ಹೈದರಾಬಾದ್: ಸೌತ್ ಬ್ಯೂಟಿ ಸಮಂತಾ ಬಗ್ಗೆ ಹೆಚ್ಚಿಗೆ ಹೇಳಬೇಕಾದ ಅವಶ್ಯಕತೆ ಇಲ್ಲ. ರಾಜಮೌಳಿ ನಿರ್ದೇಶನ ‘ಈಗ’ ಚಿತ್ರದಲ್ಲಿ ಕಿಚ್ಚ ಸುದೀಪ್ ಜತೆ ನಟಿಸಿ ಕನ್ನಡಿಗರಿಗೆ ಪರಿಚಿತರಾದ ಸಮಂತಾ, ತಮಿಳು ಮತ್ತು ತೆಲುಗು ಸಿನಿಮಾಗಳಲ್ಲಿ ಸ್ಟಾರ್ ನಟರೊಂದಿಗೆ ನಟಿಸಿ, ಸ್ಟಾರ್ ನಟಿಯರ ಸಾಲಿಗೆ ಸೇರಿ, ಚಿತ್ರರಂಗದಲ್ಲಿ ಬಿಜಿಯಾಗಿರುವಾಗಲೇ ಅಕ್ಕಿನೇನಿ ನಾಗಾರ್ಜುನ ಅವರ ಪುತ್ರ ಹಾಗೂ ನಟ ನಾಗಚೈತನ್ಯ ಅವರನ್ನು ಮದುವೆಯಾಗಿ ಕೆಲವೇ ವರ್ಷಗಳಲ್ಲಿ ಡಿವೋರ್ಸ್ ಪಡೆದು ಭಾರಿ ಸುದ್ದಿಯಾದ ಸಮಂತಾ ಇದೀಗ ಸಿನಿಮಾದಲ್ಲಿ ಮತ್ತೆ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ.
ಪುಷ್ಪ ಚಿತ್ರದಲ್ಲಿ ಊ ಅಂಟಾವಾ ಮಾಮಾ ಊಊ ಅಂಟಾವಾ ಹಾಡಿನ ಮೂಲಕ ಎಲ್ಲರ ಗಮನ ಸೆಳೆದ ಸಮಂತಾ ಇದೀಗ ತಮಿಳು ಹಾಗೂ ತೆಲುಗಿಗೆ ಮಾತ್ರ ಸೀಮಿತವಾಗದೆ ಬಾಲಿವುಡ್ ಹಾಗೂ ಹಾಲಿವುಡ್ನಲ್ಲಿಯೂ ತಮ್ಮ ಅಭಿನಯವನ್ನು ಸಾಬೀತು ಪಡಿಸಲು ಸಕಲ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ. ಇದರ ನಡುವೆ ಸಮಂತಾ ಅವರ ಹಳೆಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಮತ್ತೆ ವೈರಲ್ ಆಗುತ್ತಿದೆ.
ವಿಡಿಯೋದಲ್ಲಿ ಆ್ಯಂಕರ್ ಊಟ ಅಥವಾ ಸೆಕ್ಸ್ ಎರಡರಲ್ಲಿ ಯಾವುದು ನಿಮ್ಮ ಆಯ್ಕೆ ಎಂದು ಸಮಂತಾರನ್ನು ಕೇಳುತ್ತಾರೆ. ಪ್ರಶ್ನೆ ಕೇಳಿ ಕೆಲ ಕಾಲ ಯೋಚನೆ ಮಾಡುವ ಸಮಂತಾ, ಬಳಿಕ ನಗುತ್ತಲೇ ಸೆಕ್ಸ್ ಎಂದು ಹೇಳುತ್ತಾರೆ. ಯಾವುದೇ ದಿನವಾಗಿರಲಿ ನಾನು ಸೆಕ್ಸ್ ಆರಿಸಿಕೊಳ್ಳುತ್ತೇನೆ. ನಾನು ಸುಲಭವಾಗಿ ಹಸಿವಿನಿಂದ ಬಳಲುತ್ತೇನೆ ಎಂದು ನಗುತ್ತಲೇ ಉತ್ತರಿಸಿದ್ದಾರೆ.
ಇದೀಗ ವಿಡಿಯೋ ಮತ್ತೊಮ್ಮೆ ವೈರಲ್ ಆಗಿದ್ದು, ಅನೇಕರು ಕಾಮೆಂಟ್ ಬಾಕ್ಸ್ನಲ್ಲಿ ಸಮಂತಾರಿಗೆ ಬೆಂಬಲ ಸೂಚಿಸಿದ್ದಾರೆ. ಯಾವುದೇ ಮುಜುಗರವಿಲ್ಲದೆ ಪ್ರಮಾಣಿಕವಾಗಿ ಮಾತನಾಡಿದ್ದಾರೆ ಎಂದು ಸಮಂತಾರನ್ನು ಮೆಚ್ಚಿಕೊಂಡಿದ್ದಾರೆ. ಆದರೆ, ಇದೇ ಸಂದರ್ಭದಲ್ಲಿ ಕೆಲವು ಮಂದಿ ಸಮಂತಾರನ್ನು ಟೀಕಿಸಿ, ಆಕೆಯ ಆಯ್ಕೆಯನ್ನು ಮದುವೆಯೊಂದಿಗೆ ತಳುಕು ಹಾಕಿ ವ್ಯಂಗ್ಯವಾಡಿದ್ದಾರೆ.
ವೇಸ್ಟ್ ಆಫ್ ಮನಿ
ಇತ್ತೀಚೆಗಷ್ಟೇ ಸಮಂತಾ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಫಾಲೋವರ್ಸ್ ಜತೆ ಪ್ರಶ್ನೋತ್ತರ ಸೆಷನ್ ನಡೆಸಿದ್ದರು. ಈ ವೇಳೆ ಅಭಿಮಾನಿಯೊಬ್ಬರು ಎರಡನೇ ಮದುವೆ ಬಗ್ಗೆ ಯೋಚನೆ ಇಲ್ವಾ? ಎಂದು ಪ್ರಶ್ನಿಸಿದ್ದರು. ಇದಕ್ಕೆ ನಗು ಮೊಗದ ಎಮೋಜಿ ಹಾಕಿ, ಎರಡನೇ ಮತ್ತು ಮೂರನೇ ಮದುವೆಗಳ ವಿಚ್ಛೇದನ ದರದ ಅಂಕಿ-ಅಂಶಗಳನ್ನು ಹಂಚಿಕೊಂಡು, ಅಂಕಿ-ಅಂಶಗಳ ಪ್ರಕಾರ ಇದು ಇದು ಹಣದ ವ್ಯರ್ಥ ಅಥವಾ ವೇಸ್ಟ್ ಆಫ್ ಮನಿ ಎಂದು ಹೇಳಿದ್ದರು.
ನಟನೆಯೊಂದಿಗೆ ನಿರ್ಮಾಣ
ಸಮಂತಾ ಅವರು ಇತ್ತೀಚೆಗಷ್ಟೇ ತಮ್ಮ ಸ್ವಂತ ನಿರ್ಮಾಣ ಸಂಸ್ಥೆಯಾದ ‘ತ್ರಲಾಲಾ’ ಮೂವಿಂಗ್ ಪಿಕ್ಚರ್ಸ್ ಅನ್ನು ಅನಾವರಣಗೊಳಿಸಿದ್ದು, ನಿರ್ಮಾಪಕಿಯಾಗಿಯೂ ಹೊಸ ಪಯಣ ಆರಂಭಿಸಿದ್ದಾರೆ. (ಏಜೆನ್ಸೀಸ್)
ಎರಡನೇ ಮದುವೆ ಬಗ್ಗೆ ಯೋಚನೆ ಇಲ್ವಾ? ಫ್ಯಾನ್ ಪ್ರಶ್ನೆಗೆ ನಟಿ ಸಮಂತಾ ಕೊಟ್ಟರು ಸಖತ್ ಉತ್ತರ….
ಹುಬ್ಬೇರಿಸುವಂತಿದೆ ಸಲಿಂಗಕಾಮಿ ಜೋಡಿ ಮದುವೆ ಕುರಿತು ಸಮಂತಾ ಮಾಡಿರುವ ಪೋಸ್ಟ್..!