ಎಚ್ಚರ..ಎಚ್ಚರ... ಈ ವಿಟಮಿನ್​ಗಳ ಕೊರತೆಯೇ ಮಲಬದ್ಧತೆಗೆ ಕಾರಣ! Constipation problem

ಇದೆಲ್ಲಾ ಕಾರಣವು ಸತ್ಯ. ಆದರೆ, ದೇಹದ ಕೆಲವು ಜೀವಸತ್ವಗಳ ಕೊರತೆಯೂ ಮಲಬದ್ಧತೆಗೆ ಪ್ರಮುಖ ಕಾರಣವಾಗಿದೆ. ಇದು ಬಹಳ ಜನರಿಗೆ ತಿಳಿಯದ ಮಾಹಿತಿಯಾಗಿದೆ. ಈ ಜೀವಸತ್ವಗಳು ಕರುಳನ್ನು ಆರೋಗ್ಯವಾಗಿರಿಸಿ, ಸರಿಯಾದ ಜೀರ್ಣಕ್ರಿಯೆಯನ್ನು ಕಾಪಾಡಿಕೊಳ್ಳುವಂತೆ ಮಾಡುತ್ತದೆ. ಇದು ಮಾನವ ಮಲವನ್ನು ಮೃದುವಾಗಿಡಲು ಸಹಾಯ ಮಾಡುತ್ತದೆ.

ಈ ಜೀವಸತ್ವಗಳು ಕೊರತೆಯಿಂದಿರುವಾಗ ಕರುಳಿನ ಚಲನೆ ನಿಧಾನವಾಗಿಸುತ್ತದೆ. ಇದು ಮಲಬದ್ಧತೆ ಸಮಸ್ಯೆಯನ್ನು ಉಂಟು ಮಾಡುತ್ತದೆ. ಹಾಗಿದ್ದರೆ ಆ ಜೀವಸತ್ವಗಳು ಯಾವುದು ಎಂದು ನೋಡೋಣ ಬನ್ನಿ... 

ವಿಟಮಿನ್ ಡಿ ಮೂಳೆಯನ್ನು ಬಲಿಷ್ಟಗೊಳಿಸುವುದಲ್ಲದೇ, ಕರುಳಿನ ಸ್ನಾಯುಗಳ ಸರಿಯಾದ ಕಾರ್ಯನಿರ್ವಹಣೆಗೆ ಸಹಾಯ ಮಾಡುತ್ತದೆ. ಇದರ ಕೊರತೆಯು ಕರುಳಿನ ಚಲನೆಯನ್ನು ನಿಧಾನಗೊಳಿಸಿ, ಮಾನವ ತ್ಯಾಜ್ಯವನ್ನು ಗಟ್ಟಿಯಾಗಿಸಿ ಹೊರಹಾಕದಂತೆ ತಡೆಯುತ್ತದೆ. ಯಾವ ವ್ಯಕ್ತಿ ದೇಹದಲ್ಲಿ ವಿಟಮಿನ್​ ಡಿ ಮಟ್ಟ ಕಡಿಮೆಯಾಗಿರುತ್ತದೆಯೋ ಅವರಲ್ಲಿ ಮಲಬದ್ಧತೆ ಹೆಚ್ಚಾಗಿ ಕಂಡುಬರುತ್ತದೆ. ಇದನ್ನು ಸರಿಪಡಿಸಲು ಬೆಳಗ್ಗೆ ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳುವುದು, ಪೂರಕಗಳು ಮತ್ತು ಬಲವರ್ಧಿತ ಹಾಲು ಅಥವಾ ಧಾನ್ಯಗಳನ್ನು ಸೇವಿಸುವುದರಿಂದ ಮಲಬದ್ಧತೆಯನ್ನು ಕಡಿಮೆ ಮಾಡುತ್ತದೆ.

ವಿಟಮಿನ್ ಬಿ1 ಜೀರ್ಣಕ್ರಿಯೆ ಮತ್ತು ಶಕ್ತಿ ಉತ್ಪಾದನೆಗೆ ಅತ್ಯಗತ್ಯವಾಗಿದೆ. ಈ ವಿಟಮಿನ್​ ದೇಹದಲ್ಲಿ ಕೊರತೆಯಿದ್ದಾಗ,  ಹೊಟ್ಟೆಯು ಆಹಾರವನ್ನು ನಿಧಾನವಾಗಿ ಜೀರ್ಣಿಸಿಕೊಳ್ಳುತ್ತದೆ. ಹಾಗೆಯೇ ಮಲಬದ್ಧತೆ ಮತ್ತು ತೂಕ ಹೆಚ್ಚಾಗಲು ಕಾರಣವಾಗುತ್ತದೆ. ಆದರಿಂದ ನೀವು  ಥಯಾಮಿನ್ ಕೊರತೆಯನ್ನು ಸರಿಪಡಿಸುವುದರಿಂದ ಜೀರ್ಣಕ್ರಿಯೆ ಸಮಸ್ಯೆಯನ್ನು ಸುಧಾರಿಸಿಕೊಳ್ಳಬಹುದು.

ವಿಟಮಿನ್ ಸಿ ಕೊರತೆಯು ಮಲವಿಸರ್ಜನೆಯಲ್ಲಿ ಭೇದಿ ಆಗುವಂತೆ ಮಾಡುತ್ತದೆ. ಈ ವಿಟಮಿನ್​ ಕೊರತೆಯು ಮಾನವ ಮಲವಿಸರ್ಜನೆಯಲ್ಲಿ ಶುಷ್ಕತೆಯನ್ನು ಉಂಟುಮಾಡಿ ಮಲಬದ್ಧತೆಗೆ ಕಾರಣವಾಗುತ್ತದೆ. ಹಾಗಾಗಿ  ನಿಂಬೆ, ಕಿತ್ತಳೆ, ಪೇರಲ, ಸ್ಟ್ರಾಬೆರಿ ಮತ್ತು ಕ್ಯಾಪ್ಸಿಕಂನಂತಹ ವಿಟಮಿನ್ ಸಿ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸಿ ಆರೋಗ್ಯವನ್ನು ಕಾಪಾಡಿಕೊಳ್ಳಿ.

ವಿಟಮಿನ್ ಬಿ 12 ಕರುಳಿನಲ್ಲಿರುವ ನರಗಳನ್ನು ಆರೋಗ್ಯವಾಗಿರಿಸುತ್ತದೆ. ಇದು ಕೊರೆತಯಿದ್ದರೆ, ಕರುಳಿನ ಚಲನೆಯನ್ನು ನಿಧಾನಗೊಳಿಸಿ ಮಲಬದ್ಧತೆಗೆ ಕಾರಣವಾಗುತ್ತದೆ. ಹಾಗಾಗಿ ಯಾವ ವ್ಯಕ್ತಿಯ ದೇಹದಲ್ಲಿ ಈ ಕೊರತೆ ಜಾಸ್ತಿಯಾಗಿರುತ್ತದೆಯೋ, ಅಂತವರು ಮೀನು, ಮೊಟ್ಟೆ, ಡೈರಿ ಉತ್ಪನ್ನಗಳು ಅಥವಾ ಬಲವರ್ಧಿತ ಆಹಾರವನ್ನು ತಿನ್ನುವುದರಿಂದ ಮಲಬದ್ಧತೆಯಿಂದ ಪಾರಾಗಬಹುದು.

ವಿಟಮಿನ್​ ಕೊರೆತೆಯೂ ಜೀರ್ಣಕ್ರಿಯೆಗೆ ತೊಂದರೆ ಉಂಟು ಮಾಡುತ್ತದೆ. ಇದು ಕರುಳನ್ನು ನಿಧಾನಗೊಳಿಸಿ ಮಲಬದ್ಧತೆಯಿಂದ ಬಳಲುವಂತೆ ಮಾಡುತ್ತದೆ. ಹಾಗಾಗಿ ಆಹಾರದಲ್ಲಿ ಆದಷ್ಟು ಫೈಬರ್​ ಮತ್ತು ನೀರಿನ ಸೇವನೆಯನ್ನು ಹೆಚ್ಚಿಸಿ. ವಿಟಮಿನ್​ ಕೊರತೆಯನ್ನು ಕಡಿಮೆ ಮಾಡಿಕೊಳ್ಳಿ (ಏಜೆನ್ಸೀಸ್​).