ಆಂಧ್ರಪ್ರದೇಶ: ಟಾಲಿವುಡ್ನ ಯುವ ಮತ್ತು ಪ್ರತಿಭಾವಂತ ನಟ ನಿತಿನ್ ಮತ್ತು ನಿರ್ದೇಶಕ, ಬರಹಗಾರ ವಕ್ಕಂತಂ ವಂಶಿ ಕಾಂಬಿನೇಷ್ನಲ್ಲಿ ತಯಾರಾದ ‘ಎಕ್ಸ್ಟ್ರಾ ಆರ್ಡಿನರಿ ಮ್ಯಾನ್’ ಚಿತ್ರದ ಟೀಸರ್ ಇಂದು ಬಿಡುಗಡೆಯಾಗಿದ್ದು, ನಿತಿನ್-ಶ್ರೀಲೀಲಾ ಜೋಡಿ ಇದೀಗ ನೋಡುಗರ ಗಮನವನ್ನು ಸೆಳೆದಿದೆ.
ಇದನ್ನೂ ಓದಿ: ಇನ್ನೊಂದೆರಡು ವರ್ಷ ಅತಿಯಾಗಿ ಕೆಲಸ ಮಾಡಬೇಡಿ: ಆರೋಗ್ಯ ಸಚಿವರ ಸಲಹೆ!
ಇಂದು ಸಿನಿಮಾದ ಟೀಸರ್ ಅನಾವರಣಗೊಂಡಿದ್ದು, ನಿತಿನ್ ಚಿತ್ರರಂಗದಲ್ಲಿ ಜೂನಿಯರ್ ಆರ್ಟಿಸ್ಟ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ನಿತಿನ್ಗೆ ನಾಯಕಿಯಾಗಿ ಅಭಿನಯಿಸಿರುವ ಸ್ಯಾಂಡಲ್ವುಡ್ ಬೆಡಗಿ ಶ್ರೀಲೀಲಾ ಟೀಸರ್ನಲ್ಲಿ ಮುದ್ದು ಹುಡುಗಿಯ ಪಾತ್ರದಲ್ಲಿ ಮಿಂಚಿದ್ದಾರೆ.
ಟೀಸರ್ನಲ್ಲಿ ಒಂದಷ್ಟು ಕಡೆ ಮಾಸ್ ಲುಕ್ನಲ್ಲಿ ಕಾಣಿಸಿಕೊಳ್ಳುವ ನಿತಿನ್, ರೊಮ್ಯಾಂಟಿಕ್ ಹೀರೋ ಆಗಿ ಕೂಡ ನಟಿಸಿರುವುದು ಕಂಡುಬಂದಿದೆ. ಟೀಸರ್ನ ಮಧ್ಯೆ ‘ಬಾಹುಬಲಿ 2’ ಚಿತ್ರದ ಒಂದು ಭಾಗದಲ್ಲಿ ನಿತಿನ್ ಇರುವ ದೃಶ್ಯವೊಂದು ಸಿಕ್ಕಾಪಟ್ಟೆ ಗೊಂದಲ ಮೂಡಿಸುವಂತಿದೆ. ಒಟ್ಟಾರೆ ಟಾಲಿವುಡ್ ಅಂಗಳದಲ್ಲಿ ಸಖತ್ ಬ್ಯುಸಿಯಿರುವ ಶ್ರೀಲೀಲಾ ಇದೀಗ ತಮ್ಮ ಮತ್ತೊಂದು ಸಿನಿಮಾದ ಮುಖೇನ ಚಿತ್ರ ಪ್ರೇಮಿಗಳನ್ನು ಮನರಂಜಿಸಲು ಸಜ್ಜಾಗಿದ್ದಾರೆ.
ಇದನ್ನೂ ಓದಿ: ರೈತರ ಹಿತ ಕಾಯಲು ರಾಜ್ಯ ಸರ್ಕಾರ ವಿಫಲ:ಸರ್ಕಾರದ ವಿರುದ್ಧ ಎಚ್ ಡಿ ರೇವಣ್ಣ ಆಕ್ರೋಶ
ಸುಧಾಕರ್ ರೆಡ್ಡಿ ಹಾಗೂ ನಿಕಿತಾ ರೆಡ್ಡಿ, ಶ್ರೇಷ್ಠ್ ಮೂವೀಸ್ ಮತ್ತು ಆದಿತ್ಯ ಮೂವೀಸ್ ಎಂಟರ್ಟೈನ್ಮೆಂಟ್ಸ್ ಬ್ಯಾನರ್ ಅಡಿಯಲ್ಲಿ ಈ ಚಿತ್ರವನ್ನು ನಿರ್ಮಿಸಲಾಗಿದ್ದು, ಹ್ಯಾರಿಸ್ ಜಯರಾಜ್ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಚಿತ್ರದಲ್ಲಿ ನಿತಿನ್, ಶ್ರೀಲೀಲಾ, ಪವಿತ್ರ ಲೋಕೇಶ್, ರಾವ್ ರಮೇಶ್, ಬ್ರಹ್ಮಾಜೀ, ಹರ್ಷವರ್ಧನ್ ಮುಂತಾದವರ ತಾರಾಗಣವಿದೆ,(ಏಜೆನ್ಸೀಸ್).