ವಿಮಾನದಲ್ಲಿದ್ದಾಗಲೇ ರಕ್ತ ವಾಂತಿ: ಮೃತಪಟ್ಟ ಪ್ರಯಾಣಿಕ..!

ರಾಂಚಿ: ಪ್ರಯಾಣಿಕನೊಬ್ಬ ರಕ್ತವಾಂತಿ ಮಾಡಿದ ಬಳಿಕ ಮೃತಪಟ್ಟಿರುವ ದಾರುಣ ಘಟನೆ ಮುಂಬೈ-ರಾಂಚಿ ಇಂಡಿಗೋ ವಿಮಾನದಲ್ಲಿ ನಡೆದಿದೆ.

ದೇವಾನಂದ ತಿವಾರಿ(62) ಮೃತ ದುರ್ದೈವಿಯಾಗಿದ್ದು, ಮುಂಬೈ-ರಾಂಚಿ ಇಂಡಿಗೋ ವಿಮಾನದಲ್ಲಿ ಸೋಮವಾರ ಈ ದಾರುಣ ಘಟನೆ ನಡೆದಿದೆ. ಸೋಮವಾರ ಸಂಜೆ ಮುಂಬೈ ವಿಮಾನ ನಿಲ್ದಾಣದಿಂದ ಇಂಡಿಗೋ ವಿಮಾನ ರಾಂಚಿಗೆ ಹೊರಟಿತ್ತು. ಈ ವಿಮಾನವು ಗಾಳಿಯಲ್ಲಿದ್ದಾಗ, 62 ವರ್ಷದ ವ್ಯಕ್ತಿಯೊಬ್ಬರು ಅನಾರೋಗ್ಯಕ್ಕೆ ಒಳಗಾಗಿದ್ದರು. ನಂತರ ಸಂತ್ರಸ್ತ ರಕ್ತ ವಾಂತಿ ಮಾಡಿಕೊಂಡಿದ್ದರಿಂದ ವಿಮಾನವನ್ನು ನಾಗ್ಪುರ ವಿಮಾನ ನಿಲ್ದಾಣದಲ್ಲಿ ತುರ್ತು ಭೂಸ್ಪರ್ಶ ಮಾಡಲಾಯಿತು. ಆತನ ಪರಿಸ್ಥಿತಿ ಹದಗೆಟ್ಟಿದ್ದರಿಂದ ನಾಗ್ಪುರದ ಕಿಮ್ಸ್ ಆಸ್ಪತ್ರೆಗೆ ಸಾಗಿಸಲಾಯಿತು.

ಇದನ್ನೂ ಓದಿ: ಐಸಿಯುಗೆ ಶೂ ಧರಿಸಿ ಹೊರಟಿದ್ದವರನ್ನು ತಡೆದ ಆಸ್ಪತ್ರೆ ಸಿಬ್ಬಂದಿ: ಬುಲ್ಡೋಜರ್‌​ ಕರೆಸಿ ದರ್ಪ ತೋರಿಸಿದ ಮೇಯರ್​​

ಕೂಡಲೇ ಆತನನ್ನು ಪರೀಕ್ಷಿಸಿದ ವೈದ್ಯರು ಅದಾಗಲೇ ಮೃತಪಟ್ಟಿರುವುದಾಗಿ ದೃಢಪಡಿಸಿದ್ದು, ಮೃತದೇಹವನ್ನು ಸರ್ಕಾರಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿಡಲಾಗಿದೆ. ಈ ಘಟನೆ ಕುರಿತು ಇಂಡಿಗೋ ಏರ್‌ಲೈನ್ಸ್ ಹೇಳಿಕೆ ಬಿಡುಗಡೆ ಮಾಡಿದ್ದು, ವೈದ್ಯಕೀಯ ತುರ್ತುಪರಿಸ್ಥಿತಿಯಿಂದಾಗಿ ಮುಂಬೈ-ರಾಂಚಿ ವಿಮಾನ 6E 5093ನ್ನು ನಾಗ್ಪುರಕ್ಕೆ ತಿರುಗಿಸಬೇಕಾಯಿತು. ನಾವು ಅಸ್ವಸ್ಥ ಪ್ರಯಾಣಿಕರನ್ನು ವೈದ್ಯಕೀಯ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಸಾಗಿಸಿದ್ದೇವೆ. ಆದರೆ ದುರದೃಷ್ಟವಶಾತ್ ಅವರ ಜೀವವನ್ನು ಉಳಿಸಲು ಸಾಧ್ಯವಾಗಲಿಲ್ಲ' ಎಂದು ಹೇಳಿದೆ.

ಕಿಮ್ಸ್ ಆಸ್ಪತ್ರೆಯ ಡಿಜಿಎಂ ಏಜಾಜ್ ಶಮಿ ಮಾತನಾಡಿ, ಮುಂಬೈನಿಂದ ರಾಂಚಿಗೆ ಇಂಡಿಗೋ ವಿಮಾನವನ್ನು ಹತ್ತಿದ ಪ್ರಯಾಣಿಕ ಸಿಕೆಡಿ ಮತ್ತು ಕ್ಷಯರೋಗದಿಂದ ಬಳಲುತ್ತಿದ್ದರು. ವಿಮಾನ ಗಾಳಿಯಲ್ಲಿದ್ದಾಗ ಆತ ರಕ್ತ ವಾಂತಿ ಮಾಡಿಕೊಂಡಿದ್ದಾನೆ ಎಂದು ಹೇಳಿದ್ದಾರೆ.(ಏಜೆನ್ಸೀಸ್)

https://www.vijayavani.net/grooms-father-cancelled-marriage-after-son-dont-shaved-his-beard-in-tamilnadu

https://www.vijayavani.net/flax-seeds-nutrition-facts-and-health-benefits