ಟೀಮ್ ಇಂಡಿಯಾಗೆ ಕೆ.ಎಲ್​. ರಾಹುಲ್ ​ಸ್ಟೆಪ್ನಿ ಇದ್ದಂತೆ! ಶಾಕಿಂಗ್ ಹೇಳಿಕೆ ಕೊಟ್ಟ ಮಾಜಿ ಹಿರಿಯ ಆಟಗಾರ

ನವದೆಹಲಿ: ಕಳೆದ ತಿಂಗಳಿನಿಂದ ಒಂದಲ್ಲ ಒಂದು ವಿಚಾರಗಳಿಂದ ಜಾಲತಾಣಗಳಲ್ಲಿ ಸಖತ್ ಸುದ್ದಿಯಾಗುತ್ತಿರುವ ಟೀಮ್ ಇಂಡಿಯಾದ ಓಪನಿಂಗ್​ ಬ್ಯಾಟ್ಸ್​ಮನ್​, ವಿಕೆಟ್ ಕೀಪರ್ ಆದ ಕನ್ನಡಿಗ ಕೆ.ಎಲ್​. ರಾಹುಲ್​, ಕೇವಲ ಕನ್ನಡಿಗರಿಗೆ ಮಾತ್ರವಲ್ಲದೇ ಇಡೀ ದೇಶ ಮೆಚ್ಚಿದ ಸ್ಟಾರ್​ ಕ್ರಿಕೆಟರ್​. ರೋಹಿತ್ ಶರ್ಮ ನಾಯಕತ್ವದಲ್ಲಿ ಟಿ20 ವಿಶ್ವಕಪ್​ ಟೂರ್ನಿ ಹಾಗೂ ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಶ್ರೀಲಂಕಾ ಸರಣಿಯ ಭಾಗವಾಗಿ ತಂಡದಲ್ಲಿ ಪಡೆಯಬೇಕಿದ್ದ ಅವಕಾಶವನ್ನು ಕಳೆದುಕೊಂಡ ರಾಹುಲ್​, ಮುಂಬರುವ ಐಪಿಎಲ್​ನಲ್ಲಿ ಆರ್​ಸಿಬಿ ಸೇರಲಿದ್ದಾರೆ ಎಂಬ ಸುದ್ದಿಗಳು ಸದ್ಯ ವ್ಯಾಪಕವಾಗಿ ಹರಿದಾಡುತ್ತಿವೆ. ಈ ಮಧ್ಯೆ ಟೀಮ್ ಇಂಡಿಯಾದ ಹಿರಿಯ ಆಟಗಾರ ಆಕಾಶ್ ಚೋಪ್ರಾ ನೀಡಿದ ಹೇಳಿಕೆ ಇದೀಗ ಕ್ರಿಕೆಟ್ ಪ್ರೇಮಿಗಳಲ್ಲಿ ಭಾರೀ ಗೊಂದಲ ಮೂಡಿಸಿದೆ.

ಇದನ್ನೂ ಓದಿ: ಸಮಾಜಿಕ ಭದ್ರತಾ ಯೋಜನೆಯಲ್ಲಿ ಫಲಾನುಭವಿಗಳಿಗೆ ಆದೇಶ ಪ್ರತಿ ವಿತರಣೆ

ಇಂದು ಚೆನ್ನೈನಲ್ಲಿ ನಡೆಯುತ್ತಿರುವ ಭಾರತ ಮತ್ತು ಬಾಂಗ್ಲಾದೇಶ ನಡುವಿನ ಮೊದಲ ಟೆಸ್ಟ್ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ಗೆ ಇಳಿದಿರುವ ಟೀಮ್ ಇಂಡಿಯಾ ಬಹುಬೇಗನೆ ನಾಲ್ಕು ಮುಖ್ಯ ವಿಕೆಟ್​ಗಳನ್ನು ಕಳೆದುಕೊಂಡು ಬಾಂಗ್ಲಾ ವಿರುದ್ಧ ಅಬ್ಬರಿಸಲು ಹೆಣಗಾಡಿದೆ. ಆರಂಭಿಕ ಹಂತದಲ್ಲೇ ತಂಡದ ಸ್ಟಾರ್​ ಬ್ಯಾಟರ್​​ಗಳಾದ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮ, ಶುಭಮನ್ ಗಿಲ್ ಹಾಗೂ ರಿಷಬ್ ಪಂತ್ ಬಾಂಗ್ಲಾದೇಶ ವೇಗಿಗಳಿಗೆ ತಮ್ಮ ವಿಕೆಟ್ ಒಪ್ಪಿಸಿ, ಪೆವಿಲಿಯನ್​ನತ್ತ ಮುಖಮಾಡಿದರು. ಇನ್ನು ಈ ವೇಳೆ ಬ್ಯಾಟಿಂಗ್ ಆರ್ಡರ್​ ಬದಲಿಸಿದ ಮ್ಯಾನೇಜ್​ಮೆಂಟ್​ ರಾಹುಲ್​ ಬದಲಿಗೆ ಪಂತ್​ರನ್ನು ಕಣಕ್ಕಿಳಿಸಿದರು. ಇದು ಹಲವರಲ್ಲಿ ಗೊಂದಲ ಮೂಡಿಸಿತು.

ಇನ್ನು ಈ ಬಗ್ಗೆ ಮಾತನಾಡಿದ ಟೀಮ್ ಇಂಡಿಯಾದ ಮಾಜಿ ಆಟಗಾರ ಆಕಾಶ್ ಚೋಪ್ರಾ, "ಭಾರತ ಕ್ರಿಕೆಟ್​ ತಂಡಕ್ಕೆ ಕೆ.ಎಲ್​. ರಾಹುಲ್ ಒಂದು ರೀತಿ ಸ್ಟೆಪ್ನಿ ಇದ್ದಂತೆ. ಏಕೆಂದರೆ, ರಾಹುಲ್​ ಯಾವ ಸ್ಥಾನದಲ್ಲಿ ಬೇಕಾದರೂ ಆಡಬಲ್ಲರು. ಓಪನಿಂಗ್​ಗೂ ಸೈ, ಟಾಪ್​, ಮಿಡಲ್​ ಹಾಗೂ 6ನೇ ಕ್ರಮಾಂಕದಲ್ಲಿ ಆಡುವುದಕ್ಕೂ ಸೈ. ಎಲ್ಲಿ ಬೇಕಾದರೂ ಅವರು ಫಿಟ್​ ಆಗ್ತಾರೆ. ಮುಂದಿನ ದಿನಗಳಲ್ಲಿ ರಾಹುಲ್​ ಮೂರನೇ ಕ್ರಮಾಂಕದಲ್ಲಿ ಬಂದರೂ ಅಚ್ಚರಿ ಪಡಬೇಡಿ" ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಬ್ಯಾಡ್ಮಿಂಟನ್ ಕ್ರೀಡಾಂಗಣ ನಿರ್ಲಕ್ಷ್ಯ

ಪ್ರಸ್ತುತ ಬಾಂಗ್ಲಾ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಬ್ಯಾಟಿಂಗ್ ಮಾಡುತ್ತಿರುವ ಟೀಮ್ ಇಂಡಿಯಾ ಪರ ರೋಹಿತ್ ಶರ್ಮಾ (6), ಶುಭಮನ್ ಗಿಲ್ (0), ವಿರಾಟ್ ಕೊಹ್ಲಿ (6), ರಿಷಬ್ ಪಂತ್ (39), ಯಶಸ್ವಿ ಜೈಸ್ವಾಲ್ (56) ಮತ್ತು ಕೆ.ಎಲ್. ರಾಹುಲ್ (16) ರನ್​ ಗಳಿಸಿ ಪೆವಿಲಿಯನ್ ಸೇರಿದ್ದಾರೆ,(ಏಜೆನ್ಸೀಸ್). 

https://www.vijayavani.net/no-muhurat-delivery-done-here