ಹಂಬಲ್ ಪೊಲಿಟೀಶಿಯನ್ ನೊಗರಾಜ್’ ನಂತರ ದಾನಿಶ್ ಸೇಠ್ ಹೀರೋ ಆಗಿ ನಟಿಸಿರುವ ‘ಫ್ರೆಂಚ್ ಬಿರಿಯಾನಿ’ ಚಿತ್ರವು ಇದೇ 24ರಂದು ಅಮೆಜಾನ್ ಪ್ರೈಮ್ನಲ್ಲಿ ಬಿಡುಗಡೆಯಾಗುತ್ತಿದೆ. ಆ ಚಿತ್ರದ ಟ್ರೈಲರ್ ಸಹ ಇತ್ತೀಚೆಗೆ ಬಿಡುಗಡೆಯಾಗಿತ್ತು. ಇದೀಗ ಅದೇ ಚಿತ್ರದ ರ್ಯಾಪ್ ಶೈಲಿಯ ಹಾಡೊಂದು ಬಿಡುಗಡೆ ಆಗಿದೆ.
ಇದನ್ನೂ ಓದಿ: ಖ್ಯಾತ ನಿರ್ದೇಶಕನ ವೆಬ್ಸಿರೀಸ್ನಲ್ಲಿ ಸೂರ್ಯ, ಫಹಾದ್ ಫಾಸಿಲ್ ನಾಯಕರು!?
ವಾಸುಕಿ ವೈಭವ್ ಸಂಗೀತ ನಿರ್ದೇಶನ ನೀಡಿರುವ ಈ ಹಾಡಿಗೆ ಸ್ವತಃ ಅವರೇ ಸಾಹಿತ್ಯ ಬರೆದಿದ್ದಾರೆ. ಅವಿನಾಶ್ ಬಲೇಕಲ್ಲ ಅವರೂ ಕೈ ಜೋಡಿಸಿದ್ದು, ಅತಿಥಿ ದೇವೋ ಭವ ಸಾಲುಗಳಿಂದ ಶುರುವಾಗುವ ಹಾಡಿನಲ್ಲಿ, iಡೀ ಬೆಂಗಳೂರಿನ ಅವಸ್ಥೆ ಬಗ್ಗೆ ಬೆಳಕು ಚೆಲ್ಲಲಾಗಿದೆ. ಆ ಹಾಡಿಗೆ ರ್ಯಾಪ್ ಟಚ್ ನೀಡಿದ್ದು, ಸಖತ್ ಕಲರ್ಫುಲ್ ಆಗಿ ಹಾಡು ಮೂಡಿಬಂದಿದೆ.
ಇದನ್ನೂ ಓದಿ: ನಿಮ್ಮನ್ನ ಸ್ಕ್ರೀನ್ ಮೇಲೆ ನೋಡೋದು ಯಾವಾಗ? ಈ ಪ್ರಶ್ನೆಗೆ ಏನಂದ್ರು ರಾಧಿಕಾ?
ಅದಿತಿ ಸಾಗರ್ ಹಾಡಿಗೆ ಧ್ವನಿ ನೀಡಿದ್ದು, ಪ್ರತೀಕ್ ಶೆಟ್ಟಿ, ಛಾಯಾಗ್ರಹಣದ ಜತೆಗೆ ಸಂಕಲನದ ಕೆಲಸವನ್ನೂ ಮಾಡಿದ್ದಾರೆ. ಸುಹಾಸ್ ನೃತ್ಯ ಸಂಯೋಜನೆ ಮಾಡಿದ್ದಾರೆ. ಅಂದಹಾಗೆ, ಈ ಚಿತ್ರದಲ್ಲಿ ದಾನಿಶ್ ಸೇಠ್ ಬೆಂಗಳೂರಿನ ಆಟೋಡ್ರೈವರ್ ಆಗಿ ಕಾಣಿಸಿಕೊಂಡರೆ, ಚಿತ್ರದ ನಿರ್ದೇಶನ ಜವಾಬ್ದಾರಿ ಪನ್ನಗಾ ಭರಣ ಅವರದ್ದು.
ಈ ಹಿಂದೆ ಪುನೀತ್ ನಿರ್ಮಿಸಿದ್ದ ‘ಕವಲು ದಾರಿ’ ಮತ್ತು ‘ಮಾಯಾ ಬಜಾರ್’ ಚಿತ್ರಗಳು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ, ನಂತರ ಅಮೇಜಾನ್ ಪ್ರೈಮ್ನಲ್ಲಿ ಕಾಣಿಸಿಕೊಂಡಿದ್ದವು. ಆದರೆ, ಈ ಬಾರಿ ‘ಲಾ’ ಮತ್ತು ‘ಫ್ರೆಂಚ್ ಬಿರಿಯಾನಿ’ ಚಿತ್ರಗಳು ಚಿತ್ರಮಂದಿರಗಳಿಗಿಂತ ಮುಂಚಿತವಾಗಿ ನೇರವಾಗಿ ಅಮೆಜಾನ್ ಪ್ರೈಮ್ನಲ್ಲಿ ಬಿಡುಗಡೆಯಾಗುತ್ತಿವೆ. ದಾನಿಶ್ ಜತೆಗೆ, ಸಾಲ್ ಯೂಸಫ್, ರಂಗಾಯಣ ರಘು, ದಿಶಾ ಮದನ್ ಮುಂತಾದವರು ಈ ಚಿತ್ರದಲ್ಲಿ ನಟಿಸಿದ್ದಾರೆ.