More

    ವಿರಾಟ್ ಕೊಹ್ಲಿ ಜೊತೆಗೆ ಇಂಗ್ಲೆಂಡ್​ ಆಟಗಾರರು ಸ್ಲೆಡ್ಜ್ ಮಾಡಬೇಕು; ಶಾಕಿಂಗ್​ ಸಲಹೆ ಕೊಟ್ಟ ಮಾಜಿ ಆಟಗಾರ

    ನವದೆಹಲಿ: ದಕ್ಷಿಣ ಆಫ್ರಿಕಾ ಹಾಗೂ ಅಫ್ಘಾನಿಸ್ತಾನ ವಿರುದ್ಧದ ಸರಣಿಗಳನ್ನು ಗೆಲ್ಲುವ ಮೂಲಕ 2024ನೇ ವರ್ಷವನ್ನು ಭರ್ಜರಿಯಾಗಿ ಬರಮಾಡಿಕೊಂಡಿರುವ ಟೀಂ ಇಂಡಿಯಾ ಮುಂಬರುವ ದ್ವಿಪಕ್ಷೀಯ ಸರಣಿಗಳಿಗೆ ತಯಾರಿ ನಡೆಸುತ್ತಿದೆ. ಭಾರತ ತನ್ನ ಮುಂದಿನ ಸರಣಿಯನ್ನು ಇಂಗ್ಲೆಂಡ್​ ವಿರುದ್ಧ ಆಡಲಿದ್ದು, ಜನವರಿ 25ರಿಂದ ಟೆಸ್ಟ್​ ಪಂದ್ಯದ ಮೂಲಕ ಆರಂಭವಾಗಲಿದೆ.

    ಇನ್ನು ಟೆಸ್ಟ್​ ಸರಣಿ​ ಆರಂಭಕ್ಕೂ ಮುನ್ನ ಮಾತನಾಡಿರುವ ಭಾರತ ಮೂಲದ ಇಂಗ್ಲೆಂಡ್​ ತಂಡದ ಮಾಜಿ ಆಟಗಾರ ಮಾಂಟಿ ಪನೇಸರ್, ಬೆನ್​ ಸ್ಟೋಕ್ಸ್​ ಪಡೆಗೆ ಹಲವು ಸಲಹೆಗಳನ್ನು ನೀಡಿದ್ದಾರೆ. ವಿರಾಟ್ ಕೊಹ್ಲಿ ಜೊತೆಗೆ ಇಂಗ್ಲೆಂಡ್​ ಆಟಗಾರರು ಸ್ಲೆಡ್ಜ್ ಮಾಡಬೇಕು ಎಂದಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

    ಇದನ್ನೂ ಓದಿ: ಪಿಎಸ್​ಐ-ಸಿಟಿಐ ಪ್ರಶ್ನೆ ಪತ್ರಿಕೆ ಸೋರಿಕೆ; ಸಬ್​ಇನ್ಸ್​ಪೆಕ್ಟರ್​ ವಶಕ್ಕೆ

    ತವರಿನ ಮೈದಾನದಲ್ಲಿ ವಿರಾಟ್​ ಕೊಹ್ಲಿಯನ್ನು ಹಿಂದಿಕ್ಕುವುದು ಅಷ್ಟು ಸುಲಭದ ಮಾತಲ್ಲ. ಅವರ ಅಸಾಧಾರಣ ಆಟದಿಂದಾಗಿ ಪಂದ್ಯದ ದಿಕ್ಕನ್ನೇ ಬದಲಿಸುವ ಶಕ್ತಿ ಅವರಿಗಿದೆ. ಅವರ ಆಕ್ರಮಣಶೀಲತೆ ಅವರಿಗೆ ದೊಡ್ಡ ಸಮಸ್ಯೆಯಾಗಿದೆ. ಏಕದಿನ​ ಹಾಗೂ ಟಿ-20 ವಿಶ್ವಕಪ್​ ಗೆದ್ದಿರುವ ತಂಡದ ಭಾಗವಾಗಿರುವ ಸ್ಟೋಕ್ಸ್​ ಕೊಹ್ಲಿ ಅವರನ್ನು ಸ್ಲೆಡ್ಜ್​​ ಮಾಡುವುದು ಸೂಕ್ತ ಎಂದು ಅಭಿಪ್ರಾಯಪಟ್ಟಿದ್ದಾರೆ.

    ಭಾರತ ಮತ್ತು ಇಂಗ್ಲೆಂಡ್ ನಡುವೆ ಐದು ಟೆಸ್ಟ್ ಪಂದ್ಯಗಳು ನಡೆಯಲಿವೆ. ಮೊದಲ ಪಂದ್ಯ ಜನವರಿ 25-29, ಎರಡನೇ ಪಂದ್ಯ ಫೆಬ್ರವರಿ 2-6, ಮೂರನೇ ಪಂದ್ಯ ಫೆ. 15-19, ನಾಲ್ಕನೇ ಟೆಸ್ಟ್ ಫೆ. 23-27 ಹಾಗೂ ಕೊನೆಯ ಐದನೇ ಪಂದ್ಯ ಮಾರ್ಚ್ 7-11 ವರೆಗೆ ಆಯೋಜಿಸಲಾಗಿದೆ. 2021ರಲ್ಲಿ ಭಾರತದ ವಿರುದ್ಧ ಕೊನೆಯ ಬಾರಿಗೆ ಟೆಸ್ಟ್​ ಸರಣಿ ಆಡಿದ್ದ ಇಂಗ್ಲೆಂಡ್​ 3-1 ಅಂತರದಲ್ಲಿ ಸೋಲುಂಡಿತ್ತು.

    ಸಿನಿಮಾ

    ಲೈಫ್‌ಸ್ಟೈಲ್

    ಟೆಕ್ನಾಲಜಿ

    Latest Posts