ಮುಖ್ಯ ಶಿಕ್ಷಕಿ ಮಾಲತಿ ವಿ. ವಿರುದ್ಧ ಬೈಂದೂರು ವಲಯ ಕ್ಷೇತ್ರ ಶಿಕ್ಷಣಾಧಿಕಾರಿ ಕುಂದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಮಾಲತಿ ವಿ. ನ.13ರಂದು ಶಾಲಾ ಅಕ್ಷರ ದಾಸೋಹ ದಾಖಲಾತಿಯಲ್ಲಿ ತಪ್ಪು ಹಾಜರಿ ನೀಡಿ ಹಣ ಅವ್ಯವಹಾರ ಮಾಡಿರುವುದನ್ನು ಅಕ್ಷರ ದಾಸೋಹ ಸಹಾಯಕ ನಿರ್ದೇಶಕರು ಹಾಗೂ ಕ್ಷೇತ್ರ ಶಿಕ್ಷಣಾಧಿಕಾರಿಯವರ ಶಾಲೆ ಸಂದರ್ಶನದಲ್ಲಿ ಗಮನಿಸಿದ್ದು, ತಪ್ಪು ಹಾಜರಿ ಹಾಕಿದ ಕುರಿತು ಮುಖ್ಯಶಿಕ್ಷಕರು ಒಪ್ಪಿಕೊಂಡು ಸರಿಪಡಿಸಿಕೊಳ್ಳುವುದಾಗಿ ತಿಳಿಸಿದ್ದರು. ಮುಖ್ಯ ಶಿಕ್ಷಕರು ಶಾಲೆಗೆ ಬರುವುದು ಬೇಡ ಎಂದು ವಿದ್ಯಾರ್ಥಿಗಳು ಮುಷ್ಕರ ಮಾಡಿದಾಗ ಮುಖ್ಯ ಶಿಕ್ಷಕರು ರಜೆ ಮೇಲೆ ತೆರಳಲು ಒಪ್ಪಿಗೆ ನೀಡಿದ್ದು, ರಜೆಯ ಅರ್ಜಿ ವಾಪಸ್ ಪಡೆದು ಶಾಲೆಗೆ ಬಂದಿರುವುದರಿಂದ ಮತ್ತೆ ವಿದ್ಯಾರ್ಥಿಗಳು ಮುಷ್ಕರ ನಡೆಸಿದ್ದಾರೆ. ಈ ಕುರಿತು ವಿದ್ಯಾರ್ಥಿಗಳ ಮುಷ್ಕರ ನಿಯಂತ್ರಿಸಲು ಜಿಲ್ಲಾಧಿಕಾರಿ, ಡಿಡಿಪಿಐ ಅವರ ಆದೇಶದಂತೆ ಮಾಲತಿ ವಿ. ಮೇಲೆ ಕ್ಷೇತ್ರ ಶಿಕ್ಷಣಾಧಿಕಾರಿ ನಾಗೇಶ್ ದೂರು ನೀಡಿದ್ದಾರೆ.
