ರಾತ್ರಿ ವೇಳೆ ವಿಷಕಾರಿ ಹಾವು ಕಂಡರೆ ತಕ್ಷಣ ಈ ಒಂದು ಕೆಲಸ ಮಾಡಿ ಉರಗ ಎಸ್ಕೇಪ್​ ಆಗಿಬಿಡುತ್ತೆ! Snakes

Snakes : ಹಾವುಗಳನ್ನು ಕಂಡರೆ ಹೆದರಿ ಓಡುವವರೇ ಹೆಚ್ಚು. ತುಂಬಾ ಅಪಾಯಕಾರಿ ಜೀವಿಗಳಲ್ಲಿ ಹಾವುಗಳು ( Snakes ) ಕೂಡ ಒಂದು. ಈ ಜೀವಿ ಶತಮಾನಗಳಿಂದ ಜನರ ಜೀವಕ್ಕೆ ಬೆದರಿಕೆಯಾಗಿದ್ದು, ಪ್ರಾಚೀನ ಕಾಲದಿಂದಲೂ ಜಗತ್ತಿನಲ್ಲಿ ವಾಸಿಸುತ್ತಿರುವ ಜೀವಿಯಾಗಿದೆ. ಈ ಭೂಮಿಯ ಮೇಲೆ ಸುಮಾರು 3000 ಜಾತಿಯ ಹಾವುಗಳು ವಾಸಿಸುತ್ತಿವೆ. ಆದರೆ, ಎಲ್ಲ ಹಾವುಗಳು ವಿಷಕಾರಿಯಲ್ಲ. ಕೆಲವೊಂದು ಸೌಮ್ಯ ಸ್ವಭಾವಾದ ಹಾವುಗಳಿವೆ. ಕೆಲವು ಜೀವಕ್ಕೆ ಮಾರಕವಾಗುವ ವಿಷವನ್ನು ಹೊಂದಿರುತ್ತವೆ.

ಹಾವುಗಳು ಮನೆಗಳನ್ನು ಪ್ರವೇಶಿಸುವುದು ಸಾಮಾನ್ಯ. ಅದರಲ್ಲೂ ಬೇಸಿಗೆಯಲ್ಲಿ ತಂಪಾದ ಸ್ಥಳ ಮತ್ತು ಚಳಿಗಾಲದಲ್ಲಿ ಬೆಚ್ಚನೆಯ ಪ್ರದೇಶವನ್ನು ಹುಡುಕಿ ಬರುವಾಗ ಮನೆಗಳನ್ನೂ ಪ್ರವೇಶಿಸುತ್ತವೆ. ಇನ್ನು ಮನೆಯ ಸುತ್ತಲೂ ಬಹಳಷ್ಟು ಕಸ ಇದ್ದರು ಕೂಡ ಹಾವುಗಳು ಇರುವ ಸಾಧ್ಯತೆ ಹೆಚ್ಚಿರುತ್ತದೆ. ಸ್ವಚ್ಛತೆ ಇರದ ಪ್ರದೇಶದಲ್ಲಿ ಓಡಾಡುವಾಗ ಹಾವು ಕಡಿತಕ್ಕೆ ಒಳಗಾಗುವ ಸಾಧ್ಯತೆ ಹೆಚ್ಚಿದೆ. ಹಾವಿನ ವಿಷವು ತುಂಬಾ ಮಾರಕವಾಗಿದ್ದು, ಸಮಯಕ್ಕೆ ಸರಿಯಾಗಿ ಚಿಕಿತ್ಸೆ ಸಿಗದೇ ಹೋದರೆ ಸಾವು ಸಂಭವಿಸುವುದು ಖಚಿತ.

ಅಂದಹಾಗೆ, ಹಾವುಗಳೆಂದರೆ ಮನುಷ್ಯನಿಗೆ ವಿಶೇಷ ಆಸಕ್ತಿ. ಹಾವನ್ನು ಕಂಡು ಭಯಪಟ್ಟರು ಕೂಡ ಹಾವಿನ ಬಗ್ಗೆ ತಿಳಿದುಕೊಳ್ಳಲು ಭಾರಿ ಕುತೂಹಲ ಹೊಂದಿರುತ್ತಾನೆ. ಹಾವುಗಳ ಬಗ್ಗೆ ನಮಗೆ ತಿಳಿದಿಲ್ಲದ ಹಲವು ವಿಷಯಗಳಿವೆ. ಅವುಗಳಲ್ಲಿ ಒಂದು ಹಾವುಗಳು ಎಷ್ಟು ಹೊತ್ತು ಮಲಗುತ್ತವೆ ಅನ್ನೋದು.

ಹಾವು ಮನುಷ್ಯನಿಗಿಂತ ಹೆಚ್ಚು ಸಮಯ ನಿದ್ರಿಸುತ್ತದೆ. ಮನುಷ್ಯರು ದಿನಕ್ಕೆ ಎಂಟರಿಂದ ಹತ್ತು ಗಂಟೆಗಳ ಕಾಲ ನಿದ್ರಿಸಿದರೆ, ಹಾವುಗಳು 16 ಗಂಟೆಗಳ ಕಾಲ ನಿದ್ರಿಸುತ್ತವೆ. ಕಾಳಿಂಗ ಸರ್ಪಗಳು 18 ಗಂಟೆಗಳಿಗಿಂತ ಹೆಚ್ಚು ಕಾಲ ನಿದ್ರಿಸುತ್ತವೆ. ಈ ಹಾವುಗಳು ಕಾಲಕ್ಕೆ ತಕ್ಕಂತೆ ವಾತಾವರಣದಲ್ಲಿ ಇರಲು ಬಯಸುತ್ತವೆ. ಈ ಬೇಸಿಗೆಯಲ್ಲಿ ತಂಪಾದ ವಾತಾವರಣ ಅರಸಿ ಬರುತ್ತವೆ. ಹೀಗಾಗಿ ರಾತ್ರಿ ವೇಳೆ ನಿಮ್ಮ ಮನೆಯ ಸುತ್ತಾಮುತ್ತಾ ಓಡಾಡುವಾಗ ತುಂಬಾ ಎಚ್ಚರಿಕೆ ವಹಿಸುವುದು ತುಂಬಾ ಅಗತ್ಯ. ಸ್ವಲ್ಪ ಯಾಮಾರಿದರೂ ಹಾವಿನ ಕಡಿತಕ್ಕೆ ಒಳಗಾಗಬಹುದು. ಅಲ್ಲದೆ, ದೇಶದಲ್ಲಿ ಹಾವಿನ ಕಡಿತದಿಂದ ಸಾಯುವವರ ಪ್ರಮಾಣ ವರ್ಷದಿಂದ ವರ್ಷಕ್ಕೆ ಹೆಚ್ಚಾಗುತ್ತಲೇ ಇವೆ.

ಬೆಳಗಿನ ಸಮಯದಲ್ಲಿ ಹಾವುಗಳು ನಮ್ಮ ಕಣ್ಣಿಗೆ ಸುಲಭವಾಗಿ ಗೋಚರವಾಗುತ್ತವೆ. ಆದರೆ, ರಾತ್ರಿ ಹೊತ್ತು ಹಾವುಗಳು ನಮ್ಮ ಕಣ್ಣಿಗೆ ಸುಲಭವಾಗಿ ಕಾಣುವುದಿಲ್ಲ. ಇಂತಹ ಸಂದರ್ಭದಲ್ಲಿ ಹಾವು ಕಡಿತಕ್ಕೆ ಒಳಗಾಗುವ ಸಾಧ್ಯತೆ ಹೆಚ್ಚಿರುತ್ತದೆ. ಹೀಗಾಗಿ ರಾತ್ರಿ ಹೊತ್ತು ಆಕಸ್ಮಿಕವಾಗಿ ಹಾವುಗಳು ನಿಮ್ಮ ಕಣ್ಣಿಗೆ ಬಿದ್ದರೆ, ಹಾವಿನ ಕಣ್ಣಿಗೆ ಟಾರ್ಚ್​ ಬೆಳಕು ಬಿಡಿ, ಏಕೆಂದರೆ, ಬಲವಾದ ಬೆಳಕು ಬಡಿಯುವುದರಿಂದ ಹಾವುಗಳಿಗೆ ತೊಂದರೆಯಾಗುತ್ತದೆ. ಇದರಿಂದ ಹಾವಿನಿಂದ ಕಚ್ಚಿಸಿಕೊಳ್ಳದೇ ತಪ್ಪಿಸಿಕೊಳ್ಳಬಹುದು.

ಇನ್ನು ಹಾವುಗಳು ಶುಂಠಿ, ಬೆಳ್ಳುಳ್ಳಿ, ಫಿನಾಯಿಲ್ ಇತ್ಯಾದಿಗಳ ಬಲವಾದ ವಾಸನೆಯನ್ನು ಸಹ ಸಹಿಸುವುದಿಲ್ಲ. ನಿಮ್ಮ ಮನೆಯ ಸುತ್ತಾಮುತ್ತ ಶುಂಠಿ, ಬೆಳ್ಳುಳ್ಳಿ ರಸವನ್ನು ಸಿಂಪಡಿಸಿ. ಈ ರೀತಿ ಮಾಡುವುದರಿಂದ ಹಾವಿನ ಕಡಿತದಿಂದ ತಪ್ಪಿಸಿಕೊಳ್ಳಬಹುದು, (ಏಜೆನ್ಸೀಸ್​).