ತನುಶ್ರೀ ಏನು ಯೋಚಿಸುತ್ತಿದ್ದಳು ಎಂಬುದು ನನಗೆ ತಿಳಿದಿಲ್ಲ ಎಂದಿದ್ದೇಕೆ ಇಮ್ರಾನ್ ಹಶ್ಮಿ

ಮುಂಬೈ: ಬಾಲಿವುಡ್ ನಟಿ ತನುಶ್ರೀ ದತ್ತಾ ಆಶಿಕ್ ಬನಾಯಾ ಆಪ್ನೆ, ಚಾಕೊಲೇಟ್: ಡೀಪ್ ಡಾರ್ಕ್ ಸೀಕ್ರೆಟ್ಸ್ ಮತ್ತು ಗುಡ್ ಬಾಯ್, ಬ್ಯಾಡ್ ಬಾಯ್ ಸೇರಿದಂತೆ ಮೂರು ಚಿತ್ರಗಳಲ್ಲಿ ಇಮ್ರಾನ್ ಹಶ್ಮಿ ಅವರೊಂದಿಗೆ ಕೆಲಸ ಮಾಡಿದ್ದಾರೆ. ಆಶಿಕ್ ಬನಾಯಾ ಆಪ್ನೆ ಸಿನಿಮಾದಲ್ಲಿನ ಈ ಜೋಡಿಯ ಕಿಸ್ ದೃಶ್ಯವು ಇಂದಿಗು ಸುದ್ದಿಯಲ್ಲಿದೆ.

ಇದನ್ನು ಓದಿ: ತಂದೆಯನ್ನು ಕಳೆದುಕೊಂಡಾಗ ಅಳಲಿಲ್ಲ; ಆ ಒಂದು ಪಾಪಪ್ರಜ್ಞೆ ಕಾಡುತ್ತಿದೆ ಎಂದ ರಣಬೀರ್

ಆಶಿಕ್ ಬನಾಯಾ ಆಪ್ನೆ ಚಿತ್ರದಲ್ಲಿನ ತಮ್ಮ ಕೆಮಿಸ್ಟ್ರಿ ಕುರಿತು ನಟಿ ತನುಶ್ರಿ ಇತ್ತೀಚೆಗೆ ಮುಕ್ತವಾಗಿ ಮಾತನಾಡಿದ್ದಾರೆ. ತನುಶ್ರೀ ದತ್ತಾ ಇಮ್ರಾನ್ ಜತೆಗಿನ ಚುಂಬನದ ದೃಶ್ಯವನ್ನು ತುಂಬಾ ವಿಚಿತ್ರ ಎಂದು ಬಣ್ಣಿಸಿದ್ದಾರೆ. 'ನನಗೆ, ಇಮ್ರಾನ್ ಮೊದಲ ದಿನದಿಂದಲೂ ಯಾವಾಗಲೂ ನಟ. ಅವರ ಜತೆ ಮೂರು ಸಿನಿಮಾ ಮಾಡಿದ್ದೇನೆ. ತನ್ನ ಮತ್ತು ಇಮ್ರಾನ್ ನಡುವಿನ ಕೆಮಿಸ್ಟ್ರಿ ಸಹೋದರ ಮತ್ತು ಸಹೋದರಿಯಂತೆಯೇ ಇದೆ ಎಂದು ಹೇಳಿದರು.

‘ಚಾಕೊಲೇಟ್’ ಸಿನಿಮಾದಲ್ಲೂ ಕಿಸ್ಸಿಂಗ್ ಸೀನ್ ಶೂಟ್ ಮಾಡಿದ್ದೆವು. ಆದರೆ ಅವರು ಇಟ್ಟುಕೊಂಡಿರಲಿಲ್ಲ. ಇದು ಮೊದಲ ಬಾರಿಗೆ ತುಂಬಾ ವಿಚಿತ್ರವಾಗಿತ್ತು. ಎರಡನೇ ಬಾರಿ ಸ್ವಲ್ಪ ಕಡಿಮೆ ಎಡವಟ್ಟಾಯಿತು. ಏಕೆಂದರೆ ನಿಜ ಜೀವನದಲ್ಲಿ ವೈಯಕ್ತಿಕವಾಗಿ ನಮ್ಮ ನಡುವೆ ಹೊಂದಾಣಿಕೆ ಇರುವುದಿಲ್ಲ. ಅವನಿಗೆ ಕಿಸ್ಸರ್-ಬಾಯ್ ಇಮೇಜ್ ಇದೆ. ಆದರೆ ಅವನು ಅತ್ಯಂತ ನೈಸರ್ಗಿಕ ಕಿಸ್ಸರ್ ಅಲ್ಲ ಮತ್ತು ನಾನೂ ಅಲ್ಲ ಎಂದು ನಟಿ ಹೇಳಿದ್ದಾರೆ.

ಇತ್ತೀಚೆಗೆ ಖಾಸಗಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಇಮ್ರಾನ್ ಹಶ್ಮಿ, ತನುಶ್ರೀ ದತ್ತಾ ಹೇಳಿಕೆಗೆ ಪ್ರತಿಕ್ರಿಯಿಸಿದ್ದಾರೆ. ತನುಶ್ರೀ ದತ್ತಾ ಏಕೆ ಹಾಗೆ ಹೇಳಿದ್ದಾರೆ ಎಂಬುದು ನನಗೆ ಗೊತ್ತಿಲ್ಲ. ಆ ಸಿನಿಮಾದಲ್ಲಿ ನಿರ್ದೇಶಕರು ಅವರಿಗೆ ಏನು ಹೇಳಿದ್ದರೋ .ನನಗೆ ಏನು ಹೇಳಿದ್ದಾರೆ. ಇಬ್ಬರಿಗೂ ಬೇರೆ ಬೇರೆ ಕಲ್ಪನೆ ಇರುತ್ತದೆ. ಕಥೆಯಲ್ಲಿನ ಕೆಲವು ವಿಚಾರಗಳ ಬಗ್ಗೆ ನನಗೆ ಎಂದೂ ಹೇಳಿಲ್ಲ. ತನುಶ್ರೀ ಏನು ಯೋಚಿಸುತ್ತಿದ್ದಳು ಎಂಬುದು ನನಗೆ ತಿಳಿದಿಲ್ಲ ಎಂದು ಹೇಳಿದ್ದಾರೆ.

ಇಮ್ರಾನ್ ಹಶ್ಮಿ ಅವರನ್ನು ಬಾಲಿವುಡ್‌ನ ಸೀರಿಯಲ್ ಕಿಸ್ಸರ್ ಎಂದು ಕರೆಯಲಾಗುತ್ತದೆ. ಇತ್ತೀಚೆಗಷ್ಟೇ ಟೈಗರ್ 3 ಚಿತ್ರದಲ್ಲಿ ಇಮ್ರಾನ್ ಹಶ್ಮಿ ವಿಲನ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಸದ್ಯ ಇಮ್ರಾನ್ ಹಶ್ಮಿ ಪ್ರಸ್ತುತ ಅವರ ಸರಣಿ ‘ಶೋಟೈಮ್’ ಮೊದಲ ಸೀಸನ್‌ನ ಎರಡನೇ ಭಾಗವು ಇತ್ತೀಚೆಗೆ ಒಟಿಟಿಯಲ್ಲಿ ಬಿಡುಗಡೆಯಾಗಿದೆ. (ಏಜೆನ್ಸೀಸ್​​)

https://www.vijayavani.net/i-dont-look-as-young-as-janhvi-still-get-roles-of-20-something-says-sonam