'ಹನು-ಮಾನ್' VS 'ಗುಂಟೂರು ಕಾರಂ': ಬಾಕ್ಸ್​ ಆಫೀಸ್​ನಲ್ಲಿ ಯಾರು ಮೇಲುಗೈ? ಇಲ್ಲಿದೆ ವಿವರ…

ಆಂಧ್ರಪ್ರದೇಶ: ಟಾಲಿವುಡ್​ ಪ್ರಿನ್ಸ್​ ಮಹೇಶ್​ ಬಾಬು ಮತ್ತು ನಟಿ ಶ್ರೀಲೀಲಾ ಮುಖ್ಯಭೂಮಿಕೆಯಲ್ಲಿರುವ ಬಹುನಿರೀಕ್ಷಿತ 'ಗುಂಟೂರು ಕಾರಂ' ಬಿಡುಗಡೆಗೊಂಡು ಇದೀಗ ಬಾಕ್ಸ್​ ಆಫೀಸ್​ನಲ್ಲಿ ಉತ್ತಮ ಆರಂಭವನ್ನು ಕಂಡಿದೆ. ಈ ಚಿತ್ರದ ಜತೆಗೆ ಸಖತ್​ ಪೈಪೋಟಿ ಕೊಡಲು ಪ್ಯಾನ್ ಇಂಡಿಯಾ ರಿಲೀಸ್ ಪಡೆದ ತೇಜ ಸಜ್ಜ ನಟನೆಯ 'ಹನು-ಮಾನ್'​ ಕೂಡ ಸದ್ಯ ಗಲ್ಲಾಪೆಟ್ಟಿಗೆಯಲ್ಲಿ ಸಾಲಿಡ್​ ಕಿಕ್​ ಸ್ಟಾರ್ಟ್​​ ಪಡೆಯುವ ಮುಖೇನ ಚಿತ್ರರಸಿಕರ ಹುಬ್ಬೇರುವಂತೆ ಮಾಡಿದೆ.

ಇದನ್ನೂ ಓದಿ: ಸಾನಿಯಾ-ಶೋಯೆಬ್ ಸಂಬಂಧ ಅಂತ್ಯ; ‘ವಿಚ್ಛೇದನ’ ವದಂತಿ ನಡುವೆ ನಟಿಯ ಕೈ ಹಿಡಿದ ಪಾಕ್ ಸ್ಟಾರ್ ಆಟಗಾರ

ಒಂದೆಡೆ 'ಹನು-ಮಾನ್​' ಪ್ಯಾನ್ ಇಂಡಿಯಾ ಚಿತ್ರವಾಗಿ ಹೊರಹೊಮ್ಮಿದರೆ ಮತ್ತೊಂದೆಡೆ ಮಹೇಶ್​ ಬಾಬು ಸಿನಿಮಾ ಕೇವಲ ತೆಲುಗು ಭಾಷೆಯಲ್ಲಿ ಮಾತ್ರ ರಿಲೀಸ್ ಕಂಡಿದೆ. ಇಷ್ಟಾದರೂ ಕೂಡ ಚಿತ್ರವು ಸಿನಿಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರಿಯೆಗಳನ್ನು ಗಳಿಸುವುದರ ಜತೆಗೆ ಬಾಕ್ಸ್​ ಆಫೀಸ್​ನಲ್ಲಿ ಮಿಂಚಿನ ಓಟದತ್ತ ಎದುರುನೋಡುತ್ತಿದೆ. ಆಕರ್ಷಕ ವಿಎಫ್​ಎಕ್ಸ್​ ಕೆಲಸಗಳಿಂದಲೇ ಹೆಚ್ಚು ಗಮನಸೆಳೆಯುತ್ತಿರುವ ಹನು-ಮಾನ್​ ಸದ್ಯ ಚಿತ್ರಮಂದಿರ ಮತ್ತು ಮಲ್ಟಿಪ್ಲೆಕ್ಸ್​ಗಳಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿದೆ.

ಇದನ್ನೂ ಓದಿ:  ಮರುಕಳಿಸಿದ ನಂದಿ ಬಸಪ್ಪನ ವೈಭವ: ನಾಲ್ಕು ವರ್ಷದ ನಂತರ ಕಳೆಗಟ್ಟಿದ ಚಿಕ್ಕಂಕನಹಳ್ಳಿ ಜಾತ್ರೆ

ಜನವರಿ 19ರ ಬಾಕ್ಸ್​ ಆಫೀಸ್​ ವಿವರ: 1360 ಶೋಗಳನ್ನು ಪಡೆದ 'ಗುಂಟೂರು ಕಾರಂ' 1,62,853 ಟಿಕೆಟ್‌ಗಳ ಸೇಲ್ ಮೂಲಕ 34.40% ಆಕ್ಯುಪೆನ್ಸಿ ಗಳಿಸಿದೆ.

ರಾಷ್ಟ್ರೀಯ ಮಲ್ಟಿಪ್ಲೆಕ್ಸ್ ವಿವರ:

ಪಿವಿಆರ್ (PVR) 6,915 - 0.17 ಕೋಟಿ ರೂ.

ಐನಾಕ್ಸ್​ (INOX) 3,758 - 0.08 ಕೋಟಿ ರೂ.

ಸಿನೆಪೊಲಿಸ್ : 1,727 - 0.04 ಕೋಟಿ ರೂ. ಒಟ್ಟು ಎಲ್ಲಾ ಚಿತ್ರಮಂದಿರಗಳಿಂದ 2.54 ಕೋಟಿ ರೂ. ಲಭಿಸಿದೆ.

ಇನ್ನು 5900 ಶೋಗಳನ್ನು ಪಡೆದ 'ಹನು-ಮಾನ್' 5,57,701 ಟಿಕೆಟ್‌ಗಳನ್ನು ಮಾರಾಟ ಮಾಡುವ ಮೂಲಕ 28.66% ಆಕ್ಯುಪೆನ್ಸಿ ಪಡೆದುಕೊಂಡಿದೆ.

ರಾಷ್ಟ್ರೀಯ ಮಲ್ಟಿಪ್ಲೆಕ್ಸ್ ವಿವರ:

ಪಿವಿಆರ್ (PVR): 47,535 - 1.26 ಕೋಟಿ ರೂ.

ಐನಾಕ್ಸ್​ (INOX): 33,064 - 0.75 ಕೋಟಿ ರೂ.

ಸಿನೆಪೊಲಿಸ್: 20,697 - 0.54 ಕೋಟಿ ರೂ. ಎಲ್ಲಾ ಚಿತ್ರಮಂದಿರಗಳಿಂದ ಒಟ್ಟು 9.49 ಕೋಟಿ ರೂ. ಕಲೆಕ್ಷನ್ ಲಭಿಸಿದೆ,(ಏಜೆನ್ಸೀಸ್).

https://www.vijayavani.net/ayodhya-ram-mandir-free-prasad-real-or-fake