ಮುಂಬೈ: ಲಾಕ್ಡೌನ್ನಿಂದ ಚಿತ್ರಮಂದಿರಗಳು ಬಂದ್ ಆಗಿವೆ. ಚಿತ್ರಮಂದಿರಗಳಲ್ಲಿ ಮತ್ತೆ ಚಿತ್ರಪ್ರದರ್ಶನ ಪ್ರಾರಂಭವಾಗುತ್ತದೆ ಎಂದು ಯಾರಿಗೂ ಸದ್ಯಕ್ಕೆ ಹೇಳುವುದು ಕಷ್ಟವಾಗುತ್ತಿದೆ. ಇಂತಹ ಸಂದರ್ಭದಲ್ಲಿ ಹಲವು ಚಿತ್ರತಂಡಗಳು ತಮ್ಮ ಚಿತ್ರಗಳನ್ನು ಒಟಿಟಿಗಳಲ್ಲಿ ಬಿಡುಗಡೆ ಮಾಡುವುದಕ್ಕೆ ಮುಂದಾಗಿವೆ.
ಇದನ್ನೂ ಓದಿ: ಮೈದಾನದಿಂದ 22 ಕೋಟಿ ನಷ್ಟ … ಮೂರನೇ ಬಾರಿಗೆ ಸೆಟ್ ನಿರ್ಮಾಣ
ಕಳೆದ ವರ್ಷ ಲಾಕ್ಡೌನ್ ಇದೇ ಸಮಯದಲ್ಲಿ ಲಾಕ್ಡೌನ್ ಇದ್ದಾಗ, ಬಿಡುಗಡೆಗೆ ತಯಾರಾಗಿದ್ದ ಹಲವು ಚಿತ್ರಗಳ ಹಕ್ಕುಗಳನ್ನು ಪಡೆದ ಅಮೇಜಾನ್ ಪ್ರೈಮ್, ಡಿಸ್ನಿ ಹಾಟ್ಸ್ಟಾರ್ ಮುಂತಾದ ಒಟಿಟಿಗಳು, ಆ ಚಿತ್ರಗಳನ್ನು ನೇರವಾಗಿ ಬಿಡುಗಡೆ ಮಾಡಿದವು. ಅದರಲ್ಲೂ ಡಿಸ್ನಿ ಹಾಟ್ಸ್ಟಾರ್ ಸಂಸ್ಥೆಯು ಕೆಲವು ಬಿಗ್ ಬಜೆಟ್ ಚಿತ್ರಗಳನ್ನು, ದೊಡ್ಡ ಮೊತ್ತಕ್ಕೆ ಖರೀದಿಸಿ ಬಿಡುಗಡೆ ಮಾಡಿದವು. ಅದರಿಂದ ಸಂಸ್ಥೆಗೆ ಸಾಕಷ್ಟು ನಷ್ಟವೂ ಆಯಿತು ಎಂದು ಹೇಳಲಾಗುತ್ತಿದೆ.
ಹಾಗಾಗಿ, ಈ ಬಾರಿ ದೊಡ್ಡ ಚಿತ್ರಗಳನ್ನು ಬಿಟ್ಟು, ಕಡಿಮೆ ಬಜೆಟ್ ಮತ್ತು ಜನಪ್ರಿಯ ನಟ-ನಟಿಯರು ನಟಿಸಿರುವ ಒಂದಿಷ್ಟು ಚಿತ್ರಗಳನ್ನು ಡಿಸ್ನಿ ಹಾಟ್ಸ್ಟಾರ್ ಖರೀದಿಸಿದೆಯಂತೆ. ಸದ್ಯಕ್ಕೆ ಐದು ಚಿತ್ರಗಳ ಹಕ್ಕುಗಳನ್ನು ಡಿಸ್ನಿ ಹಾಟ್ಸ್ಟಾರ್ ಪಡೆದಿದ್ದು, ಮುಂದಿನ ದಿನಗಳಲ್ಲಿ ಒಂದರಹಿಂದೊಂದು ಬಿಡುಗಡೆ ಮಾಡಲಾಗುತ್ತದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ರಕ್ತ ಚರಿತ್ರ ಚಿತ್ರದಲ್ಲಿ ಶೋಷಣೆಗೊಳಗಾಗಿದ್ದೆ ಎಂದು ರಹಸ್ಯ ಬಿಚ್ಚಿಟ್ಟ ರಾಧಿಕಾ
ಸೈಫ್ ಅಲಿ ಖಾನ್, ಅರ್ಜುನ್ ಕಪೂರ್ ಮತ್ತು ಜಾಕ್ಲೀನ್ ಫನಾಂರ್ಡಿಸ್ ಅಭಿನಯದ ಭೂತ್ ಪೊಲೀಸ್, ಈ ಪಟ್ಟಿಯಲ್ಲಿರುವ ಮೊದಲ ಚಿತ್ರ. ಪ್ರಿಯದರ್ಶನ್ ನಿರ್ದೇಶನದ ಮತ್ತು ಶಿಲ್ಪಾ ಶೆಟ್ಟಿ, ಪ್ರಣೀತಾ ಸುಭಾಷ್ ಮುಂತಾದವರು ಅಭಿನಯಿಸಿರುವ ಹಂಗಾಮಾ 2 ಚಿತ್ರಗಳು ಒಟಿಟಿ ಮಾರ್ಗ ಹಿಡಿದಿವೆ. ಇದಲ್ಲದೆ, ಕೃತಿ ಸನೋನ್ ಅಭಿನಯದ ಮಿಮಿ, ಶಿದ್ಧತ್ ಮತ್ತು ಶಾಧಿಸ್ತಾನ್ ಚಿತ್ರಗಳು ಸಹ ಮುಂದಿನ ದಿನಗಳಲ್ಲಿ ಡಿಸ್ನಿ-ಹಾಟ್ಸ್ಟಾರ್ನಲ್ಲಿ ಪ್ರಸಾರವಾಗಲಿದೆ.