ನೀವೊಬ್ಬ ಅಭಿಮಾನಿಯನ್ನು ಕಳ್ಕೊಂಡ್ರಿ! ಅದೊಂದು ಕಾರಣಕ್ಕೆ ಸೆಹ್ವಾಗ್ ಜತೆಗೆ ಮಾತು ಬಿಟ್ಟೆ: ಗ್ಲೆನ್​ 'ಮ್ಯಾಕ್ಸಿ'ಮಮ್​ ಮಾತು | Glenn

Glenn Maxwell: ಆಸ್ಟ್ರೇಲಿಯಾದ ಸ್ಟಾರ್ ಆಲ್‌ರೌಂಡರ್, ಸ್ಫೋಟಕ ಬ್ಯಾಟರ್ ಗ್ಲೆನ್ ಮ್ಯಾಕ್ಸ್‌ವೆಲ್ ಇದೀಗ ಆರ್​ಸಿಬಿ ತಂಡದಿಂದ ಪಂಜಾಬ್ ಕಿಂಗ್ಸ್‌ ಪಡೆಗೆ ಸೇರ್ಪಡೆಯಾಗಿರುವುದು ಕ್ರಿಕೆಟ್ ಅಭಿಮಾನಿಗಳಿಗೆ ಗೊತ್ತಿರುವ ಸಂಗತಿಯೇ. ಕಳೆದ ನವೆಂಬರ್​ನಲ್ಲಿ ನಡೆದ ಐಪಿಎಲ್ ಹರಾಜಿನಲ್ಲಿ ತನ್ನನ್ನು ತಂಡದಿಂದ ಕೈಬಿಟ್ಟ ಆರ್​ಸಿಬಿಗೆ ಗುಡ್​ಬೈ ಹೇಳಿದ ಗ್ಲೆನ್​, ನಟಿ ಪ್ರೀತಿ ಜಿಂಟಾ ಒಡೆತನದ ಪಂಜಾಬ್ ಕಿಂಗ್ಸ್​ ಜತೆಗಿನ ಮೂರು ವರ್ಷಗಳ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ. ಇದೇ ಮಾ.22ರಿಂದ ಪ್ರಾರಂಭವಾಗಲಿರುವ ಐಪಿಎಲ್​ ಆವೃತ್ತಿಗೆ ಸಿದ್ಧರಾಗಿರುವ ಮ್ಯಾಕ್ಸಿ, ಮೈದಾನದಲ್ಲಿ ಭಾರೀ ಕಸರತ್ತು ನಡೆಸುತ್ತಿದ್ದಾರೆ.

ಇದನ್ನೂ ಓದಿ: ಜನನವೂ ಇಲ್ಲೇ, ಮರಣವೂ ಇಲ್ಲೇ! ಪ್ರೀತಿ, ಪ್ರೇಮಕ್ಕೆ ಸಾಕ್ಷಿಯಾಗಿದ್ದ ಕಟ್ಟಡ ಈಗ ಸಾವಿನ ಮನೆ | Love Motel

ಅಂದು ಪಂಜಾಬ್ ನಾಯಕ

ಮೆಗಾ ಹರಾಜಿನಲ್ಲಿ 4.2 ಕೋಟಿ ರೂ.ಗೆ ಪಂಜಾಬ್ ಕಿಂಗ್ಸ್​ ಪಾಲಾದ ಮ್ಯಾಕ್ಸ್​ವೆಲ್​, 18ನೇ ಆವೃತ್ತಿಯಲ್ಲಿ ಅಬ್ಬರಿಸಲು ನೆಟ್ಸ್​ನಲ್ಲಿ ಶ್ರಮಿಸುತ್ತಿದ್ದಾರೆ. 2014, 2015 ಮತ್ತು 2016ರ ಸೀಸನ್​ಗಳಲ್ಲಿ ಪಂಜಾಬ್ ಪರ ಆಡಿ, ಅದ್ಭುತ ಪ್ರದರ್ಶನ ನೀಡಿದ್ದ ಮ್ಯಾಕ್ಸ್​ವೆಲ್​, 2017ರಲ್ಲಿ ಪಂಜಾಬ್ ಕಿಂಗ್ಸ್‌ಗೆ ಕ್ಯಾಪ್ಟನ್​ ಆಗಿ ತಂಡವನ್ನು ಮುನ್ನಡೆಸಿದರು. ಈ ಸಮಯದಲ್ಲಿ ಅವರಿಗಾದ ಒಂದು ಮರೆಯಲಾದ ಘಟನೆ ಮತ್ತು ನೋವಿನ ಕುರಿತು ಗ್ಲೆನ್​ ಈಗ ತಮ್ಮ ಪುಸ್ತಕದ ಮುಖೇನ ಬಹಿರಂಗಪಡಿಸಿದ್ದಾರೆ

ಅಂದಿನ ರೈಸಿಂಗ್ ಪುಣೆ ಸೂಪರ್‌ಜೈಂಟ್ಸ್ ವಿರುದ್ಧದ ನಿರ್ಣಾಯಕ ಪಂದ್ಯದಲ್ಲಿ ಗೆಲುವು ಸಾಧಿಸಲು ಸಂಪೂರ್ಣವಾಗಿ ಮುಗ್ಗರಿಸಿದ ಪಂಜಾಬ್ ಕಿಂಗ್ಸ್​ ತಂಡವು, ಲೀಗ್ ಹಂತದಲ್ಲಿಯೇ ಈ ಸೋಲಿನ ಮೂಲಕ ತವರಿಗೆ ಮರಳಿತು. ಈ ಪಂದ್ಯದಲ್ಲಿ ಪಂಜಾಬ್ ಕೇವಲ 73 ರನ್‌ಗಳಿಗೆ ಆಲೌಟ್ ಆಗಿ ಹೀನಾಯ ಸೋಲನ್ನು ಅನುಭವಿಸಿತು. ಆಗ ತಂಡದ ಕ್ಯಾಪ್ಟನ್ ಆಗಿದ್ದು ಗ್ಲೆನ್ ಮ್ಯಾಕ್ಸ್​ವೆಲ್​. ಪಂದ್ಯ ಸೋತಿದ್ದೇ ಟೀಮ್ ಇಂಡಿಯಾ ಮಾಜಿ ಹಿರಿಯ ಕ್ರಿಕೆಟಿಗ ವಿರೇಂದ್ರ ಸೆಹ್ವಾಗ್​ ಜತೆಗಿನ ಜಗಳ, ಮನಸ್ತಾಪಕ್ಕೆ ಕಾರಣವಾಯಿತು.

ಇದನ್ನೂ ಓದಿ: ಹನಿಟ್ರ್ಯಾಪ್​ ವಿಚಾರಕ್ಕೆ ವಿಧಾನಸಭೆಯಲ್ಲಿ ಭಾರಿ ಹೈಡ್ರಾಮ: ಸ್ಪೀಕರ್ ಮೇಲೆ ಪೇಪರ್​ ಎಸೆತ​! Honeytrap

ಪಂಜಾಬ್ ಕಿಂಗ್ಸ್​ ಮೆಂಟರ್

ಇತ್ತೀಚೆಗೆ, ಮ್ಯಾಕ್ಸ್‌ವೆಲ್ ತಮ್ಮ "ಗ್ಲೆನ್ ಮ್ಯಾಕ್ಸ್‌ವೆಲ್: ದಿ ಶೋಮ್ಯಾನ್" ಪುಸ್ತಕದಲ್ಲಿ ಸೆಹ್ವಾಗ್ ಅವರೊಂದಿಗಿನ ಜಗಳದ ಬಗ್ಗೆ ಬರೆದಿದ್ದಾರೆ. ಅಂದು ಪಂಜಾಬ್ ಕಿಂಗ್ಸ್​ ಮೆಂಟರ್​ ಆಗಿದ್ದ ವೀರೇಂದ್ರ ಸೆಹ್ವಾಗ್ ಅವರೊಂದಿಗೆ ತೀವ್ರ ವಾಗ್ವಾದ ನಡೆದಿತ್ತು. ಸೆಹ್ವಾಗ್ ಎಲ್ಲರ ಮುಂದೆ ನನ್ನನ್ನು ಅವಮಾನಿಸಿದರು ಎಂದು ಮ್ಯಾಕ್ಸ್‌ವೆಲ್ ಹೇಳಿಕೊಂಡಿದ್ದಾರೆ.

ವಾಟ್ಸಾಪ್ ಗ್ರೂಪ್​ನಿಂದ ಕಿತ್ತುಬಿಸಾಡಿದ್ದರು

"ಆ ಪಂದ್ಯ ಮುಗಿದ ಬಳಿಕ ಪತ್ರಿಕಾಗೋಷ್ಠಿಯಲ್ಲಿ ಭಾಗವಹಿಸಬೇಕಿತ್ತು. ಆದರೆ, ನಾನು ಸ್ವಯಂಪ್ರೇರಿತರಾಗಿ ಪತ್ರಿಕಾಗೋಷ್ಠಿಗೆ ಹೋಗಿ ಸೋಲಿನ ಹೊಣೆಯನ್ನು ವಹಿಸಿಕೊಂಡೆ. ಅದರ ನಂತರ, ನಾವೆಲ್ಲರೂ ಹೋಟೆಲ್‌ಗೆ ಹೋಗಲು ಬಸ್ ಹತ್ತಿದೆವು. ಆ ಸಮಯದಲ್ಲಿ, ನನ್ನನ್ನು ನಮ್ಮ ತಂಡದ ಮುಖ್ಯ ವಾಟ್ಸಾಪ್ ಗ್ರೂಪ್​ನಿಂದ ತೆಗೆದುಹಾಕಲಾಗಿತ್ತು. ಇದನ್ನು ನಾನು ಗಮನಿಸಿದೆ. ನೀವೊಬ್ಬ ಅಭಿಮಾನಿಯನ್ನು ಕಳೆದುಕೊಂಡಿದ್ದೀರಿ ಎಂದು ನಾನು ತಕ್ಷಣ ಸೆಹ್ವಾಗ್​ಗೆ ಸಂದೇಶ ಕಳುಹಿಸಿದೆ. ಅದಕ್ಕೆ ಅವರು ನಿಮ್ಮಂತಹ ಫ್ಯಾನ್​ ನನಗೆ ಬೇಕಿಲ್ಲ ಎಂದು ಉತ್ತರಿಸಿದರು. ನಾವು ಹೋಟೆಲ್ ತಲುಪುವ ಹೊತ್ತಿಗೆ, ನನ್ನ ಫೋನ್ ಅವರ ಸಂದೇಶಗಳಿಂದಲೇ ತುಂಬಿತ್ತು" ಎಂದು ಮ್ಯಾಕ್ಸಿ ಹೇಳಿದರು.

"ಅವರ ಈ ನಡವಳಿಕೆಯಿಂದ ನನಗೆ ಬಹಳ ಬೇಸರವಾಯಿತು. ಪಂದ್ಯದಲ್ಲಿ ಕ್ಯಾಪ್ಟನ್ ಆಗಿ ನನ್ನ ವೈಫಲ್ಯಕ್ಕೆ ಅವರು ನನ್ನನ್ನು ದೂಷಿಸಿ ಮಾತನಾಡಿದರು. ಅಂದಿನಿಂದ ಒಮ್ಮೆಯೂ ಸಹ ಸೆಹ್ವಾಗ್ ಜತೆ ನಾನು ಮಾತನಾಡಿಲ್ಲ. ಯಾವುದೇ ರೀತಿಯಲ್ಲಿಯೂ ಸಂಭಾಷಣೆ ನಡೆಸಿಲ್ಲ" ಎಂದು ಮ್ಯಾಕ್ಸಿ ತಮ್ಮ ಪುಸ್ತಕದಲ್ಲಿ ಹೇಳಿಕೊಂಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/ab-de-villiers-picks-teams-that-will-reach-the-playoffs