ಆಯುರ್ವೇದದ ಪ್ರಕಾರ, ನಮ್ಮ ಪಾದಗಳು ದೇಹದ ಎಲ್ಲಾ ಪ್ರಮುಖ ಅಂಗಗಳ ಪ್ರತಿಫಲಿತ ಬಿಂದುಗಳನ್ನು (Reflex Points) ಹೊಂದಿರುತ್ತವೆ. ಪಾದಗಳನ್ನು ಉಪ್ಪು ಮತ್ತು ಉಗುರು ಬೆಚ್ಚಗಿನ ನೀರಿನಲ್ಲಿ ನೆನೆಸಿದಾಗ, ಚರ್ಮದ ರಂಧ್ರಗಳು ತೆರೆದುಕೊಳ್ಳುತ್ತವೆ. ಉಪ್ಪಿನಲ್ಲಿರುವ ಸಲ್ಫೇಟ್ ಮತ್ತು ಮೆಗ್ನೀಸಿಯಮ್ ಅಂಶಗಳು ಚರ್ಮದ ಮೂಲಕ ದೇಹವನ್ನು ಪ್ರವೇಶಿಸಿ, ರಕ್ತ ಪರಿಚಲನೆಯನ್ನು ಸುಧಾರಿಸುತ್ತವೆ ಮತ್ತು ದೇಹದ ಆಮ್ಲೀಯತೆಯನ್ನು ಸಮತೋಲನಗೊಳಿಸುತ್ತವೆ.

ಉಪ್ಪು ನೀರಿನಲ್ಲಿ ಪಾದಗಳನ್ನು ನೆನೆಸಿದಾಗ 'ಆಸ್ಮೋಸಿಸ್' ಪ್ರಕ್ರಿಯೆಯ ಮೂಲಕ ದೇಹದಲ್ಲಿರುವ ಭಾರೀ ಲೋಹಗಳು ಮತ್ತು ತ್ಯಾಜ್ಯ ವಸ್ತುಗಳು ಪಾದಗಳ ಮೂಲಕ ಹೊರಬರುತ್ತವೆ. ಇದನ್ನು ಆಯುರ್ವೇದದಲ್ಲಿ 'ಮಲ ವಿಸರ್ಜನೆ'ಯ ಒಂದು ಸೂಕ್ಷ್ಮ ರೂಪ ಎಂದು ಕರೆಯಲಾಗುತ್ತದೆ.

ಸಂಜೆ ವೇಳೆ ಕೆಲಸ ಮುಗಿಸಿ ಬಂದ ನಂತರ ಉಪ್ಪು ನೀರಿನಲ್ಲಿ ಪಾದ ಇಡುವುದರಿಂದ ಮೆಗ್ನೀಸಿಯಮ್ ಮಟ್ಟ ಹೆಚ್ಚಾಗುತ್ತದೆ. ಇದು ಸೆರೊಟೋನಿನ್ (ಹ್ಯಾಪಿ ಹಾರ್ಮೋನ್) ಉತ್ಪಾದನೆಯನ್ನು ಉತ್ತೇಜಿಸಿ, ನರಮಂಡಲವನ್ನು ಶಾಂತಗೊಳಿಸುತ್ತದೆ. ಇದು ಗಾಢ ನಿದ್ರೆ ಬರಲು ಸಹಕಾರಿ.

ನೀವು ದಿನವಿಡೀ ನಿಂತು ಕೆಲಸ ಮಾಡುವವರಾಗಿದ್ದರೆ ಅಥವಾ ಕೀಲು ನೋವಿನಿಂದ ಬಳಲುತ್ತಿದ್ದರೆ, ಈ ಪದ್ಧತಿಯು ರಾಮಬಾಣ. ಉಪ್ಪು ನೀರು ಸ್ನಾಯುಗಳ ಬಿಗಿತವನ್ನು ಕಡಿಮೆ ಮಾಡಿ, ಪಾದಗಳ ಊತವನ್ನು (Edema) ತಕ್ಷಣವೇ ತಗ್ಗಿಸುತ್ತದೆ.

ಉಪ್ಪು ನೈಸರ್ಗಿಕ ನಂಜುನಿರೋಧಕ (Antiseptic) ಗುಣಗಳನ್ನು ಹೊಂದಿದೆ. ಇದು ಪಾದಗಳ ದುರ್ವಾಸನೆ, ಫಂಗಲ್ ಇನ್ಫೆಕ್ಷನ್ ಮತ್ತು ಒಡೆದ ಹಿಮ್ಮಡಿಗಳನ್ನು ಗುಣಪಡಿಸುತ್ತದೆ.

ಈ ಚಿಕಿತ್ಸೆಯು ರಕ್ತನಾಳಗಳನ್ನು ವಿಸ್ತರಿಸುತ್ತದೆ, ಇದರಿಂದ ರಕ್ತದ ಹರಿವು ಸುಗಮವಾಗಿ ಹೃದಯದ ಮೇಲಿನ ಒತ್ತಡ ಕಡಿಮೆಯಾಗುತ್ತದೆ.

ಮಧುಮೇಹಿಗಳು: ಪಾದಗಳಲ್ಲಿ ಸಂವೇದನೆ ಕಡಿಮೆ ಇರುವುದರಿಂದ ನೀರು ಅತಿಯಾದ ಬಿಸಿ ಇರದಂತೆ ನೋಡಿಕೊಳ್ಳಬೇಕು. ಗಾಯಗಳಿದ್ದಲ್ಲಿ: ಪಾದಗಳಲ್ಲಿ ತೆರೆದ ಗಾಯಗಳಿದ್ದರೆ ಉಪ್ಪು ನೀರು ಕಿರಿಕಿರಿ ಉಂಟುಮಾಡಬಹುದು. 20 ನಿಮಿಷಗಳಿಗಿಂತ ಹೆಚ್ಚು ಕಾಲ ನೀರನ್ನು ಬಳಸಬೇಡಿ, ಇದು ಚರ್ಮವನ್ನು ಅತಿಯಾಗಿ ಒಣಗಿಸಬಹುದು. ಈ ಪ್ರಕ್ರಿಯೆಯ ನಂತರ ಪಾದಗಳನ್ನು ಶುದ್ಧ ನೀರಿನಿಂದ ತೊಳೆದು, ತೆಂಗಿನ ಎಣ್ಣೆ ಅಥವಾ ಮಾಯಿಶ್ಚರೈಸರ್ ಹಚ್ಚುವುದು ಉತ್ತಮ.

ಆಯುರ್ವೇದದ ಈ ಪುರಾತನ ಪದ್ಧತಿಯು ಆಧುನಿಕ ಕಾಲದ ಒತ್ತಡಕ್ಕೆ ಅತ್ಯಂತ ಸರಳ ಮತ್ತು ಪರಿಣಾಮಕಾರಿ ಮದ್ದಾಗಿದೆ ಎಂದು ಆಯುರ್ವೇದ ತಜ್ಞರು ಹೇಳುತ್ತಾರೆ,(ಏಜೆನ್ಸೀಸ್​).