ವೇಗವಾಗಿ ಬೆಳೆಯುತ್ತಿರುವ ಇಂಧನ ಕ್ಷೇತ್ರದಲ್ಲಿ ಹೂಡಿಕೆಯ ಪ್ರಾಮುಖ್ಯತೆ

| ಸಿದ್ದರಾಮೇಗೌಡ, ಮ್ಯೂಚುವಲ್​ ಫಂಡ್​ ವಿತರಕ (siddarameg@yahoo.com)

ಇಂಧನ ಶಕ್ತಿ ಅಥವಾ ಎನರ್ಜಿ ಎಂಬುದು ಇಂದಿನ ಆಧುನಿಕ ಜೀವನದಲ್ಲಿ ಅತ್ಯವಶ್ಯಕ ವಸ್ತುವಾಗಿದೆ. ಲ್ಯಾಪ್‌ಟಾಪ್‌, ರೆಫ್ರಿಜರೇಟರ್‌, ಮೈಕ್ರೋವೇವ್‌, ಏರ್ ಕಂಡಿಷನರ್‌, ಇಂಡಕ್ಷನ್ ಸ್ಟೌವ್‌, ವಾಷಿಂಗ್ ಮೆಷಿನ್‌, ಕಾರು ಮತ್ತು ದ್ವಿಚಕ್ರ ವಾಹನಗಳಂತಹ ಆಧುನಿಕ ಎಲೆಕ್ಟ್ರಿಕಲ್ ಗ್ಯಾಜೆಟ್‌ಗಳು ಮತ್ತು ಉಪಕರಣಗಳಿಲ್ಲದೆ ನಾವು ನಮ್ಮ ಮನೆ ಅಥವಾ ಜೀವನದ ಬಗ್ಗೆಯೂ ಊಹಿಸಲು ಸಾಧ್ಯವಿಲ್ಲ. ವಿದ್ಯುತ್​ ಸಾಧನಗಳ ಮೇಲೆ ಜನರ ಅವಲಂಬನೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಇಂಧನ ಬೇಡಿಕೆಯು ಸಹ ಇಂದು ಹೆಚ್ಚುತ್ತಿದೆ.

ಈ ಇಂಧನ ಶಕ್ತಿ ಎಂಬುದು ಕೇವಲ ಮನೆಗಳಿಗೆ ಮಾತ್ರ ಸೀಮಿತವಾಗಿಲ್ಲ. ಬದಲಾಗಿ ವೈವಿಧ್ಯಮಯ ಕ್ಷೇತ್ರಗಳಲ್ಲಿ ತನ್ನದೇಯಾದ ಪಾತ್ರವನ್ನು ವಹಿಸುತ್ತದೆ. ಅದರಲ್ಲೂ ದೇಶದ ಕೈಗಾರಿಕಾ ಬೆಳವಣಿಗೆಗೆ ಪ್ರಮುಖ ಚಾಲಕವಾಗಿದೆ. ಮನೆಯಿಂದಾಚೆಗೆ ಆರೋಗ್ಯ ಕೇಂದ್ರ, ಎಫ್​ಎಂಸಿಜಿ, ಜವಳಿ, ಕೆಮಿಕಲ್ಸ್​, ಕೃಷಿ, ಆರ್ಥಿಕ ಸೇವೆ, ತೈಲ ಮತ್ತು ಅನಿಲ ಇತ್ಯಾದಿ ಸೇರಿದಂತೆ ಎಲ್ಲವೂ ಇಂಧನ ಮೇಲೆ ಹೆಚ್ಚು ಅವಲಂಬಿತವಾಗಿವೆ. ಇಂಧನ ಶಕ್ತಿಯು ಇಂಟರ್ನೆಟ್ ಸೇವೆಗಳು, ಡೇಟಾ ಪ್ರಸರಣ, ದೂರಸಂಪರ್ಕ ಮತ್ತು ಪ್ರಸಾರ ಕೇಂದ್ರಗಳಂತಹ ಪ್ರಮುಖ ಕಾರ್ಯಗಳಿಗೆ ಆಧಾರವಾಗಿದೆ.

ಇಂಧನ ಕ್ಷೇತ್ರದೊಳಗಿನ ಕೈಗಾರಿಕೆಗಳು

ಇಂಧನ ವಲಯವು ಮೂರು ಪ್ರಮುಖ ಘಟಕಗಳನ್ನು ಹೊಂದಿದೆ. ಮೊದಲನೆಯದಾಗಿ ತೈಲ ಮತ್ತು ಅನಿಲ ಉದ್ಯಮ. ಎರಡನೆಯದು ವಿದ್ಯುತ್ ಉದ್ಯಮ ಮತ್ತು ಮೂರನೆಯದು ನವೀಕರಿಸಬಹುದಾದ ಇಂಧನ ಉದ್ಯಮ.

ತೈಲ ಮತ್ತು ಅನಿಲ ಮೌಲ್ಯ ಸರಪಳಿ: ಈ ಉದ್ಯಮವು ಅಪ್‌ಸ್ಟ್ರೀಮ್, ಮಿಡ್‌ಸ್ಟ್ರೀಮ್ ಮತ್ತು ಡೌನ್‌ಸ್ಟ್ರೀಮ್ ಕಂಪನಿಗಳನ್ನು ಒಳಗೊಂಡಿದೆ. ಅಪ್​ಸ್ಟ್ರೀಮ್ ಕಂಪನಿಯು ತೈಲ ಮತ್ತು ಅನಿಲವನ್ನು ಅನ್ವೇಷಿಸುತ್ತದೆ ಮತ್ತು ಹೊರತೆಗೆಯುತ್ತದೆ. ಮಿಡ್‌ಸ್ಟ್ರೀಮ್ ಕಂಪನಿಗಳು ಇಂಧನ ಪ್ರಕ್ರಿಯೆ, ಸಾಗಾಟ ಮತ್ತು ಮಳಿಗೆಗಳನ್ನು ನೋಡಿಕೊಳ್ಳುತ್ತದೆ. ಡೌನ್‌ಸ್ಟ್ರೀಮ್ ಕಂಪನಿಯು ಪರಿಷ್ಕರಣೆ ಮತ್ತು ಮಾರುಕಟ್ಟೆಗಳ ಮೇಲೆ ಗಮನ ಹರಿಸುತ್ತದೆ.

ಇಂಧನ ಮೌಲ್ಯ ಸರಪಳಿ: ಇದು ವಿದ್ಯುತ್ ಉತ್ಪಾದನೆ, ಪ್ರಸರಣ ಮತ್ತು ವಿತರಣೆಯಲ್ಲಿ ತೊಡಗಿರುವ ಕಂಪನಿಗಳನ್ನು ಒಳಗೊಂಡಿದೆ. ವಿದ್ಯುತ್ ಉತ್ಪಾದನೆಯು ಉಷ್ಣ, ಅನಿಲ, ಜಲ, ಪರಮಾಣು ಮತ್ತು ಇತರ ವಿಧಾನಗಳನ್ನು ಬಳಸುತ್ತದೆ. ಪ್ರಸರಣವು ಶಕ್ತಿಯನ್ನು ಉಪಕೇಂದ್ರಗಳಿಗೆ ಸಾಗಿಸುತ್ತದೆ ಮತ್ತು ವಿತರಣೆಯು ಗ್ರಾಹಕರಿಗೆ ಶಕ್ತಿಯನ್ನು ಪೂರೈಸುತ್ತದೆ.

ನವೀಕರಿಸಬಹುದಾದ ಇಂಧನ/ಹಸಿರು ಇಂಧನ: ಸೌರ ಮತ್ತು ಗಾಳಿಯಂತಹ ನವೀಕರಿಸಬಹುದಾದ ಇಂಧನ ಮೂಲಗಳು ಇಂದು ಹೆಚ್ಚು ಪ್ರಾಮುಖ್ಯತೆಯನ್ನು ಪಡೆಯುತ್ತಿವೆ. ಸೌರ ಶಕ್ತಿಯು ಇಂಜಿನಿಯರಿಂಗ್, ಸಂಗ್ರಹಣೆ ಮತ್ತು ನಿರ್ಮಾಣ (ಇಪಿಸಿ) ಸೇವೆಗಳು, ಪೂರಕ ಉಪಕರಣಗಳು ಮತ್ತು ಅಭಿವೃದ್ಧಿಯನ್ನು ಒಳಗೊಂಡಿರುತ್ತದೆ. ಪವನ ಶಕ್ತಿಯು ಬ್ಲೇಡ್ ಉತ್ಪಾದನೆ, ಟವರ್‌ಗಳು ಮತ್ತು ನೇಸೆಲ್‌ಗಳನ್ನು ಒಳಗೊಂಡಿರುತ್ತದೆ. ಇವುಗಳಲ್ಲಿ ಗೇರ್‌ಬಾಕ್ಸ್‌ಗಳು, ಶಾಫ್ಟ್‌ಗಳು, ಜನರೇಟರ್‌ಗಳು ಮತ್ತು ಬ್ರೇಕ್‌ಗಳು ಸಹ ಇರುತ್ತವೆ.

ಇದಲ್ಲದೆ, ಶಕ್ತಿ ಸಹಾಯಕ ಸಂಸ್ಥೆಗಳು ಇಪಿಸಿ, ಕಾರ್ಯಾಚರಣೆಗಳು, ನಿರ್ವಹಣೆ ಮತ್ತು ಯಾಂತ್ರೀಕೃತಗೊಂಡ ತಂತ್ರಜ್ಞಾನಗಳಂತಹ ಪ್ರಮುಖ ಸೇವೆಗಳನ್ನು ಒದಗಿಸುತ್ತದೆ.

ಅವಕಾಶ ಎಲ್ಲಿದೆ?

ಭಾರತದ ಇಂಧನ ಕ್ಷೇತ್ರವು ಅದರ ಬೆಳವಣಿಗೆಯ ಹಾದಿಯಲ್ಲಿ ಮುಂಚೂಣಿಯಲ್ಲಿ ಮುಂದುವರಿಯುತ್ತಿದೆ. ದೃಢವಾದ ರಚನಾತ್ಮಕ ಬೆಳವಣಿಗೆಯಿಂದ ಮತ್ತು ಆರ್ಥಿಕ ಗುರಿಗಳನ್ನು ಸಾಧಿಸುವಲ್ಲಿ ಇಂಧನ ಕ್ಷೇತ್ರವು ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಮುಂದಿನ ದಶಕಗಳಲ್ಲಿ ಇಂಧನ ಬೇಡಿಕೆಯಲ್ಲಿ ನಿರೀಕ್ಷಿತ ಹೆಚ್ಚಳದೊಂದಿಗೆ, ಹವಾಮಾನ ಬದಲಾವಣೆಯಿಂದ ಉತ್ತೇಜಿತವಾದ ಉತ್ಪಾದನಾ ಸಾಮರ್ಥ್ಯಗಳು ಮತ್ತು ಹೆಚ್ಚುತ್ತಿರುವ ತಲಾ ಆದಾಯ, ಬಲವಾದ ದೀರ್ಘಾವಧಿಯ ಹೂಡಿಕೆಯ ಅವಕಾಶವಾಗಿ ತನ್ನ ಸಾಮರ್ಥ್ಯವನ್ನು ಇಂಧನ ಕ್ಷೇತ್ರವು ಒತ್ತಿಹೇಳುತ್ತದೆ.

ಹೀಗಾಗಿ ಇಂಧನ ಕ್ಷೇತ್ರದಲ್ಲಿ ಹೂಡಿಕೆ ಮಾಡಲು ಆಸಕ್ತಿ ಹೊಂದಿರುವ ಹೂಡಿಕೆದಾರರಿಗೆ, ICICI ಪ್ರುಡೆನ್ಶಿಯಲ್ ಮ್ಯೂಚುಯಲ್ ಫಂಡ್ ಪ್ರಸ್ತುತ ನ್ಯೂ ಫಂಡ್ ಆಫರ್ (NFO) ಅನ್ನು ಹೊಂದಿದೆ. ಇದು ಇಂಧನ ವಲಯವನ್ನು ಕೇಂದ್ರೀಕರಿಸಿದ್ದು, ಈ ಹೊಸ ಆಫರ್ 2024 ಜುಲೈ 02 ರಿಂದ ಜುಲೈ 16 ರವರೆಗೆ ತೆರೆದಿರುತ್ತದೆ. ಹಸಿರು ಇಂಧನ, ತೈಲ ಮತ್ತು ಅನಿಲ ಕ್ಷೇತ್ರ, ವಿದ್ಯುತ್ ಮತ್ತು ಸಂಬಂಧಿತ ವಲಯಗಳನ್ನು ಈ ಯೋಜನೆ ಒಳಗೊಂಡಿದೆ.

https://www.vijayavani.net/video-world-cup-victory-everyone-celebrates-with-families-that-one-alone

https://www.vijayavani.net/yuva-rajkumar-wife-sridevi-byrappa-share-instagram-story-about-divorce-case