ಅಹಮದಬಾದ್: ಏಕದಿನ ವಿಶ್ವಕಪ್ನಲ್ಲಿ ಟೂರ್ನಿಯಲ್ಲಿ ಇಂದು (ಅಕ್ಟೋಬರ್ 14)ರಂದು ಕ್ರಿಕೆಟ್ ಲೋಕದ ಬದ್ದವೈರಿಗಳಾದ ಭಾರತ ಹಾಗೂ ಪಾಕಿಸ್ತಾನ ಸೆಣಸಾಡುತ್ತಿವೆ. ಪಂದ್ಯ ಶುರುವಾಗುವುದಕ್ಕೂ ಮುನ್ನ ಹಾಗೂ ನಂತರ ಒಂದಿಲ್ಲೊಂದು ವಿಚಾರಕ್ಕೆ ಸದ್ದು ಮಾಡುತ್ತಿದ್ದು, ಪಾಂಡ್ಯ ಕೊಟ್ಟ ರಿಯಾಕ್ಷನ್ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
ಅಹಮದಬಾದಿನ ನರೇಂದ್ರ ಮೋದಿ ಕ್ರೀಡಾಂಗಣದಲಲ್ಇ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡ ಭಾರತ ಪಾಕಿಸ್ತಾನದ ಬ್ಯಾಟ್ಸ್ಮನ್ಗಳಿಗೆ ಕಡಿವಾಣ ಹೇರುವಲ್ಲಿ ಯಶಸ್ವಿಯಾಗಿದ್ದಾರೆ.
ಪಾಕಿಸ್ತಾನ ತಂಡದ ಎಡಗೈ ಆರಂಭಿಕ ಇಮಾಮ್ ಉಲ್ ಹಲ್ ಬಿರುಸಿನ ಬ್ಯಾಟಿಂಗ್ ಮೂಲಕ ಭಾರತದ ಬೌಲರ್ಗಳಿಗೆ ತಲೆನೋವಾಗಿ ಪರಿಣಮಿಸಿದ್ದರು. ಈ ಸಂದರ್ಭದಲ್ಲಿ ಬೌಲಿಂಗ್ನಲ್ಲಿ ಬದಲಾವಣೆ ಮಾಡಿದ ನಾಯಕ ರೋಹಿತ್ ಶರ್ಮಾ ಚೆಂಡನ್ನು ಹಾರ್ದಿಕ್ ಪಾಂಡ್ಯಗೆ ನೀಡಿದ್ದರು. 13ನೇ ಓವರ್ ಎಸೆದ ಹಾರ್ದಿಕ್ ಪಾಂಡ್ಯ ಅವರ ಎರಡನೇ ಎಸೆತದಲ್ಲಿ ಇಮಾಮ್ ಚೆಂಡನ್ನು ಫೋರ್ಗೆ ಅಟ್ಟಿದರು. ಈ ಸಂದರ್ಭ ಪಾಂಡ್ಯ ಹೊಸ ಸ್ಟ್ರಾಟಜಿ ಮಾಡಿದರು.
ಇದನ್ನೂ ಓದಿ: ಶವದ ಪಕ್ಕ ಕುಳಿತು ರೋದಿಸಿದ ಕೋತಿ; ಮನಕಲಕುವ ದೃಶ್ಯ ವೈರಲ್
ತನ್ನ ಮೂರನೇ ಎಸೆತವನ್ನು ಹಾಕುವುದಕ್ಕೂ ಮುನ್ನ ಹಾರ್ದಿಕ್ ಅವರು ಬಾಲ್ಗೆ ಕೈ ಮುಗಿದು ವೈಡ್ ಆಫ್ ಸ್ಟಂಪ್ ಮೂಲಕ ಚೆಂಡನ್ನು ಎಸೆದರು. ಇದನ್ನು ಬ್ಯಾಕ್ ಫುಟ್ ಡ್ರೈವ್ನಲ್ಲಿ ಆಡಲು ಇಮಾಮ್ ಯತ್ನಿಸಿದರು. ಆದರೆ, ಚೆಂಡು ಕೊಂಚ ಟರ್ನ್ ಆಗಿದ್ದರಿಂದ ಬ್ಯಾಟ್ ತುದಿಗೆ ತಾಗಿ ವಿಕೆಟ್ ಕೀಪರ್ ಕೆಎಲ್ ರಾಹುಲ್ ಕೈ ಸೇರಿತು.
ಇಮಾಮ್ ಉಲ್ ಹಕ್ (36 ರನ್, 38 ಎಸೆತ, 6 ಬೌಂಡರಿ), ಔಟಾಗಿ ಪೆವಿಲಿಯನ್ಗೆ ತೆರಳುವ ಸಂದರ್ಭ ಹಾರ್ದಿಕ್ ಬಾಯ್.. ಬಾಯ್.. ಎಂದು ಸನ್ನೆ ಮಾಡಿದ್ದಾರೆ. ಜೊತೆಗೆ ಇಲ್ಲಿದೆ ಬಂದಿದ್ದಕ್ಕೆ ಧನ್ಯವಾದ ಎಂದು ಹೇಳಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡಿರುವ ನಾಯಕ ರೋಹಿತ್ ಶರ್ಮಾ ನಿರ್ಧಾರವನ್ನು ಸಮರ್ಥಿಕೊಂಡಿರುವ ಭಾರತದ ಬೌಲರ್ಗಳು ಪಾಕಿಸ್ತಾನದ ಬ್ಯಾಟ್ಸ್ಮನ್ಗಳಿಗೆ ಕಡಿವಾಣ ಹೇರಿದ್ದಾರೆ. 38 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 176 ರನ್ ಗಳಿಸಿದೆ.