸಿದ್ದಾರೆ. ಇದು ಬಹುಶಃ ನಿಮ್ಮ ಆತ್ಮವಿಶ್ವಾಸಕ್ಕೆ ಮತ್ತು ನಿಮ್ಮ ದೇಹಕ್ಕೆ ಮಾಡಬಹುದಾದ ಕೆಟ್ಟ ವಿಷಯವಾಗಿದೆ.

ಎಲ್ಲರೂ ವಿಭಿನ್ನರು, ಮತ್ತು ಪ್ರತಿಯೊಬ್ಬರೂ ವಿಭಿನ್ನ ತೂಕ ಇಳಿಸುವ ಪ್ರಯಾಣವನ್ನು ಹೊಂದಿರುತ್ತಾರೆ. ನಿಮ್ಮ ದೇಹದ ಆಕಾರವು ನಿಮ್ಮ ತಳಿಶಾಸ್ತ್ರದೊಂದಿಗೆ ಬಹಳಷ್ಟು ಸಂಬಂಧ ಹೊಂದಿದೆ. ಹಾಗಾಗಿ ನೀವು ವರ್ಷಗಳಿಂದ ವ್ಯಾಯಾಮ ಮತ್ತು ಆಹಾರಕ್ರಮವನ್ನು ಅನುಸರಿಸುತ್ತಿದ್ದರೆ ಬೇರೆಯವರೊಂದಿಗೆ ಸ್ಪರ್ಧಿಸಲು ಸಾಧ್ಯವಿಲ್ಲ ಎಂದು ತಿಳಿಸಿದ್ದಾರೆ.

ನೀವು ದೇಹವನ್ನು ಫಿಟ್ ಆಗಿರಿಸಲು ನಿಮ್ಮ ಫಿಟ್ನೆಸ್ ತರಬೇತುದಾರರು ಏನು ಸಲಹೆ ನೀಡುತ್ತಿದ್ದಾರೆ ಆಲಿಸಿ ಮತ್ತು ಅದನ್ನು ಪಾಲಿಸುವ ಅಭ್ಯಾಸ ಮಾಡಿಕೊಳ್ಳಿ. ತಾಳ್ಮೆ ಮತ್ತು ದೃಢನಿಶ್ಚಯದಿಂದ, ನೀವು ಖಂಡಿತವಾಗಿಯೂ ಫಿಟ್ನೆಸ್ ಗುರಿಗಳನ್ನು ಸಾಧಿಸುವಿರಿ (ಏಜೆನ್ಸೀಸ್​).