ನವದೆಹಲಿ : 90 ರ ದಶಕದ ಹಿಟ್ ಇಂಗ್ಲೀಷ್ ಟಿವಿ ಶೋ ‘ಫ್ರೆಂಡ್ಸ್’ನ ಎಲ್ಲಾ ಸ್ಟಾರ್ಗಳು ಇದೀಗ ಮತ್ತೆ ಒಟ್ಟಾಗಿದ್ದಾರೆ. ಜೆನ್ನಿಫರ್ ಅನಿಸ್ಟನ್, ಮ್ಯಾಟ್ ಲೆಬ್ಲ್ಯಾಂಕ್, ಲಿಸಾ ಕುಡ್ರೊವ್, ಕೋರ್ಟೆನಿ ಕಾಕ್ಸ್, ಡೇವಿಡ್ ಶ್ವಿಮ್ಮರ್ ಮತ್ತು ಮ್ಯಾಥ್ಯೂ ಪೆರ್ರಿ ಅವರು ಬರೋಬ್ರರಿ 17 ವರ್ಷಗಳ ನಂತರ ತಮ್ಮ ಹಳೆಯ ಸೆಟ್ಗಳಲ್ಲಿ ಪುನರ್ಮಿಲನ ಕಾಣುತ್ತಿದ್ದಾರೆ.
ಆರು ಜನ ಸ್ನೇಹಿತರ ನಡುವಿನ ಒಡನಾಟವನ್ನು ಸಾಂದರ್ಭಿಕ ಹಾಸ್ಯದೊಂದಿಗೆ ಮೇಳೈಸಿ ಜನರ ಮೆಚ್ಚುಗೆ ಪಡೆದಿದ್ದ ಫ್ರೆಂಡ್ಸ್, ಮೂಲತಃ ಎನ್ಬಿಸಿ ಚಾನಲ್ನಲ್ಲಿ ಪ್ರಸಾರವಾಗುತ್ತಿತ್ತು. 1994 ರಿಂದ 2004 ರವರೆಗೆ 10 ಸೀಸನ್ಗಳಲ್ಲಿ ಧಾರಾವಾಹಿಯಾಗಿ ತೆರೆಕಂಡಿತು. ನೆಟ್ಫ್ಲಿಕ್ಸ್ನಲ್ಲಿ ಜನಪ್ರಿಯ ಪ್ರದರ್ಶನ ಪಡೆದ ನಂತರ ಎಚ್ಬಿಒ ಮ್ಯಾಕ್ಸ್ ಅದರ ಹಕ್ಕುಗಳನ್ನು 425 ಮಿಲಿಯನ್ ಡಾಲರ್ ತೆತ್ತು ಪಡೆದುಕೊಂಡಿತ್ತು ಎನ್ನಲಾಗಿದೆ.
ಇದನ್ನೂ ಓದಿ: ಗಂಡನ ಮೊಬೈಲ್ ಚೆಕ್ ಮಾಡಿ ಪ್ರೈವಸಿಗೆ ಧಕ್ಕೆ ತಂದ ಪತ್ನಿಗೆ 1 ಲಕ್ಷ ರೂಪಾಯಿ ದಂಡ!
ಕಳೆದ ಒಂದು ವರ್ಷದಿಂದ ಅಭಿಮಾನಿಗಳು ಫ್ರೆಂಡ್ಸ್ ತಾರೆಗಳ ಪುನರ್ಮಿಲನ ಪ್ರಸಂಗಕ್ಕಾಗಿ ಬೇಡಿಕೆ ಇಡುತ್ತಿದ್ದು, ಇದೀಗ ಎಚ್ಬಿಒ ಮ್ಯಾಕ್ಸ್ ಅದನ್ನು ಹೊರತಂದಿದೆ. ಆರು ಪ್ರಮುಖ ತಾರೆಗಳೊಂದಿಗೆ ಮುಂಚಿನ ಸಂಚಿಕೆಗಳಲ್ಲಿ ಪಾತ್ರ ವಹಿಸಿದ್ದ ಹಲವು ಅನ್ಯ ಜನಪ್ರಿಯ ನಟರು ಇದೀಗ ಮತ್ತೆ ಒಂದು ವಿಶಿಷ್ಟವಾದ 1 ಗಂಟೆ 40 ನಿಮಿಷಗಳ ಶೋನಲ್ಲಿ ಪಾತ್ರ ವಹಿಸಿದ್ದಾರೆ. ತೆರೆಯ ಮೇಲೆ ‘ಫ್ರೆಂಡ್ಸ್ : ದ ರಿಯೂನಿಯನ್’ ಹೆಸರಲ್ಲಿ ಪ್ರಕಟವಾಗುತ್ತಿರುವ ಈ ವಿಶೇಷ ಸಂಚಿಕೆ, ಭಾರತದಲ್ಲಿ ಇಂದು ಮಧ್ಯಾಹ್ನದಿಂದ ಜೀ5 ಪ್ರೀಮಿಯಂನಲ್ಲಿ ವೀಕ್ಷಣೆಗೆ ಲಭ್ಯವಾಗಿದೆ.
ಈ ಶೋನ ಆರೂ ಮುಖ್ಯ ನಟರಿಗೆ ಆ ಕಾಲಕ್ಕೇ ಅತಿ ಹೆಚ್ಚು ಸಂಭಾವನೆ ನೀಡುತ್ತಿದ್ದರು. ಇನ್ನು ಈಗ ಹಲವರು ಹಾಲಿವುಡ್ನಲ್ಲೂ ಹೆಸರು ಮಾಡಿರುವ ಹಿನ್ನೆಲೆಯಲ್ಲಿ ಭಾರೀ ಸಂಭಾವನೆ ನೀಡಿಯೇ ಒಗ್ಗೂಡಿಸಲಾಗಿದೆ ಎನ್ನಲಾಗಿದೆ. ಹಾಲಿವುಡ್ ಸಿನಿಪತ್ರಿಕೆಗಳ ಪ್ರಕಾರ, ಪಾತ್ರವರ್ಗಕ್ಕೆ ಈ ಸಂಚಿಕೆಗಾಗಿ ತಲಾ 2.5 ಮಿಲಿಯನ್ ಡಾಲರ್(18.2 ಕೋಟಿ ರೂ.)ಗೂ ಹೆಚ್ಚು ಸಂಭಾವನೆ ನೀಡಿದ್ದಾರೆ! (ಏಜೆನ್ಸೀಸ್)
ಗ್ಯಾಂಗ್ಸ್ಟರ್ ಕಾಲಾ ಜತೇದಿ ಸೋದರನೊಂದಿಗೆ ಸುಶೀಲ್ ಕುಮಾರ್ !
2.11 ಲಕ್ಷ ಹೊಸ ಕರೊನಾ ಪ್ರಕರಣ ; ತಮಿಳುನಾಡಿನದೇ ಹೆಚ್ಚು ಪಾಲು
ಜನಹಿತ ಕಾಪಾಡೋದು ನನ್ನ ಆದ್ಯತೆ, ಬೇರೆ ಕಡೆ ಗಮನ ಇಲ್ಲ : ಬಿಎಸ್ವೈ