ಅಂದವಾಗಿ ಕಾಣವುದು ಎಲ್ಲರ ಇಷ್ಟವಾಗಿರುತ್ತದೆ. ಹೊಳೆಯುವ ಮತ್ತು ಮೃದು ತ್ವಚೆ ಪಡೆಯುವ ಹಂಬಲ ಪ್ರತಿಯೊಬ್ಬರಿಗೂ ಇರುತ್ತದೆ. ಇಲ್ಲಿ ನಾವು ನಿಮಗೆ ಮನೆಯಲ್ಲೇ ಸಿದ್ಧಪಡಿಸಿ ಬಳಸಬಹುದಾದ ಫೇಸ್ಪ್ಯಾಕ್ ಕುರಿತು ಹೇಳುತ್ತಿದ್ದೇವೆ. ಕಡ್ಲೆಹಿಟ್ಟು, ಮುಲ್ತಾನಿ ಮಿಟ್ಟಿ ಅಥವಾ ಶ್ರೀಗಂಧದಿಂದ ಮಾಡಿಕ ಫೇಸ್ಪ್ಯಾಕ್ ಅನ್ನು ಬಳಸಿರುತ್ತೀರಿ. ಆದರೆ ನಿಮ್ಮ ತ್ವಚೆಯನ್ನು ಕಾಂತಿಯುತಗೊಳಿಸಲು ಅಕ್ಕಿಹಿಟ್ಟನ್ನು ಬಳಸಬಹುದು ಎಂಬುದು ನಿಮಗೆ ತಿಳಿದಿದೆಯೇ. ಇದನ್ನೊಮ್ಮೆ ಬಳಸಿದರೆ ಮೊದಲು ಏಕೆ ಇದನ್ನು ಟ್ರೈ ಮಾಡಲಿಲ್ಲ ಎಂದು ನಿಮಗೆ ನೀವೆ ಅಂದುಕೊಳ್ಳುತ್ತೀರಿ.(Health tips)
ಅಕ್ಕಿಹಿಟ್ಟಿನ ಫೇಸ್ಪ್ಯಾಕ್ನಿಂದ ಆಗುವ ಪ್ರಯೋಜನ:
- ಅಕ್ಕಿ ಹಿಟ್ಟು ನಮ್ಮ ಚರ್ಮವನ್ನು ಬಿಗಿಗೊಳಿಯಾಗಿಸುತ್ತದೆ. ಇದರಿಂದ ಸುಕ್ಕುಗಳನ್ನು ಕಡಿಮೆ ಮಾಡುತ್ತದೆ
- ಅಕ್ಕಿ ಹಿಟ್ಟಿನಿಂದ ಮಾಡಿದ ಫೇಸ್ಪ್ಯಾಕ್ ನಮ್ಮ ತ್ವಚೆಯಿಂದ ಸತ್ತ ಚರ್ಮದ ಕೋಶಗಳನ್ನು ತೆಗೆದುಹಾಕುತ್ತದೆ ಮತ್ತು ಹೊಸ ಕೋಶಗಳನ್ನು ಉತ್ತೇಜಿಸುತ್ತದೆ.
- ಮುಖದಲ್ಲಿನ ರಂಧ್ರಗಳ ಗಾತ್ರವನ್ನು ಕಡಿಮೆ ಮಾಡುತ್ತದೆ. ಇದರಿಂದ ಅವುಗಳಲ್ಲಿ ತೈಲ ಮತ್ತು ಕೊಳಕು ಸಂಗ್ರಹವಾಗುವುದಿಲ್ಲ.
- ಚರ್ಮದಿಂದ ಹೆಚ್ಚುವರಿ ಎಣ್ಣೆಯನ್ನು ತೆಗೆದುಹಾಕುತ್ತದೆ ಮತ್ತು ಅದರಲ್ಲಿ ಅಗತ್ಯವಾದ ತೇವಾಂಶವನ್ನು ನಿರ್ವಹಿಸುತ್ತದೆ.
- ಮೊಡವೆಗಳಿಂದ ಕಲೆಗಳವರೆಗಿನ ಇತರ ಚರ್ಮದ ಸಮಸ್ಯೆಗಳನ್ನು ಸಹ ತೆಗೆದುಹಾಕುತ್ತದೆ.
ಅಕ್ಕಿಹಿಟ್ಟಿನ ಫೇಸ್ಪ್ಯಾಕ್ ಮಾಡಲು ಬೇಕಾಗುವ ಪದಾರ್ಥಗಳು:
- ಅಕ್ಕಿ ಹಿಟ್ಟು – 3 ಚಮಚ
- ಅಲೋವೆರಾ ಜೆಲ್ – 1 ಟೀಸ್ಪೂನ್
- ರೋಸ್ ವಾಟರ್ – 4 ಚಮಚ
- ಹಸಿ ಹಾಲು – ಅಗತ್ಯಕ್ಕೆ ಅನುಗುಣವಾಗಿ
- ವಿಟಮಿನ್ ಇ ಕ್ಯಾಪ್ಸುಲ್ – 1
ಫೇಸ್ ಪ್ಯಾಕ್ ತಯಾರಿಸುವುದು ಹೇಗೆ?:
ಮೊದಲು ಒಂದು ಬೌಲ್ ತೆಗೆದುಕೊಂಡು ಅದಕ್ಕೆ ಅಕ್ಕಿ ಹಿಟ್ಟು, ಅಲೋವೆರಾ ಜೆಲ್ ಮತ್ತು ರೋಸ್ ವಾಟರ್ ಹಾಕಿ ಚೆನ್ನಾಗಿ ಕಲಸಿ. ಇದರ ನಂತರ ಫೇಸ್ಪ್ಯಾಕ್ ಅನ್ನು ಮೃದುವಾಗಿಸಲು. ಹಸಿ ಹಾಲು ಮತ್ತು ವಿಟಮಿನ್ ಇ ಕ್ಯಾಪ್ಸುಲ್ ಅನ್ನು ಅಗತ್ಯಕ್ಕೆ ಅನುಗುಣವಾಗಿ ಸೇರಿಸಿ ಮತ್ತು ಎರಡನ್ನೂ ಮಿಶ್ರಣ ಮಾಡಿ. ಈಗ ಫೇಸ್ ಪ್ಯಾಕ್ ಸಿದ್ಧವಾಗಿದೆ.
ಫೇಸ್ ಪ್ಯಾಕ್ ಅನ್ನು ನಿಮ್ಮ ಮುಖಕ್ಕೆ ಹಚ್ಚಿ ಮತ್ತು 20 ನಿಮಿಷಗಳ ಕಾಲ ಮುಖದ ಮೇಲೆ ಇರಿಸಿ ನಂತರ ಸಾಮಾನ್ಯ ನೀರಿನಿಂದ ಮುಖವನ್ನು ತೊಳೆಯಿರಿ. ರಾತ್ರಿ ಮಲಗುವ ಮೊದಲು ಈ ಫೇಸ್ಪ್ಯಾಕ್ ಅನ್ನು ಬಳಸಿ. ಬಳಿಕ ಯಾವುದಾದರೂ ಮಾಯಿಶ್ಚರೈಸರ್ ಅಪ್ಲೈ ಮಾಡುವುದನ್ನು ಮರೆಯಬೇಡಿ. ನಿಮ್ಮ ಚರ್ಮವು ಸೂಕ್ಷ್ಮವಾಗಿದ್ದರೆ ಅಥವಾ ನಿಮಗೆ ಯಾವುದೇ ರೀತಿಯ ಅಲರ್ಜಿ ಇದ್ದರೆ ಮೊದಲು ಚರ್ಮದ ತಜ್ಞರೊಂದಿಗೆ ಮಾತನಾಡಿ ನಂತರ ಈ ಫೇಸ್ಪ್ಯಾಕ್ ಉಪಯೋಗಿಸಿ.
ಕೊಲೆಸ್ಟ್ರಾಲ್ & ರಕ್ತದೊತ್ತಡ ನಿಯಂತ್ರಿಸಲು ಈ ಎರಡೇ ಪದಾರ್ಥ ಸಾಕು; ನಿಮಗಾಗಿ Health Tips
