ನೋಯ್ಡಾ: ಹೋಮ್ ಬ್ಯೂಟಿ ಮತ್ತು ಸ್ಪಾ ಸೇವೆ ಒದಗಿಸುವ 'ಯೆಸ್ ಮ್ಯಾಡೆಮ್' ಸಂಸ್ಥೆಯೊಂದು ತನ್ನ ಉದ್ಯೋಗಿಗಳು (Employees) ಒತ್ತಡ ಹೆಚ್ಚಾಗುತ್ತಿದೆ ಎಂದು ದೂರು ನೀಡಿದ್ದಕ್ಕೆ ಬರೋಬ್ಬರಿ 100ಕ್ಕೂ ಅಧಿಕ ಕೆಲಸಗಾರರನ್ನು ಕ್ಷಣಮಾತ್ರದಲ್ಲಿ ಕಿತ್ತುಬಿಸಾಡಿದ ಬಗ್ಗೆ ವರದಿಯೊಂದು ಜಾಲತಾಣದಲ್ಲಿ ವ್ಯಾಪಕ ಸದ್ದು ಮಾಡಿತ್ತು. ಈ ಸುದ್ದಿ ನೋಡಿದ ನೆಟ್ಟಿಗರು ಕಂಪನಿ ವಿರುದ್ಧ ತೀವ್ರ ಕಿಡಿಕಾರಿದ್ದು, ಇದೆಂಥಾ ವರ್ತನೆ? ಉದ್ಯೋಗಿಗಳ ಯೋಗಕ್ಷೇಮ, ಆರೋಗ್ಯ ಇದೆಲ್ಲವೂ ಒಂದು ಸಂಸ್ಥೆಯ ಜವಾಬ್ದಾರಿ. ಹೀಗಿರುವಾಗ ಪರ್ಯಾಯ ವ್ಯವಸ್ಥೆ ಮಾಡಬೇಕಿದ್ದವರು ಏಕಾಏಕಿ ಅವರನ್ನು ಕರ್ತವ್ಯದಿಂದ ವಜಾಗೊಳಿಸಿದರೆ, ಅವರ ಮುಂದಿನ ದಿಕ್ಕೇನು? ಎಂದು ಪ್ರಶ್ನೆಗಳ ಸುರಿಮಳೆಯನ್ನೇ ಹರಿಸಿದ್ದರು. ಕಡೆಗೂ ಈ ಬಗ್ಗೆ ಪ್ರತಿಕ್ರಿಯಿಸಿರುವ ಯೆಸ್ ಮ್ಯಾಡೆಮ್, ಟೀಕೆ, ವದಂತಿಗಳಿಗೆ ತೆರೆ ಎಳೆಯುವ ಪ್ರಯತ್ನ ಮಾಡಿದೆ.
