'ಪುರಿ ಜಗನ್ನಾಥ' ದೇವಾಲಯ ಕೆಡವುದಾಗಿ ಗೀಚುಬರಹ ಪತ್ತೆ; ಒಬ್ಬನ ಬಂಧನ| puri

ಪುರಿ: ಒಡಿಶಾದ ಪುರಿಯಲ್ಲಿ ಇಂದು ಬೆಳಗ್ಗೆ ಜಗನ್ನಾಥ ದೇವಾಲಯದ ಮೇಲೆ ಭಯೋತ್ಪಾದಕ ದಾಳಿಯ ಬೆದರಿಕೆ ಹಾಕುವ ಬರಹಗಳು ಕಂಡುಬಂದಿದ್ದು, ಇದೀಗ ಪೊಲೀಸರು ಭದ್ರತೆಯನ್ನು ತೀವ್ರಗೊಳಿಸಿ ತನಿಖೆಯನ್ನು ಪ್ರಾರಂಭಿಸಿದ್ದಾರೆ.

ಇದನ್ನೂ ಓದಿ: ಮನೆಯಲ್ಲಿ 'ನಾಯಿ' ಸಾಕುವುದರಿಂದ ಒಳ್ಳೆಯದಾಗುತ್ತಾ.? ಜ್ಯೋತಿಷ್ಯ ಶಾಸ್ತ್ರ ಹೇಳೋದೇನು.? dog

12 ನೇ ಶತಮಾನದ ದೇವಾಲಯದ ಆವರಣದಲ್ಲಿ ಎರಡು ಪ್ರತ್ಯೇಕ ಸ್ಥಳಗಳಲ್ಲಿ ಕಂಡುಬಂದಿರುವ ಗೀಚುಬರಹದಲ್ಲಿ, "ಭಯೋತ್ಪಾದಕರು ದೇವಾಲಯವನ್ನು ನಾಶಮಾಡುತ್ತಾರೆ" ಮತ್ತು ನಿಮ್ಮ 'ಕುಲವು ನಾಶವಾಗುತ್ತದೆ' ಎಂಬ ಮುಂತಾದ ಗೊಂದಲದ ಹೇಳಿಕೆಗಳನ್ನು ಗೋಡೆಗಳ ಮೇಲೆ ಬರೆಯಲಾಗಿದೆ. ಶ್ರೀಮಂದಿರದ ಸುತ್ತಲಿನ ಹೆಚ್ಚಿನ ಭದ್ರತಾ ವಲಯವಾದ ಪರಿಕ್ರಮ ಮಾರ್ಗದ ಬಲಿಸಾಹಿ ಪ್ರವೇಶದ್ವಾರದ ಬಳಿಯಿರುವ ಬುಧಿ ಮಾ ಠಾಕುರಾನಿ ದೇವಾಲಯದ ಗೋಡೆಗಳ ಮೇಲೆ ಒಡಿಯಾ ಭಾಷೆಯಲ್ಲಿ ಬರೆಯಲಾದ ಸಂದೇಶಗಳು ಕಾಣಿಸಿಕೊಂಡವೆ.

ಇನ್ನೂ ಈ ಬಗ್ಗೆ ಪುರಿ ಪೊಲೀಸ್ ವರಿಷ್ಠಾಧಿಕಾರಿ ಪಿನಾಕಿ ಮಿಶ್ರಾ ಮಾತನಾಡಿದ್ದು, ಇಂದು ಬೆಳಗ್ಗೆ ಸಾಮಾಜಿಕ ಮಾಧ್ಯಮ ಮತ್ತು ಇತರ ಮೂಲಗಳಿಂದ ಏನೋ ಬರೆಯಲಾಗಿದೆ ಎಂದು ನಮಗೆ ಮಾಹಿತಿ ಸಿಕ್ಕಿತು. ತನಿಖೆ ನಡೆಸಿದ ನಂತರ ದೇವಸ್ಥಾನಕ್ಕೆ ಬೆದರಿಕೆ ಹಾಕುವ ರೀತಿಯಲ್ಲಿ ಏನೋ ತಪ್ಪಾಗಿ ಬರೆಯಲಾಗಿದೆ ಎಂದು ನಾವು ಕಂಡುಕೊಂಡಿದ್ದೇವೆ. ನಮ್ಮ ವಿಶೇಷ ತಂಡವು ಈ ವಿಷಯವನ್ನು ತನಿಖೆ ಮಾಡುತ್ತಿದೆ ಮತ್ತು ನಾವು ಅದನ್ನು ಗಂಭೀರವಾಗಿ ಪರಿಗಣಿಸಿದ್ದೇವೆ. ನಾವು ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುತ್ತಿದ್ದೇವೆ. ಪೊಲೀಸ್ ತಂಡಕ್ಕೆ ಕೆಲವು ಸುಳಿವುಗಳು ಸಿಕ್ಕಿವೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಹಾಸ್ಟೆಲ್​ನಲ್ಲಿ ರಾತ್ರಿ ಊಟ ಸೇವಿಸಿ ಕಾಲೇಜಿನ 30 ವಿದ್ಯಾರ್ಥಿಗಳು ಅಸ್ವಸ್ಥ; ಆಸ್ಪತ್ರೆಗೆ ದಾಖಲು| Kolar

(ಏಜೆನ್ಸೀಸ್)

ಪ್ರಕರಣದಲ್ಲಿ ರಘುನಾಥ್ ಸಾಹೂ ಎಂದು ಗುರುತಿಸಲಾದ ಒಬ್ಬ ವ್ಯಕ್ತಿಯನ್ನು ಬಂಧಿಸಲಾಗಿದ್ದು, ಪ್ರಾಥಮಿಕ ವಿಚಾರಣೆಯಿಂದ ಆ ವ್ಯಕ್ತಿ ಮಾನಸಿಕವಾಗಿ ಅಸ್ವಸ್ಥನಂತೆ ಕಾಣುತ್ತಿದ್ದಾನೆ ಎಂದಿದ್ದಾರೆ. ಅವನು ಅದನ್ನು ಯಾವಾಗ ಮತ್ತು ಏಕೆ ಬರೆದಿದ್ದಾನೆ ಎಂಬುದರ ಕುರಿತು ಪ್ರಶ್ನೆಗಳನ್ನು ಕೇಳಲಾಗುತ್ತಿದೆ. ವೈದ್ಯಕೀಯ ಪರೀಕ್ಷೆಯ ಬಳಿಕ ಮತ್ತೆ ತನಿಖೆ ಮುಂದುವರೆಸಲಾಗುತ್ತದೆ. ಕೌಟುಂಬಿಕ ಸಮಸ್ಯೆಗಳಿಂದಾಗಿ ಅವನು ಹಿಂದೆಯೂ ಹೀಗೆ ವರ್ತಿಸಿದ್ದನು ಎಂದು ಎಸ್​ಪಿ ತಿಳಿಸಿದ್ದಾರೆ.

https://www.vijayavani.net/hindu-temple-vandalized-for-the-fourth-time-in-a-year-in-america-temple