ಈ ಪಾನ್​ ಬೆಲೆ 600 ರೂಪಾಯಿ! ಇದರೊಳಗೆ ಅಂತದ್ದೇನಿದೆ ಎಂದು ಕೇಳುವವರಿಗೆ ಇಲ್ಲಿದೆ ಉತ್ತರ

ನವದೆಹಲಿ: ಊಟವಾದ ಮೇಲೆ ಪಾನ್​ ಬೇಕೇಬೇಕು ಎನ್ನುವವರು ಅನೇಕರಿದ್ದಾರೆ. ಆದರೆ ಈ ಪಾನ್​ ಅಂಗಡಿಗೆ ಹೋದವರು ಒಂದು ಪಾನ್​ಗೆ ಉಸ್ಸಪ್ಪಾ ಎಂದು ನಿಟ್ಟುಸಿರು ಬಿಟ್ಟರೂ ಬಿಡಬಹುದು. ಏಕೆಂದರೆ ಇಲ್ಲಿನ ಆ ಒಂದು ಪಾನ್​ ಬೆಲೆ ಬರೋಬ್ಬರಿ 600 ರೂಪಾಯಿ!

ಹೌದು! ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ಇಂತದ್ದೊಂದು ಪಾನ್​ ಕಾರ್ನರ್​ ಇದೆ. ಅದರ ಹೆಸರು ಯಮೂಸ್​ ಪಂಚಾಯತ್​. ಇಲ್ಲಿ ರಫೆಲ್ಲೋ ಗೋಲ್ಡ್​ ಪಾನ್​ ತುಂಬಾ ವಿಶೇಷವಂತೆ. ಈ ವಿಶೇಷ ಪಾನ್​ನ ಬೆಲೆ 600 ರೂಪಾಯಿ. ಅಂದ ಹಾಗೆ ಈ ಪಾನ್​ನ ವಿಶೇಷತೆ ಏನು ಎನ್ನುವುದಕ್ಕೆ ಪಾನ್​ ಅಂಗಡಿಯವರೇ ಒಂದು ವಿಡಿಯೋ ಮಾಡಿ ಹರಿಬಿಟ್ಟಿದ್ದಾರೆ.

ಮಾಮೂಲಿ ಪಾನ್​ಗಳಂತೆ ಎಲೆಗೆ ಒಂದಿಷ್ಟು ಸುಣ್ಣ, ಫ್ಲೇವರ್​ಗಳನ್ನು ಹಾಕಲಾಗುತ್ತದೆ. ಅದಕ್ಕೆ ಒಂದಿಷ್ಟು ಖರ್ಜೂರದ ಪೇಸ್ಟ್​, ಲವಂಗ, ಏಲಕ್ಕಿ ಹೀಗೆ ಅನೇಕ ಪದಾರ್ಥಗಳನ್ನು ಮಿಶ್ರಣ ಮಾಡಲಾಗುತ್ತದೆ. ಕೊನೆಯಲ್ಲಿ ಎಲೆಯನ್ನು ಸುತ್ತಿ ಅದಕ್ಕೆ ಗೋಲ್ಡ್​ ಕಲರ್​ ಪೇಪರ್​ನ್ನು ಸುತ್ತಲಾಗುತ್ತದೆ. ಅದನ್ನು ಚೆರ್ರಿಯೊಂದಿಗೆ ಸುಂದರಗೊಳಿಸಿ ಸರ್ವ್​ ಮಾಡಲಾಗುತ್ತದೆ. ಹಾರ್ಟ್​ ಶೇಪ್​ನಲ್ಲಿ ಟ್ರೇನಲ್ಲಿತ್ತು ಕೊಡಲಾಗುತ್ತದೆ.

ಈ ವಿಶೇಷ ಪಾನ್​ ಮಾಡುವ ವಿಡಿಯೋ ವೈರಲ್​ ಆಗಿದೆ. ದುಬಾರಿ ಬೆಲೆಯ ಪಾನ್​ ಬಗ್ಗೆ ಹೆಚ್ಚಿನ ಜನ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಆ ಹಣದಲ್ಲಿ ನಾವು ತಿಂಗಳು ಪೂರ್ತಿ ಪಾನ್​ ತಿನ್ನಬಹುದು ಎಂದು ಆರೋಪಿಸಲಾರಂಭಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/suhasini-akshara-hassan-dance/