ನಾಗ್ಪುರ: ಸದಾ ಗಲಾಟೆ, ಪ್ರೇಮಿಗಳ ಪ್ರಣಯ ಪ್ರಸಂಗಕ್ಕೆ ಹೆಚ್ಚು ಸಾಕ್ಷಿಯಾಗುತ್ತಿದ್ದ ಮೆಟ್ರೋ ಪ್ರಯಾಣಿಕರು ಈಗ ಹೊಸದೊಂದು ಪ್ರಯತ್ನವನ್ನು ಕಂಡು ನಿಬ್ಬೆರಗಾಗಿದ್ದಾರೆ. ಆದರೆ, ಈ ಬಾರಿ ಇದು ನಡೆದಿರುವುದು ದೆಹಲಿಯಲ್ಲಿ ಅಲ್ಲ ಬದಲಿಗೆ ನಾಗ್ಪುರದಲ್ಲಿ.
ದೆಹಲಿ ಮೆಟ್ರೋದಲ್ಲಿ ನಡೆಯುವ ಘಟನೆಗಳು ಸಾಮಾಜಿಕ ಜಾಲತಾಣಗಳಲ್ಲಿ ನೆಟ್ಟಿಗರ ಗಮನ ಸೆಳೆಯುತ್ತಿತ್ತು. ಆದರೆ, ಈ ಬಾರಿ ನಾಗ್ಪುರ ಮೆಟ್ರೋ ದೇಶದ ಜನತೆಯೆ ಗಮನ ಸೆಳೆದಿದ್ದು, ಈಗೂ ಮಾಡಬಹುದೇ ಎಂದು ಹಲವರು ನಿಬ್ಬೆರಗಾಗಿದ್ದಾರೆ. ಇದರ ವಿಡಿಯೋ ವೈರಲ್ ಆಗಿದೆ.
ಫ್ಯಾಷನ್ ಶೋ
ಭಾನುವಾರ (ಆಗಸ್ಟ್ 28)ರಂದು ಜನನಿಬಿಡ ಮೆಟ್ರೋ ರೈಲಿನಲ್ಲಿ ಫ್ಯಾಷನ್ ಶೋ ಒಂದನ್ನು ಆಯೋಜಿಸಲಾಗಿತ್ತು. ತೀವ್ರ ಜನಸಂದಣಿಯಿದ್ದ ರೈಲಿನಲ್ಲಿ ಮಾಡೆಲ್ಗಳು ಹೆಜ್ಜೆ ಹಾಕುತ್ತಿರುವುದನ್ನು ಕಂಡು ಅಲ್ಲಿದ್ದ ಪ್ರಯಾಣಿಕರು ಒಂದು ಕ್ಷಣಕ್ಕೆ ಆಶ್ವರ್ಯಚಕಿತರಾದರು.
ಇದನ್ನೂ ಓದಿ: VIDEO| ಭೂಮಿ ತಿರುಗುವುದಿಲ್ಲ ಸ್ಥಿರವಾಗಿರುತ್ತದೆ ಎಂದ ಪಾಕ್ ಪ್ರಜೆ; ಕಾರಣ ಕೇಳಿ ನಕ್ಕು ನಕ್ಕು ಸುಸ್ತಾದ ನೆಟ್ಟಿಗರು
ಸಂಸ್ಕೃತಿ ಹಾಗೂ ಪರಂಪರೆಯ ಮಹತ್ವವನ್ನು ಜನರಿಗೆ ತಿಳಿಸಲು ಈ ಫ್ಯಾಷನ್ ಶೋ ಆಯೋಜಿಸಲಾಗಿತ್ತು. ಶೋನಲ್ಲಿ 2 ವರ್ಷದಿಂದ ಹಿಡಿದು 50 ವರ್ಷದವರು ಭಾಗಿಯಾಗಿದ್ದರು. ಪ್ರತಿಷ್ಠಿತ ಫ್ಯಾಷನ್ ಡಿಸೈನರ್ಗಳು ಶೋಗಾಗಿ ವಸ್ತ್ರವಿನ್ಯಾಸ ಮಾಡಿದ್ದಾರೆ. ಉದಯೋನ್ಮುಖ ಪ್ರತಿಭೆಗಳು ಚಲಿಸುವ ರೈಲಿನಲ್ಲಿ ಹೆಜ್ಜೆ ಹಾಕುವ ಮೂಲಕ ಸಂಸ್ಕೃತಿ ಹಾಗೂ ಪರಂಪರೆಯ ಮಹತ್ವವನ್ನು ಜನತೆಗೆ ತಿಳಿಸಿರುವುದಾಗಿ ಆಯೋಜಕರು ಹೇಳಿದ್ದಾರೆ.
ನಾಗ್ಪುರ ಮೆಟ್ರೋ ಸೆಲಬ್ರೇಷನ್ ಆನ್ ವೀಲ್ ಎಂಬ ಕಾರ್ಯಕ್ರಮವನ್ನು ನಡೆಸುತ್ತಿದೆ. ಈ ಯೋಜನೆ ಅಡಿ ವಿವಿಧ ಸಂಘ-ಸಂಸ್ಥೆಗಳು ಮೆಟ್ರೋ ಸಂಸ್ಥೆಗೆ ಶುಲ್ಕವನ್ನು ಪಾವತಿಸಿ ರೈಲಿನೊಳಗಡೆ ಕಾರ್ಯಕ್ರಮವನ್ನು ಆಯೋಜನೆ ಮಾಡಬಹುದಾಗಿದೆ. 2020ರಲ್ಲಿ ನಾಗ್ಪುರ ಮೆಟ್ರೋ ರೈಲಿನಲ್ಲಿ ಫ್ಯಾಷನ್ ಶೋ ಆಯೋಜಿಸುವ ಮೂಲಕ ಸುದ್ದಿಯಾಗಿತ್ತು.