ಆರೋಪಿ ಯುವತಿಯು ಗುರುಗ್ರಾಮದಲ್ಲಿ ಐಟಿ ಕಂಪನಿಯ ಉದ್ಯೋಗಿಯಾಗಿದ್ದು, ಸ್ನೇಹಿತ ಫೋಗಟ್ ಎನ್ಜಿಒದಲ್ಲಿ ಕೆಲಸ ಮಾಡುತ್ತಿದ್ದ. ಪೊಲೀಸರ ಪ್ರಕಾರ, ಡೇಟಿಂಗ್ ಅಪ್ಲಿಕೇಶನ್ ಬಂಬಲ್ ಮೂಲಕ ಬಿನಿತಾಗೆ ಸಂತ್ರಸ್ತನ ಪರಿಚಯವಾಗಿದೆ. ಬಳಿಕ ಇಬ್ಬರು ಮೇ 28ರಂದು ಸೆಕ್ಟರ್ 23 ಏರಿಯಾದಲ್ಲಿರುವ ಹೋಟೆಲ್ಗೆ ತೆರಳಿದ್ದರು. ಈ ವೇಳೆ ಸಂತ್ರಸ್ತನಿಗೆ ಬಿಯರ್ ಕುಡಿಯಲು ಬಿನಿತಾ ಒತ್ತಾಯಿಸಿದಳು. ಆದರೆ, ಏನೋ ತಪ್ಪು ನಡೆಯುತ್ತಿದೆ ಎಂದು ಭಾವಿಸಿ, ಕುಡಿಯಲು ನಿರಾಕರಿಸಿದನು ಮತ್ತು ಹೋಟೆಲ್ನಿಂದ ಹೊರಬಂದನು. ನಂತರ ಮಹಿಳೆ ಆತನಿಗೆ ಕರೆ ಮಾಡಿ ತನ್ನೊಂದಿಗೆ ಅನುಚಿತವಾಗಿ ವರ್ತಿಸಿ ಕಿರುಕುಳ ನೀಡಿದ್ದೀಯಾ, ಈ ಸಂಬಂಧ ದೂರು ನೀಡುತ್ತೇನೆಂದು ಬೆದರಿಕೆ ಹಾಕಿದ್ದಾಳೆ. ಇದಾದ ಆಕೆಯ ಸ್ನೇಹಿತ ಫೋಗಟ್ ಸಂತ್ರಸ್ತನಿಗೆ ಕರೆ ಮಾಡಿ ಸಮಸ್ಯೆ ಇತ್ಯರ್ಥಪಡಿಸಲು 5 ಲಕ್ಷ ರೂಪಾಯಿಗೆ ಬೇಡಿಕೆ ಇಟ್ಟಿದ್ದಾನೆ. ಆದರೆ 2 ಲಕ್ಷ ರೂಪಾಯಿ ಪಾವತಿಗೆ ಸಂತ್ರಸ್ತ ಒಪ್ಪಿಕೊಂಡನು ಎಂದು ಪೊಲೀಸರು ತಿಳಿಸಿದ್ದಾರೆ.
