Happy New Year 2025 | ಪಟಾಕಿ ಸಿಡಿಸುವಲ್ಲಿ ಗಿನ್ನೆಸ್​ ದಾಖಲೆ ಬರೆದ ಅಬುಧಾಬಿ

ಅಬುಧಾಬಿ: ಹೊಸ ವರ್ಷವನ್ನು(Happy New Year 2025) ಪ್ರಪಂಚದಾದ್ಯಂತ ಜನರು ಆಚರಿಸುತ್ತಾರೆ. 31 ಡಿಸೆಂಬರ್ 2024ರ ರಾತ್ರಿ ಗಡಿಯಾರ 12 ಅನ್ನು ಹೊಡೆದ ತಕ್ಷಣ ವರ್ಷವು ಬದಲಾಯಿತು. ಮತ್ತು ಅದರೊಂದಿಗೆ ಪ್ರಪಂಚದಾದ್ಯಂತ ಆಚರಣೆಗಳು ಪ್ರಾರಂಭವಾದವು. ಈ ಸಂಭ್ರಮಾಚರಣೆಯಲ್ಲಿ ಯುನೈಟೆಡ್ ಅರಬ್ ಎಮಿರೇಟ್ಸ್‌ನಲ್ಲಿರುವ ಅಬುಧಾಬಿ ಗಿನ್ನೆಸ್ ವಿಶ್ವ ದಾಖಲೆಯನ್ನು ಮಾಡಿದೆ. ಪಟಾಕಿ ಹೊಡೆಯುವ ವಿಚಾರದಲ್ಲಿ ಈ ಸಾಧನೆ ಮಾಡಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ.

ಇದನ್ನು ಓದಿ: ರೀಲ್ಸ್​ಗಾಗಿ ರೈಲಿನ ಸೀಟು ಹರಿದ ಆಸಾಮಿ; Viral Videoನೋಡಿ ನಿನಗೆ ಹುಚ್ಚು ಎಂದ ನೆಟ್ಟಿಗರು

ಅಬುಧಾಬಿಯಲ್ಲಿ ಸುಮಾರು ಒಂದು ಗಂಟೆ ಕಾಲ ಪಟಾಕಿ ಸಿಡಿಸಿದ್ದು, ಪಟಾಕಿಯಲ್ಲಿ ಗಿನ್ನೆಸ್ ದಾಖಲೆ ಬರೆದಿದೆ ಎನ್ನಲಾಗಿದೆ. ವರದಿಯೊಂದರ ಪ್ರಕಾರ, ಅತಿ ಹೆಚ್ಚು ಸಮಯ ಪಟಾಕಿ ಸಿಡಿಸುವ ದಾಖಲೆ ಫಿಲಿಪೈನ್ಸ್‌ನಲ್ಲಿದೆ. ಆದರೆ ಈಗ ವೈರಲ್​ ಆಗುತ್ತಿರುವ ವಿಡಿಯೋ ನೋಡಿದರೆ ಪಟಾಕಿ ಸಿಡಿಸುವುದನ್ನು ಕಂಡು ಆನಂದಿಸಬಹುದು.

ವೈರಲ್​ ವಿಡಿಯೋದಲ್ಲಿ ಮಹಿಳೆಯೊಬ್ಬರು ಅಬುಧಾಬಿಯು 53 ನಿಮಿಷಗಳ ಕಾಲ ಪಟಾಕಿ ಸಿಡಿಸಿದ್ದು, ಇದರಿಂದ ಗಿನ್ನೆಸ್ ವಿಶ್ವ ದಾಖಲೆಯನ್ನು ಮುರಿದಿದೆ ಎಂದು ಹೇಳುವುದನ್ನು ನೋಡಬಹುದು. ಸುಮಾರು 28 ಸೆಕೆಂಡುಗಳ ಈ ಕ್ಲಿಪ್‌ನಲ್ಲಿ ಸ್ಮೋಕಿ ಪಟಾಕಿಗಳನ್ನು ಸಹ ಕಾಣಬಹುದು. ಸ್ವಿಂಗ್ ಮೇಳದ ಪ್ರದೇಶದಲ್ಲಿ ಅತ್ಯಂತ ಶಕ್ತಿಯುತವಾದ ಪಟಾಕಿಗಳಿವೆ. ಅಲ್ಲಿ ನಿಂತಿದ್ದವರೂ ಪಟಾಕಿ ಸಿಡಿಸುವುದನ್ನು ಬಹಳ ಖುಷಿಯಿಂದ ನೋಡುತ್ತಲಿರುವುದನ್ನು ಕಾಣಬಹುದು.

ಹೊಸ ವರ್ಷದ ಇಂತಹ ಅದ್ಧೂರಿ ಸ್ವಾಗತವನ್ನು ಕಂಡು ಜನರ ಕಣ್ಣುಗಳೂ ಹೊಳೆಯುತ್ತವೆ. ಪಟಾಕಿಗಳಿಂದ ಹೊಳೆಯುತ್ತಿರುವ ಆಕಾಶವನ್ನು ನೋಡುತ್ತಿರುವ ಜನರು ತುಂಬಾ ಸಂತೋಷವಾಗಿರುವುದನ್ನು ಕಾಣಬಹುದು. ಇದುವರೆಗೂ ಈ ವಿಡಿಯೋವನ್ನು 4 ಲಕ್ಷ 91 ಸಾವಿರಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದು ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಉತ್ತಮ ಪಟಾಕಿ!, ನಾನೂ ಇದನ್ನು ನೋಡಿದೆ ಬಹಳ ಚೆನ್ನಾಗಿದೆ, ಅದು ನಿಜಕ್ಕೂ ಸಂತೋಷದ ದೃಶ್ಯ ಎಂದು ಕಾಮೆಂಟ್ ಮಾಡಿದ್ದಾರೆ.(ಏಜೆನ್ಸೀಸ್​​)

https://www.vijayavani.net/news-year-2025-which-country-celebrates-new-year-first-and-who-in-last