ಏಕದಿನ ವಿಶ್ವಕಪ್​ ತಂಡದಲ್ಲಿ ಕೊಹ್ಲಿ, ರೋಹಿತ್​ಗೆ ಸ್ಥಾನ ಸಿಗುತ್ತಾ? ಗಂಭೀರ್​ ಕೊಟ್ಟ ಉತ್ತರ ವೈರಲ್​! Virat Kohli

ನವದೆಹಲಿ: ಟೀಮ್​ ಇಂಡಿಯಾದ ದಿಗ್ಗಜ ಆಟಗಾರರಾದ ವಿರಾಟ್​ ಕೊಹ್ಲಿ ( Virat Kohli ) ಹಾಗೂ ರೋಹಿತ್​ ಶರ್ಮ ( Rohit Sharma ) ಅವರ ಏಕದಿನ ಕ್ರಿಕೆಟ್​ ಭವಿಷ್ಯದ ಬಗ್ಗೆ ಎದುರಾದ ಪ್ರಶ್ನೆಗೆ ತಂಡದ ಮುಖ್ಯ ಕೋಚ್​ ಗೌತಮ್​ ಗಂಭೀರ್ ( Gautam Gambhir )​ ಅವರು ಕೊಟ್ಟ ಉತ್ತರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ.

ನಿಮಗೆ ಗೊತ್ತಿದೆ ಗಂಭೀರ್​ ಅವರು ನೇರ ನುಡಿಗೆ ಹೆಸರುವಾಸಿಯಾಗಿದ್ದಾರೆ. ಮನಸ್ಸಿಗೆ ಏನು ಅನಿಸುತ್ತದೆ ಅದನ್ನು ನೇರವಾಗಿ ಮಾತನಾಡುವುದು ಗಂಭೀರ್​ ಅವರ ಸ್ವಭಾವವಾಗಿದೆ. ತಮ್ಮ ನೇರ ನುಡಿಯ ಕಾರಣಕ್ಕೆ ಅನೇಕ ಬಾರಿ ಗಂಭೀರ್​ ಅವರು ವಿವಾದಕ್ಕೂ ಗುರಿಯಾಗಿದ್ದಾರೆ. ಹೀಗಿರುವಾಗ ಕೊಹ್ಲಿ ಮತ್ತು ರೋಹಿತ್​ ಕ್ರಿಕೆಟ್​ ಭವಿಷ್ಯದ ಬಗ್ಗೆ ಪ್ರಶ್ನಿಸಿದಾಗ ಕೊಂಚವೂ ತಾಳ್ಮೆ ಕಳೆದುಕೊಳ್ಳದೇ ಸಾವಧಾನದಿಂದ ಸೂಕ್ತ ಉತ್ತರ ನೀಡಿದ್ದಾರೆ.

ಪ್ರವಾಸಿ ವೆಸ್ಟ್​ ಇಂಡೀಸ್​ ವಿರುದ್ಧ ಎರಡು ಪಂದ್ಯಗಳು ಟೆಸ್ಟ್​ ಸರಣಿಯನ್ನು ಆತಿಥೇಯ ಭಾರತ ಕ್ಲೀನ್​ ಸ್ವೀಪ್​ ಮಾಡಿದೆ. ಈ ಸರಣಿಯ ಬಳಿಕ ಇಂದು (ಅ.14) ನಡೆದ ಪತ್ರಿಕಾಗೋಷ್ಠಿಯಲ್ಲಿ ಗಂಭೀರ್​ ಮಾತನಾಡಿದರು. ಈ ವೇಳೆ ಕೊಹ್ಲಿ ಹಾಗೂ ರೋಹಿತ್​ ಅವರ ಏಕದಿನ ಕ್ರಿಕೆಟ್​ ಭವಿಷ್ಯದ ಬಗ್ಗೆ ಪ್ರಶ್ನೆ ಎದುರಾಯಿತು. ಅದೇನೆಂದರೆ, 2027ರಲ್ಲಿ ನಡೆಯುವ ಏಕದಿನ ವಿಶ್ವಕಪ್ ಟೂರ್ನಿಗೆ ಭಾರತ ತಂಡದಲ್ಲಿ ಕೊಹ್ಲಿ ಮತ್ತು ರೋಹಿತ್​ಗೆ ಸ್ಥಾನ ಇದೆಯೇ? ಈ ವಿಚಾರದಲ್ಲಿ ನಿಮ್ಮ ನಿಲುವು ಏನು ಎಂದು ಪ್ರಶ್ನೆ ಮಾಡಲಾಯಿತು.

ಈ ಪ್ರಶ್ನೆಗೆ ಗಂಭೀರ್​ ಅವರು ನಾಜೂಕಾಗಿಯೇ ಉತ್ತರ ನೀಡಿದರು. ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಆಯ್ಕೆ ಸಮಿತಿಯ ಮುಖ್ಯಸ್ಥ ಅಜಿತ್ ಅಗರ್ಕರ್ ತೆಗೆದುಕೊಂಡ ನಿಲುವನ್ನೇ ಗಂಭೀರ್ ಅವರು ಪುನರುಚ್ಚರಿಸಿದರು. 2027ರ ವಿಶ್ವಕಪ್​ಗೆ ಇನ್ನೂ ಎರಡು ವರ್ಷ ಸಮಯವಿದೆ. ಆದ್ದರಿಂದ, ಪ್ರಸ್ತುತ ನಮ್ಮ ಕೈಯಲ್ಲಿರುವ ಯೋಜನೆಗಳ ಮೇಲೆ ಗಮನಹರಿಸುವುದೇ ನಮ್ಮ ಆದ್ಯತೆಯಾಗಿದೆ ಎಂದು ಗಂಭೀರ್​ ಉತ್ತರ ನೀಡಿದರು.

ಇದೇ ವೇಳೆ ಕೊಹ್ಲಿ ಮತ್ತು ರೋಹಿತ್​ ಬಗ್ಗೆಯೂ ಮಾತನಾಡಿದ ಗಂಭೀರ್​, ಅವರಿಬ್ಬರು ಒಳ್ಳೆಯ ಆಟಗಾರರು. ಅವರಿಬ್ಬರಿಗೂ ಮುಂಬರುವ ಆಸ್ಟ್ರೇಲಿಯಾ ಪ್ರವಾಸ ಯಶಸ್ವಿದಾಯಕವಾಗಲಿದೆ ಎಂದು ಭಾವಿಸುತ್ತೇನೆ ಎಂದು ಗೌತಿ ಹೇಳಿದರು.

ಇದನ್ನೂ ಓದಿ: ಬೆಂಗ್ಳೂರು ರಸ್ತೆಗಳೇಕೆ ಇಷ್ಟೊಂದು ಕೆಟ್ಟದಾಗಿವೆ? ಚರ್ಚೆಗೀಡಾದ ಕಿರಣ್​ ಮಜುಂದಾರ್​ ಟ್ವೀಟ್, ಸರ್ಕಾರ ಹೇಳಿದ್ದೇನು?​ Kiran Mazumdar Shaw

ಪ್ರಸ್ತುತ, ರೋಕೊ ಜೋಡಿ ಏಕದಿನ ಮಾದರಿ ಪಂದ್ಯವನ್ನು ಮಾತ್ರ ಆಡಲಿದೆ. ಟಿ20 ಹಾಗೂ ಟೆಸ್ಟ್​ ಮಾದರಿಗೆ ನಿವೃತ್ತಿ ಘೋಷಣೆ ಮಾಡಿದ್ದಾರೆ. ಕೆಲವೇ ದಿನಗಳಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಏಕದಿನ ಸರಣಿ ಆರಂಭವಾಗಲಿದ್ದು, ಇಬ್ಬರು ಯಾವ ರೀತಿಯ ಫಾರ್ಮ್ ಪ್ರದರ್ಶಿಸುತ್ತಾರೆ ಎಂದು ಕಾದು ನೋಡಬೇಕಿದೆ. ಏಕೆಂದರೆ, ಏಕದಿನ ಪಂದ್ಯದಲ್ಲಿ ಅವರಿಬ್ಬರು ಕಾಯ್ದುಕೊಳ್ಳುವ ಫಾರ್ಮ್,​ ವಿಶ್ವಕಪ್​ ತಂಡದ ಮೇಲೆ ಪ್ರಭಾವ ಬೀರಲಿದೆ. ಒಂದು ವೇಳೇ ಫಾರ್ಮ್​ ಕಾಯ್ದುಕೊಳ್ಳಲು ಫೇಲ್​ ಆದರೆ, ರೋಕೊ ಜೋಡಿಯ ಏಕದಿನ ಕ್ರಿಕೆಟ್​, ವಿಶ್ವಕಪ್​ಗೂ ಮುಂಚೆಯೇ ಕೊನೆಯಾಗುವ ಸಾಧ್ಯತೆ ಇದೆ. ಇದರ ನಡುವೆ ಫಿಟ್‌ನೆಸ್ ಕಾಯ್ದುಕೊಳ್ಳುವುದು ತುಂಬಾ ಮುಖ್ಯವಾಗಿದೆ. ವಿಶ್ವಕಪ್​ ಹೊತ್ತಿಗೆ ರೋಹಿತ್‌ಗೆ 40 ವರ್ಷ ಮತ್ತು ಕೊಹ್ಲಿಗೆ 38 ವರ್ಷ ವಯಸ್ಸಾಗಿರುತ್ತದೆ. ಇನ್ನು ಇತ್ತೀಚೆಗೆ ರೋಹಿತ್ ಬದಲಿಗೆ ಶುಭಮಾನ್ ಗಿಲ್ ಅವರನ್ನು ಭಾರತದ ಏಕದಿನ ತಂಡದ ನಾಯಕರನ್ನಾಗಿ ನೇಮಿಸಲಾಯಿತು.

ಈ ವರ್ಷದ ಫೆಬ್ರವರಿಯಲ್ಲಿ ನಡೆದ ಚಾಂಪಿಯನ್ಸ್ ಟ್ರೋಫಿಯಲ್ಲಿ ರೋಹಿತ್​ ನಾಯಕತ್ವದಲ್ಲಿ ಟೀಮ್​ ಇಂಡಿಯಾ ಗೆಲುವು ಸಾಧಿಸಿತು. ಅದೇ ಕೊನೆಯ ಬಾರಿಗೆ ರೋಕೊ ಜೋಡಿ ಕ್ರಿಕೆಟ್​ ಮೈದಾನದಲ್ಲಿ ಕಾಣಿಸಿಕೊಂಡಿತು. ಸುದೀರ್ಘ ವಿರಾಮದ ಬಳಿಕ ಈ ಜೋಡಿ ಮತ್ತೊಮ್ಮೆ ಕ್ರಿಕೆಟ್​ ಮೈದಾನಕ್ಕೆ ಎಂಟ್ರಿ ಕೊಡುತ್ತಿದೆ. ಈ ಕ್ಷಣಕ್ಕಾಗಿ ಅಭಿಮಾನಿಗಳು ಕೂಡ ಎದುರು ನೋಡುತ್ತಿದ್ದಾರೆ. ಅವರಿಬ್ಬರು ಯಾವ ರೀತಿ ಪ್ರದರ್ಶನ ನೀಡುತ್ತಾರೆ ಅನ್ನೋದನ್ನು ಕಾದು ನೋಡಬೇಕಿದೆ. (ಏಜೆನ್ಸೀಸ್​)

https://www.vijayavani.net/wtc-points-table-2027-victory-in-the-second-test-against-west-indies-what-is-indias-position-in-the-wtc-points-table

https://www.vijayavani.net/smriti-mandhana-women-cricketer-smriti-mandhana-with-a-six-pack-photos-are-going-viral