ಹುಕ್ಕಾ ಮತ್ತಿನಲ್ಲಿ ಎಂಎಸ್ ಧೋನಿ; ವೈರಲ್​​ ವಿಡಿಯೋ ಹಿಂದಿನ ಕಾರಣವೇ ಬೇರೆ...

ನವದೆಹಲಿ: ಚೆನ್ನೈ ಸೂಪರ್ ಕಿಂಗ್ಸ್ ನಾಯಕ ಎಂಎಸ್ ಧೋನಿ ಅವರು ಹುಕ್ಕಾ ಸೇದುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್  ಆಗಿದೆ.    ಕೆಲವು ಅಭಿಮಾನಿಗಳು ಭಾರತದ ಮಾಜಿ ನಾಯಕನ ವಿರುದ್ಧ ವಾಗ್ದಾಳಿ ನಡೆಸಿದರು. ಆದರೆ ಈ ವಿಡಿಯೋ ಹಿಂದಿನ ಅಸಲಿ ಕಾರಣವೆ ಬೇರೆ ಇದೆ.

ಟೀಂ ಇಂಡಿಯಾದ ಮಾಜಿ ನಾಯಕ ಎಂಎಸ್ ಧೋನಿ ವಿಶ್ವದಾದ್ಯಂತ ಅನೇಕ ಅಭಿಮಾನಿಗಳನ್ನು ಹೊಂದಿದ್ದಾರೆ. ಗೆದ್ದರೂ ಸೋತರೂ ಯಾವ ಭಾವವನ್ನೂ ತೋರಿಸುವುದಿಲ್ಲ. ತುಂಬಾ ಶಾಂತವಾಗಿ ತಮ್ಮ ಯೋಜನೆಗಳನ್ನು ಕಾರ್ಯಗತಗೊಳಿಸುತ್ತಿದ್ದಾರೆ ಮತ್ತು ಅವರನ್ನು ಅವರ ಅಭಿಮಾನಿಗಳು ಕ್ಯಾಪ್ಟನ್ ಕೂಲ್ ಎಂದು ಕರೆಯುತ್ತಾರೆ. ಕೇವಲ ಕ್ರಿಕೆಟಿಗನಾಗಿ ಮಾತ್ರವಲ್ಲ, ಧೋನಿ ಅವರ ವೈಯಕ್ತಿಕ ಜೀವನವೂ ಅನೇಕರಿಗೆ ಮಾದರಿಯಾಗಿದ್ದಾರೆ.ಆದ್ರೆ.. ಧೋನಿಗೆ ಸಂಬಂಧಿಸಿದ ವಿಡಿಯೋವೊಂದು ಇದೀಗ ವೈರಲ್ ಆಗಿದೆ. ಇದನ್ನು ನೋಡಿ ಕೆಲವರು ಮಹೇಂದ್ರ ಅವರನ್ನು ಟೀಕಿಸುತ್ತಿದ್ದಾರೆ.

ವೀಡಿಯೋದಲ್ಲಿ ಧೋನಿ ಹುಕ್ಕಾ ಸೇದುತ್ತಿರುವುದು ಕಂಡುಬಂದಿತ್ತು. ಈ ಘಟನೆ ಯಾವಾಗ ಮತ್ತು ಎಲ್ಲಿ ನಡೆದಿದೆ ಎಂಬುದು ತಿಳಿದಿಲ್ಲ. ಈ ನಡುವೆ ನೆಟ್ಟಿಗರು ಈ ಬಗ್ಗೆ ವಿಭಿನ್ನ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುತ್ತಿದ್ದಾರೆ. ಕೆಲವರು ಜಾಹೀರಾತು ಶೂಟಿಂಗ್‌ನ ಭಾಗವಾಗಿ ಈ ರೀತಿ ಮಾಡಿದ್ದಾರೆ ಎಂದು ಹೇಳಿದರೆ, ಇನ್ನು ಕೆಲವರು ಧೋನಿಯನ್ನು ದೂರುತ್ತಾರೆ. ಎಷ್ಟೋ ಜನರಿಗೆ ಮಾದರಿಯಾಗಿರುವ ಧೋನಿ ಈ ತಪ್ಪು ಮಾಡುತ್ತಿದ್ದಾರೆ ಎಂದಿದ್ದಾರೆ.

ಈ ವೀಡಿಯೊ ನಿಜವಲ್ಲ ಎಂದು ಇತರರು ವಾದಿಸುತ್ತಾರೆ. ಇದು ಕೃತಕ ಬುದ್ಧಿಮತ್ತೆ (AI) ಸಹಾಯದಿಂದ ರಚಿಸಲಾದ ನಕಲಿ ವೀಡಿಯೊ ಎಂದು ಹೇಳಲಾಗುತ್ತದೆ. ಇನ್ನು ಕೆಲವರು ಧೋನಿಗೂ ವೈಯಕ್ತಿಕ ಜೀವನವಿದೆ, ಇಂತಹ ಸಣ್ಣ ವಿಷಯಗಳ ಬಗ್ಗೆ ತಲೆಕೆಡಿಸಿಕೊಳ್ಳಬಾರದು ಎಂದಿದ್ದಾರೆ.

ಈ ಕುರಿತಾಗಿ ಇಂಡಿಯಾ. ಕಾಮ್​ ವಾಹಿನಿ ವಿಚಾರಿಸಿದಾಗ, ವೈರಲ್ ಆಗುತ್ತಿರುವ ವೀಡಿಯೋ ಜಾಹೀರಾತಿನ ಭಾಗವಾಗಿದ್ದು, ಜಾಹೀರಾತಿಗಾಗಿ ಧೋನಿ ಹೀಗೆ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ. ಈ ವೀಡಿಯೋವನ್ನು ಸೂಕ್ಷ್ಮವಾಗಿ ನೋಡಿದರೆ ನಟ ಸನ್ನಿ ಸಿಂಗ್ ಕೂಡ ಅಲ್ಲಿ ಭಾರತದ ಮಾಜಿ ನಾಯಕನೊಂದಿಗೆ  ಕಾಣಿಸಿಕೊಳ್ಳುತ್ತಾರೆ ಎನ್ನಲಾಗಿದೆ.

https://www.vijayavani.net/caught-on-camera-former-india-captain-ms-dhoni-smokes-hookah-video-goes-viral