ಮಾಲಿನ್ಯದ ವಿರುದ್ಧ ಹೋರಾಡಲು ದೆಹಲಿ ಸರ್ಕಾರದ ಯೋಜನೆ ಸಿದ್ಧ, 14 ಕಾಮಗಾರಿಗಳ ಮೇಲೆ ನಿಷೇಧ

ನವದೆಹಲಿ: ರಾಜಧಾನಿಯಲ್ಲಿ ಮಾಲಿನ್ಯದ ಮಟ್ಟ ನಿರಂತರವಾಗಿ ಹೆಚ್ಚುತ್ತಿದೆ. ಇಲ್ಲಿ ಗಾಳಿಯ ವಾಯು ಗುಣಮಟ್ಟ ಸೂಚ್ಯಂಕ (ಎಕ್ಯೂಐ) 400 ದಾಟಿದೆ. ಇದನ್ನು ತಡೆಯಲು ಪರಿಸರ ಸಚಿವ ಗೋಪಾಲ್ ರೈ ಶುಕ್ರವಾರ ಸುದ್ದಿಗೋಷ್ಠಿ ನಡೆಸಿದರು. ಇದಕ್ಕೂ ಮುನ್ನ ವಿವಿಧ ಇಲಾಖೆಗಳೊಂದಿಗೆ ಸಭೆ ನಡೆಸಿದರು. ಸದ್ಯ ರಾಜಧಾನಿಯಲ್ಲಿ 14 ಕಾಮಗಾರಿಗಳಿಗೂ ನಿಷೇಧ ಹೇರಲಾಗಿದೆ.

ದೆಹಲಿ ಸೆಕ್ರೆಟರಿಯೇಟ್‌ನಿಂದ ಸೆಂಟ್ರಲ್ ಸೆಕ್ರೆಟರಿಯೇಟ್‌ಗೆ ಮತ್ತು ಆರ್‌ಕೆ ಪುರಂನಿಂದ ಸೆಂಟ್ರಲ್ ಸೆಕ್ರೆಟರಿಯೇಟ್‌ಗೆ ಶಟಲ್ ಬಸ್‌ಗಳನ್ನು ಪ್ರಾರಂಭಿಸಲಾಗುತ್ತಿದೆ ಎಂದು ಅವರು ಮಾಹಿತಿ ನೀಡಿದರು. ನಿರ್ಮಾಣ ಕಾರ್ಯಕ್ಕೆ ವಿನಾಯಿತಿ ನೀಡಿದ ಸ್ಥಳಗಳಲ್ಲಿ, ಧೂಳನ್ನು ತಡೆಗಟ್ಟುವ ಎಲ್ಲಾ ನಿಯಮಗಳನ್ನು ಕಟ್ಟುನಿಟ್ಟಾಗಿ ಅನುಸರಿಸಲಾಗುತ್ತದೆ. ಧೂಳಿಲ್ಲದ ಕಾಮಗಾರಿಗಳಿಗೆ ದೆಹಲಿಯೊಳಗೆ ಕೆಲಸ ಮಾಡಲು ಅವಕಾಶ ನೀಡಲಾಗುವುದು.

ನೆರೆಯ ರಾಜ್ಯಗಳಿಂದ ದೆಹಲಿಗೆ ಬರುತ್ತಿರುವ ಮಾಲಿನ್ಯ
ಹೆಚ್ಚುತ್ತಿರುವ ಮಾಲಿನ್ಯವನ್ನು ಗಮನದಲ್ಲಿಟ್ಟುಕೊಂಡು ಸದ್ಯಕ್ಕೆ ಶಾಲೆಗಳನ್ನು ಮುಚ್ಚಲು ನಿರ್ಧರಿಸಲಾಗಿದೆ, ಈ ಕುರಿತು ಸೋಮವಾರ ಮುಂದಿನ ನಿರ್ಧಾರ ಕೈಗೊಳ್ಳಲಾಗುವುದು. ಮಾಲಿನ್ಯ ತಡೆಯಲು ನೆರೆಯ ರಾಜ್ಯಗಳೂ ಕ್ರಿಯಾಶೀಲವಾಗಿರಬೇಕು. ದೆಹಲಿಯಲ್ಲಿ ಶೇ. 69ರಷ್ಟು ಮಾಲಿನ್ಯ ಇತರ ರಾಜ್ಯಗಳಿಂದ ದೆಹಲಿಗೆ ಬರುತ್ತಿದೆ. ಹರಿಯಾಣ ಮತ್ತು ಉತ್ತರ ಪ್ರದೇಶದಲ್ಲಿ ಈಗ ಕಟ್ಟುನಿಟ್ಟಿನ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಎನ್‌ಸಿಆರ್‌ನಲ್ಲಿ ಇನ್ನೂ ಡೀಸೆಲ್ ಬಸ್‌ಗಳು ಓಡುತ್ತಿವೆ. ಇಟ್ಟಿಗೆ ಭಟ್ಟಿಗಳು ನಡೆಯುತ್ತಿವೆಯೆಂದ ಸಚಿವರು ಕ್ರಿಯಾಶೀಲರಾಗುವುದು ಯಾವಾಗ ಎಂದು ಪ್ರಶ್ನಿಸಿದರು.

ಮಾಲಿನ್ಯ ತಡೆಗೆ ಸರ್ಕಾರ ಕೈಗೊಂಡ ಕ್ರಮಗಳು...
* ನವೆಂಬರ್ 5 ರವರೆಗೆ ದೆಹಲಿಯಲ್ಲಿ ಶಾಲೆಗಳನ್ನು ಮುಚ್ಚಲಾಗಿದೆ, ಈ ಅವಧಿಯಲ್ಲಿ ನಿರ್ಮಾಣ ಕಾರ್ಯಗಳು ಸಹ ಮುಚ್ಚಲ್ಪಡುತ್ತವೆ.
* ಬಿಎಸ್ 3 ಪೆಟ್ರೋಲ್ ಮತ್ತು ಬಿಎಸ್ 4 ಡೀಸೆಲ್ ವಾಹನಗಳನ್ನು ನಿಷೇಧಿಸಲಾಗಿದೆ.
* ರಸ್ತೆಗಳನ್ನು ಸ್ವಚ್ಛಗೊಳಿಸಲು 52 ಯಂತ್ರಗಳು 8 ಗಂಟೆಗಳ ಬದಲಿಗೆ 12 ಗಂಟೆಗಳ ಕಾಲ ಕಾರ್ಯನಿರ್ವಹಿಸುತ್ತವೆ.
* ರಸ್ತೆಗಳಲ್ಲಿ ನೀರು ಚಿಮುಕಿಸಲು 300ಕ್ಕೂ ಹೆಚ್ಚು ಟ್ಯಾಂಕರ್‌ಗಳನ್ನು ನಿಯೋಜಿಸಲಾಗಿದೆ. 
* ಡಿಟಿಸಿ ಬಸ್​​​ ಮತ್ತು ಮೆಟ್ರೋ ಟ್ರಿಪ್‌ಗಳನ್ನು ಹೆಚ್ಚಿಸಿವೆ  

https://www.vijayavani.net/new-delhi-city-ncr-delhi-air-pollution-capital-along-with-ncr-becomes-gas-chamber