ಕೆಎಸ್​ಆರ್​ಟಿಸಿ ಬಸ್​ಗಳಲ್ಲಿ ದರ ಪರಿಷ್ಕರಣೆ: ಸಾಕು ನಾಯಿಗೆ ಅರ್ಧ ಟಿಕೆಟ್​! 30 ಕೆಜಿ ಲಗೇಜ್​ ಸಾಗಣೆ ಉಚಿತ

ಬೆಂಗಳೂರು: ಸಾರಿಗೆ ಬಸ್​ಗಳಲ್ಲಿ ಇತ್ತೀಚೆಗೆ ಸಾಕು ನಾಯಿಗಳನ್ನೂ ಸಾಗಣೆ ಮಾಡುವವರ ಸಂಖ್ಯೆ ಹೆಚ್ಚುತ್ತಿದ್ದು, ಈ ಹಿನ್ನೆಲೆಯಲ್ಲಿ ಕೆಎಸ್​ಆರ್​ಟಿಸಿ ಬಸ್​ಗಳಲ್ಲಿ ನಾಯಿ ಕೊಂಡೊಯ್ಯಲು ರಿಯಾಯಿತಿ ನೀಡಿದೆ.

ಈ ಮೊದಲು ಫುಲ್​ ಟಿಕೆಟ್​ ದರ ನೀಡಬೇಕಿತ್ತು. ಪರಿಷ್ಕೃತ ಸುತ್ತೋಲೆ ಅನ್ವಯ ನಾಯಿಗಳಿಗೆ ಅರ್ಧ ಟಿಕೆಟ್​ (ಮಕ್ಕಳಿಗೆ ವಿಧಿಸುವ ದರ) ನಿಗದಿ ಪಡಿಸಲಾಗಿದೆ. ಈ ಕುರಿತು ಕೆಎಸ್​ಆರ್​ಟಿಸಿ ಅಧಿಕೃತ ಮಾಹಿತಿ ನೀಡಿದೆ.

30 ಕೆಜಿ ಲಗೇಜ್​ ಸಾಗಣೆ ಉಚಿತ: ವಿಮಾನದಲ್ಲಿ ಮಾತ್ರ ನಿರ್ದಿಷ್ಟ ಲಗೇಜ್​ ಉಚಿತವಾಗಿ ಕೊಂಡೊಯ್ಯಲು ಅವಕಾಶವಿದೆ. ಇನ್ಮುಂದೆ ಕೆಎಸ್​ಆರ್​ಟಿಸಿ ಬಸ್​ಗಳಲ್ಲಿ ಲಗೇಜ್​ ಕೊಂಡೊಯ್ಯುವ ಬಗ್ಗೆ ಸ್ಪಷ್ಟತೆ ನೀಡಲಾಗಿದೆ. ಈ ಬಗ್ಗೆ ಇದ್ದ ಗೊಂದಲವನ್ನು ನಿವಾರಿಸಲಾಗಿದೆ.

ವೈಯಕ್ತಿಕವಾಗಿ ಕೊಂಡೊಯ್ಯುವ ಲಗೇಜ್​ ತೂಕ 30 ಕೆಜಿವರೆಗೆ ಯಾವುದೇ ದರ ವಿಧಿಸುತ್ತಿಲ್ಲ. ಬ್ಯಾಗ್​, ಸೂಟ್​ಕೇಸ್​, ಕಿಟ್​ ಬ್ಯಾಗ್​ ದಿನಸಿ, ಅಕ್ಕಿ, ತೆಂಗಿನಕಾಯಿ, ರಾಗಿ, ಅಕ್ಕಿ ಹಿಟ್ಟು, ತರಕಾರಿ, ಹೂ ಹಣ್ಣು, ಸೀಲಿಂಗ್​ ಫ್ಯಾನ್​, ಒಂದು ಮಿಕ್ಸರ್​ ಗ್ರೈಂಡರ್​ ಬಾಕ್ಸ್​ ಇತ್ಯಾದಿ ವಸ್ತುಗಳು 30 ಕೆಜಿ ಒಳಗೆ ಪರಿಗಣಿಸಲಾಗುತ್ತದೆ. ಲಗೇಜ್​ 30 ಕೆಜಿ ಮೀರಿದರೆ ಅದರ ಮೇಲೆ ನಿಯಮದ ಪ್ರಕಾರ ದರ ವಿಧಿಸಲಾಗುತ್ತದೆ. ಈ ಕುರಿತು ಕೆಎಸ್​ಆರ್​ಟಿಸಿ ಪರಿಷ್ಕೃತ ಸುತ್ತೋಲೆ ಹೊರಡಿಸಿದೆ.

https://www.vijayavani.net/wedding-in-govt-womens-hostel-udupi/

https://www.vijayavani.net/contractor-basavaraj-amaragola-written-letter/