ಮುಂಬೈ: ಅಮೇಜಾನ್ ಪ್ರೈಮ್ನ ಅತ್ಯಂತ ಜನಪ್ರಿಯ ರಿಯಾಲಿಟಿ ಶೋ ಆದ ದಿ ಫ್ಯಾಮಿಲಿ ಮ್ಯಾನ್ ಬಿಡುಗಡೆ ದಿನಾಂಕ ಕೊನೆಗೂ ಘೋಷಣೆಯಾಗಿದೆ. ಬುಧವಾರ ಈ ವೆಬ್ಸರಣಿಯ ಟ್ರೇಲರ್ ಬಿಡುಗಡೆಯಾಗಿದ್ದು, ಜೂನ್ ನಾಲ್ಕರಂದು ಈ ಕಾರ್ಯಕ್ರಮ ಸ್ಟ್ರೀಮ್ ಆಗಲಿದೆ.
ಇದನ್ನೂ ಓದಿ: ‘ಶೇರಿಂಗ್ ಎ ರೈಡ್’: ಜಾಕ್ಲೀನ್ ಫರ್ನಾಂಡಿಸ್ ಖಾಕಿ ಖದರ್
ಈ ವರ್ಷದ ಫೆಬ್ರವರಿ 11ರಂದೇ ದಿ ಫ್ಯಾಮಿಲಿ ಮ್ಯಾನ್ನ ಎರಡನೆಯ ಸೀಸನ್ ಬಿಡುಗಡೆಯಾಗುತ್ತದೆ ಎಂದು ಹೇಳಲಾಗಿತ್ತು. ಆದರೆ, ಅಷ್ಟರಲ್ಲಿ ತಾಂಡವ್ ವೆಬ್ಸರಣಿ ಬಿಡುಗಡೆಯಾಗಿ ವಿವಾದಕ್ಕೆ ಸಿಲುಕಿದ ಹಿನ್ನೆಲೆಯಲ್ಲಿ ದಿ ಫ್ಯಾಮಿಲ್ ಮ್ಯಾನ್ ಮುಂದೂಡಲ್ಪಟ್ಟಿತು. ಕೊನೆಗೆ, ಜೂನ್ 11ರಂದು ಈ ಕಾರ್ಯಕ್ರಮ ಸ್ಟ್ರೀಮ್ ಆಗಲಿದೆ ಎಂದು ಹೇಳಲಾಯಿತು. ಅದೀಗ ಜೂನ್ 4ಕ್ಕೆ ಬಿಡುಗಡೆಯಾಗಲಿದೆ.
ದಿ ಫ್ಯಾಮಿಲಿ ಮ್ಯಾನ್ನಲ್ಲಿ ಮನೋಜ್ ಬಾಜ್ಪೇಯಿ, ನ್ಯಾಷನಲ್ ಇಂಟಲಿಜೆನ್ಸ್ ಏಜನ್ಸಿಯ ಏಜೆಂಟ್ ಆಗಿ ನಟಿಸಿದ್ದರು. ಈ ಸೀಸನ್ 2ನಲ್ಲೂ ಅವರು ಭಯೋತ್ಪಾದಕರ ವಿರುದ್ಧ ಹೋರಾಡಲಿದ್ದಾರೆ. ಎರಡನೇ ಸೀಸನ್ನಲ್ಲಿ ವಿಶೇಷ ಆಕರ್ಷಣೆ ಎಂದರೆ ಅದು ಟಾಲಿವುಡ್ ನಟಿ ಸಮಂತಾ. ಈ ಬಾರಿ ಅವರು ಸೂಸೈಡ್ ಬಾಂಬರ್ ಆಗಿ ಕಾಣಿಸಿಕೊಂಡಿದ್ದು, ಅವರನ್ನು ತಡೆಯುವುದಕ್ಕೆ ಮನೋಜ್ ಬಾಜ್ಪೇಯಿ ಏನೆಲ್ಲಾ ಮಾಡುತ್ತಾರೆ ಎಂಬುದು ಈ ಸೀಸನ್ನ ಹೈಲೈಟ್ ಆಗಲಿದೆ.
ಇದನ್ನೂ ಓದಿ: ಸೂರರೈ ಪೊಟ್ರು ಹೊಸ ಸಾಧನೆ; ಜಗತ್ತಿನ ಸಾವಿರ ಚಿತ್ರಗಳ ಪೈಕಿ 3ನೇ ಸ್ಥಾನ
ರಾಜ್ ಮತ್ತು ಡಿಕೆ ಈ ವೆಬ್ಸರಣಿಯನ್ನು ನಿರ್ದೇಶಿಸಿರುವ ಈ ಸರಣಿಯಲ್ಲಿ ಪ್ರಿಯಾಮಣಿ, ಶರದ್ ಕೇಳ್ಕರ್ ಸೇರಿದಂತೆ ಸಾಕಷ್ಟು ಜನಪ್ರಿಯ ನಟ-ನಟಿಯರು ಇದರಲ್ಲಿ ನಟಿಸಿದ್ದಾರೆ.