ಸಿಹಿಯಷ್ಟೇ ಅಲ್ಲ, ಈ 5 ಆಹಾರಗಳೂ ಮಧುಮೇಹದ ಸೈಲೆಂಟ್ ಕಿಲ್ಲರ್ಸ್ | Diabetes

1. ಮೊಸರು

ಸಾಮಾನ್ಯ ಮೊಸರು ಆರೋಗ್ಯಕ್ಕೆ ಒಳ್ಳೆಯದು. ಆದರೆ ನಿಮಗೆ ಸಿಗುವ ಹಣ್ಣಿನ ರುಚಿಯುಳ್ಳ (ಸ್ಟ್ರಾಬೆರಿ, ಮಾವು ಇತ್ಯಾದಿ) ಮೊಸರುಗಳಲ್ಲಿ ಅತಿಯಾದ ಸಕ್ಕರೆ ಮತ್ತು ಕೃತಕ ಬಣ್ಣಗಳನ್ನು ಸೇರಿಸಲಾಗುತ್ತದೆ. ಒಂದು ಸಣ್ಣ ಕಪ್ ಫ್ಲೇವರ್ಡ್ ಮೊಸರಿನಲ್ಲಿ ಸುಮಾರು 5-6 ಚಮಚ ಸಕ್ಕರೆ ಇರಬಹುದು.

2. ಒಣ ಹಣ್ಣುಗಳು

ಹಣ್ಣುಗಳನ್ನು ಒಣಗಿಸಿದಾಗ ನೀರಿನಂಶ ಕಡಿಮೆಯಾಗಿ ಸಕ್ಕರೆ ಅಂಶವನ್ನು ಕೇಂದ್ರೀಕರಿಸುತ್ತದೆ. ಉದಾಹರಣೆಗೆ, ತಾಜಾ ದ್ರಾಕ್ಷಿಗಿಂತ ಒಣದ್ರಾಕ್ಷಿಯಲ್ಲಿ ಸಕ್ಕರೆ ಪ್ರಮಾಣ ಮತ್ತು ಕ್ಯಾಲೋರಿ ತುಂಬಾ ಹೆಚ್ಚಾಗುತ್ತದೆ. ಇವುಗಳನ್ನು ಅತಿಯಾಗಿ ಸೇವಿಸುವುದು ಅಪಾಯಕಾರಿಯಾಗಿದೆ.

3. ಸಂಸ್ಕರಿಸಿದ ಮಾಂಸ

ಸಾಸೇಜ್, ಬೇಕನ್ ಅಥವಾ ಹ್ಯಾಮ್‌ಗಳಂತಹ ಸಂಸ್ಕರಿಸಿದ ಮಾಂಸಗಳಲ್ಲಿ ಸೋಡಿಯಂ ಮತ್ತು ನೈಟ್ರೇಟ್‌ಗಳು ಹೆಚ್ಚುತ್ತಿವೆ. ಈ ಇನ್ಸುಲಿನ್ ಸಾಮರ್ಥ್ಯವನ್ನು ಕಡಿಮೆ ಮಾಡಿ ಟೈಪ್-2 ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಸಂಶೋಧನೆಗಳು ತಿಳಿಸಿವೆ.

4.ಕಾಫಿ ಮಿಕ್ಸ್ ಮತ್ತು ಎನರ್ಜಿ ಡ್ರಿಂಕ್ಸ್

ಸಾಮಾನ್ಯ ಕಪ್ಪು ಕಾಫಿ ಮಧುಮೇಹಕ್ಕೆ ಒಳ್ಳೆಯದಾಗಿರಬಹುದು. ಆದರೆ ಹಾಲಿನ ಕೆನೆ (ಕ್ರೀಮ್), ಸಿರಪ್ ಮತ್ತು ಸಕ್ಕರೆ ಸೇರಿಸಿದ ಕೋಲ್ಡ್ ಕಾಫಿ ಅಥವಾ ಲ್ಯಾಟೆಗಳು ಕೇವಲ ಲಿಕ್ವಿಡ್ ಕ್ಯಾಂಡಿ ಇದ್ದಂತೆ. ಇವುಗಳಲ್ಲಿ ಅಧಿಕ ಕ್ಯಾಲೋರಿ ಮತ್ತು ಸಕ್ಕರೆ ಇರುತ್ತದೆ.

5. ಆಲೂಗಡ್ಡೆ ಮತ್ತು ಸ್ಟಾರ್ಚ್ ಯುಕ್ತ ತರಕಾರಿಗಳು

ಆಲೂಗಡ್ಡೆಯಲ್ಲಿ ಹೈ-ಗ್ಲೈಸೆಮಿಕ್ ಇಂಡೆಕ್ಸ್ ಇರುತ್ತದೆ. ಅತಿಯಾಗಿ ಆಲೂಗಡ್ಡೆ ಸೇವನೆ ಅಥವಾ ಫ್ರೆಂಚ್ ಫ್ರೈಸ್ ಚಿಪ್ಸ್ ರೂಪದಲ್ಲಿ ಸೇವಿಸುವುದು ಮಧುಮೇಹ ತರುವ ಸಾಧ್ಯತೆಯನ್ನು ಶೇ. 30 ಶೇಕಡಾ ಇರಿಸುತ್ತದೆ.