`ರಾಧೇ' ಚಿತ್ರದ ಮೊದಲ ವಾರದ ಕಲೆಕ್ಷನ್ ಇಷ್ಟೇನಾ?

ಮುಂಬೈಃ ಸಲ್ಮಾನ್​ ಖಾನ್​ ಅಭಿನಯದ ಚಿತ್ರಗಳೆಂದರೆ ಮೊದಲ ದಿನ ಮತ್ತು ಮೊದಲ ವಾರದ ಕಲೆಕ್ಷನ್​ ಎಷ್ಟಿರುತ್ತದೆ ಎಂಬ ಕುತೂಹಲ ಸಹಜವಾಗಿಯೇ ಎಲ್ಲರಿಗೂ ಇರುತ್ತದೆ. ಏಕೆಂದರೆ, ಕಲೆಕ್ಷನ್​ ನೂರಾರು ಕೋಟಿ ದಾಟಿರುತ್ತದೆ ಮತ್ತು ಪ್ರತಿ ಚಿತ್ರವೂ, ಹಿಂದಿನ ಚಿತ್ರದ ದಾಖಲೆಯನ್ನು ಮುರಿಯುತ್ತಿರುತ್ತದೆ. ಇತ್ತೀಚೆಗೆ ಬಿಡುಗಡೆಯಾದ ಅವರ ರಾಧೇ, ಎಲ್ಲ ಹಳೆಯ ದಾಖಲೆಗಳನ್ನು ನುಡಿದಿದ್ದರು.

ಇದನ್ನೂ ಓದಿ: ಮತ್ತೆ ಕಿರಿಕ್ ಮಾಡಲ್ಲ! ರಶ್ಮಿಕಾ ಕೊಟ್ಟಿದ್ದಾರೆ ಹೀಗೊಂದು ಸ್ಪಷ್ಟನೆ

`ರಾಧೇ' ಚಿತ್ರದ ಕಲೆಕ್ಷನ್​ ತಮ್ಮ ಕೆರಿಯರ್​ನಲ್ಲೇ ಅತ್ಯಂತ ಕಡಿಮೆಯಾಗಿರಲಿದೆ ಎಂದು ಸಲ್ಮಾನ್​ ಚಿತ್ರದ ಬಿಡುಗಡೆಗೂ ಮುನ್ನವೇ ಹೇಳಿಕೊಂಡಿದ್ದರು. ಅದರಂತೆ, `ರಾಧೆ'ಯ ಮೊದಲ ವಾರದ ಕಲೆಕ್ಷನ್​ ಕೇವಲ ೫೯,೯೨೦ ರೂ.ಗಳಷ್ಟಾಗಿದೆ.

ಸಲ್ಮಾನ್​ ಚಿತ್ರವೊಂದು ಇಷ್ಟೊಂದು ಕಡಿಮೆ ಕಲೆಕ್ಷನ್​ ಮಾಡುವುದಕ್ಕೂ ಕಾರಣವಿದೆ. ಪ್ರಮುಖವಾಗಿ ಚಿತ್ರವು ತ್ರಿಪುರಾ ಹೊರತುಪಡಿಸಿ ಇನ್ನ್ಯಾವ ರಾಜ್ಯಗಳಲ್ಲೂ ಬಿಡುಗಡೆಯಾಗಿಲ್ಲ. ಕಾರಣ ಲಾಕ್​ಡೌನ್​. ತ್ರಿಪುರಾದಲ್ಲಿ ನೈಟ್ ಕರ್ಫ್ಯೂ ಮಾತ್ರ ಇರುವುದರಿಂದ, ಅಲ್ಲಿನ ಮೂರು ಚಿತ್ರಮಂದಿರಗಳಲ್ಲಿ ಮಾತ್ರ ಚಿತ್ರ ಬಿಡುಗಡೆ ಮಾಡಲಾಗಿತ್ತು. ಅಗರ್ತಲಾದಲ್ಲಿ ಎರಡು ಮತ್ತು ಧರ್ಮನಗರದಲ್ಲಿ ಒಂದು ಚಿತ್ರಮಂದಿರಗಳಲ್ಲಿ ಚಿತ್ರ ಬಿಡುಗಡೆಯಾಗಿತ್ತು. ಈ ಮೂರೂ ಚಿತ್ರಮಂದಿರಗಳಿಂದ ಮೊದಲ ವಾರ 60 ಸಾವಿರ ಕಲೆಕ್ಷನ್​ ಆಗಿದೆ.

ಇದನ್ನೂ ಓದಿ: ‘ಶೇರಿಂಗ್ ಎ ರೈಡ್’: ಜಾಕ್​ಲೀನ್ ಫರ್ನಾಂಡಿಸ್ ಖಾಕಿ ಖದರ್

ಇದಲ್ಲದೆ ಚಿತ್ರವು ಗಲ್ಫ್​, ಅಮೇರಿಕಾ, ಆಸ್ಟ್ರೇಲಿಯಾ ಮುಂತಾದ ದೇಶಗಳಲ್ಲಿ ಬಿಡುಗಡೆಯಾಗಿದ್ದು, ಅಲ್ಲಿಂದ ಎರಡು ಮಿಲಿಯನ್​ ಡಾಲರ್​ ಸಂಗ್ರಹವಾಗಿದೆ ಎಂದು ಹೇಳಲಾಗಿದೆ. ಸಲ್ಮಾನ್​ ಅವರ ಹಿಂದಿನ ಚಿತ್ರಗಳಿಗೆ ಹೋಲಿಸಿದರೆ, ರಾಧೇ ಚಿತ್ರದ ಬಾಕ್ಸ್​ಆಫೀಸ್​ ಕಲೆಕ್ಷನ್​ ಬಹಳ ಕಳಪೆಯಾಗಿದೆ.

https://www.vijayavani.net/the-family-man-2-to-stream-from-june-11/