video/ ರಾಜ್ಯದಲ್ಲಿ ಇದೆಂಥಾ ಅವ್ಯವಸ್ಥೆ? ಆಸ್ಪತ್ರೆಯಲ್ಲಿ ರೋಗಿಯೇ ಇಂಜೆಕ್ಷನ್ ಚುಚ್ಚಿಕೊಂಡ!

Published on:

14 Sep 2020, 1:18 pm

ಹಾವೇರಿ: 'ಪಕ್ಕದಲ್ಲಿಯೇ ಇದ್ದ ನರ್ಸ್ ರೋಗಿಗೆ ಇಂಜೆಕ್ಷನ್ ಕೊಡದೆ ತೆರಳುತ್ತಾರೆ. ಬೇರೆ ದಾರಿ ಕಾಣದ ರೋಗಿ ತನ್ನ ಕೈಗೆ ಸಲಾಯಿನ್ ಅಳವಡಿಸಲು ಹಾಕಿದ್ದ ಸೂಜಿ ಮೂಲಕ ತಾನೇ ಇಂಜೆಕ್ಷನ್ ಮಾಡಿಕೊಳ್ಳುತ್ತಾನೆ...' ಈ ದೃಶ್ಯದ ವಿಡಿಯೋ ಎಲ್ಲೆಡೆ ಹರಿದಾಡುತ್ತಿದ್ದು, ಆಸ್ಪತ್ರೆಯ ದುಸ್ಥಿತಿ ಕಂಡ ಜನತೆ ಆತಂಕಗೊಂಡಿದ್ದಾರೆ.

ಇದು ಹಾವೇರಿ ಜಿಲ್ಲಾ ಕೋವಿಡ್ ಆಸ್ಪತ್ರೆಯ ಕರ್ಮಕಾಂಡ. ಸೋಂಕಿತರಿಗೆ ಉತ್ತಮ ಚಿಕಿತ್ಸೆ ಸಿಗುತ್ತಿಲ್ಲ ಎಂಬ ದೂರು ವ್ಯಾಪಕವಾಗಿ ಕೇಳಿಬರುತ್ತಿದೆ. ಈ ನಡುವೆ ಮತ್ತೊಂದು ಅವಸ್ಥೆಗೆ ಇದೇ ಆಸ್ಪತ್ರೆ ಕಾರಣವಾಗಿದ್ದು, ಸಾರ್ವಜನಿಕರು ಹಿಡಿಶಾಪ ಹಾಕುತ್ತಿದ್ದಾರೆ. ಸೋಂಕಿತರಿಗೆ ಸಕಾಲದಲ್ಲಿ ಉತ್ತಮ ಚಿಕಿತ್ಸೆ ಸಿಗಬೇಕೆಂದು ಜಿಲ್ಲಾ ಉಸ್ತುವಾರಿ ಸಚಿವರೂ ಆದ ಗೃಹ ಸಚಿವ ಬಸವರಾಜ ಬೊಮ್ಮಾಯಿ, ಸರ್ಕಾರದ ಮಟ್ಟದಲ್ಲಿ ಒತ್ತಡ ಹಾಕಿ ಈ ಆಸ್ಪತ್ರೆಗೆ ಅನೇಕ ಸೌಲಭ್ಯ ಕೊಡಿಸಿದ್ದಾರೆ. ಆದರೆ, ಇಲ್ಲಿನ ಆಡಳಿತ ವ್ಯವಸ್ಥೆ ಹಾಗೂ ವೈದ್ಯ ಸಿಬ್ಬಂದಿ ನಿರ್ಲಕ್ಷ್ಯಕ್ಕೆ ರೋಗಿಗಳು ಪರದಾಡುವಂತಾಗಿದೆ. ಇದನ್ನೂ ಓದಿರಿ ‘ಈ ಫೋಟೋ ಏನನ್ನು ಹೇಳುತ್ತೆ? ಜನ್ಮಜನ್ಮಾಂತರದ ಸಂಬಂಧ ಅನ್ನುತ್ತೆ’

ಇನ್ನು ಕೋವಿಡ್ ಆಸ್ಪತ್ರೆಯಲ್ಲಿ ರೋಗಿಯೇ ಇಂಜೆಕ್ಷನ್ ತೆಗೆದುಕೊಂಡ ವಿಡಿಯೋ ಕುರಿತು ತನಿಖೆಗೆ ಸೂಚಿಸಿದ್ದು, ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳುವುದಾಗಿ ಅಪರ ಜಿಲ್ಲಾಧಿಕಾರಿ ಎಂ.ಯೋಗೇಶ್ವರ ತಿಳಿಸಿದ್ದಾರೆ.

ಹಾವೇರಿ ಕೋವಿಡ್ ಆಸ್ಪತ್ರೆಯಲ್ಲಿ ಒಬ್ಬ ರೋಗಿ ಚಿಕಿತ್ಸೆ ಪಡೆದು ಹೋದ ನಂತರ ಮತ್ತೊಬ್ಬ ರೋಗಿ ಬಂದರೆ ಬೆಡ್ಶೀಟ್ ಕೂಡ ಬದಲಾಯಿಸದೆ ಅದೇ ಬೆಡ್ನಲ್ಲಿ ಮಲಗಲು ತಿಳಿಸುತ್ತಾರೆ. ಹಾಗಾಗಿ ರೋಗಿಗಳೇ ಮನೆಯಿಂದ ಬೆಡ್ಶೀಟ್ ತರಿಸಿಕೊಂಡ ಉದಾಹರಣೆಗಳೂ ಸಾಕಷ್ಟಿವೆ.

https://www.vijayavani.net/girl-suicide-in-vijayapura/

Haveri