ಡೊನಾಲ್ಡ್​​​ರ​​​ ನೂತನ DOGE ನೇಮಕಾತಿಗೆ ಅರ್ಜಿ ಆಹ್ವಾನ; ಈ ರೀತಿಯ ಅಭ್ಯರ್ಥಿಗಳೇ ಬೇಕು ಎಂದ Elon Musk

ವಾಷಿಂಗ್ಟನ್​​ ಡಿಸಿ: ಅಮೆರಿಕದ ಹೊಸದಾಗಿ ಚುನಾಯಿತ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಫೆಡರಲ್ ವೆಚ್ಚಗಳನ್ನು ಕಡಿತಗೊಳಿಸುವ ಉದ್ದೇಶದಿಂದ ಹೊಸ ಮತ್ತು ವಿಶಿಷ್ಟವಾದ ವಿಭಾಗವನ್ನು ರಚಿಸಿರುವುದು ಗೊತ್ತಿದೆ. ಇದನ್ನು ಸರ್ಕಾರಿ ದಕ್ಷತೆಯ ಇಲಾಖೆ (DOGE) ಎಂದು ಕರೆಯಲಾಗುತ್ತದೆ. ಈ ವಿಭಾಗವು ಬಿಲಿಯನೇರ್‌ಗಳಾದ ಎಲಾನ್​​ ಮಸ್ಕ್(Elon Musk) ಮತ್ತು ವಿವೇಕ್ ರಾಮಸ್ವಾಮಿ ಅವರ ನೇತೃತ್ವದಲ್ಲಿದೆ.

ಇದನ್ನು ಓದಿ: Sri Lanka Election Result | ಎನ್​ಪಿಪಿಗೆ ಒಲಿದ ಜಯ; ಸಂಸತ್ತಿನಲ್ಲಿ ಬಹುಮತ ಪಡೆದ ಅನುರ ಕುಮಾರ ಡಿಸ್ಸಾನಾಯಕೆ ನೇತೃತ್ವದ ಪಕ್ಷ

DOGE ಅನ್ನು ವೈಟ್ ಹೌಸ್​​ ಹಾಗೂ ಆಫೀಸ್ ಆಫ್ ಮ್ಯಾನೇಜ್‌ಮೆಂಟ್ ಮತ್ತು ಬಜೆಟ್‌ನೊಂದಿಗೆ ಸಂಯೋಜಿತವಾಗಿ ನಿರ್ವಹಿಸಲಾಗುತ್ತದೆ. ಆದರೂ ಇದು ಅಧಿಕೃತ ಸರ್ಕಾರಿ ಇಲಾಖೆ ಅಲ್ಲ, ಬಾಹ್ಯ ಸಲಹೆಗಾರನಾಗಿ ಕಾರ್ಯನಿರ್ವಹಿಸುತ್ತದೆ. ಡೊನಾಲ್ಡ್ ಟ್ರಂಪ್ ಅವರ ಎರಡನೇ ಅಧಿಕಾರಾವಧಿಯಲ್ಲಿ ಅಮೆರಿಕ ಅಧ್ಯಕ್ಷರಾಗಿ ಹೊಸದಾಗಿ ರಚಿಸಲಾದ DOGE ಇಲಾಖೆಯೊಂದಿಗೆ ಕೆಲಸ ಮಾಡಲು ನೇಮಕಾತಿಗಾಗಿ ತನ್ನ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಅಭ್ಯರ್ಥಿಗಳಿಂದ ಅರ್ಜಿಗಳನ್ನು ಆಹ್ವಾನಿಸಿದೆ.

DOGE ಇದುವರೆಗೂ 12 ಲಕ್ಷಕ್ಕೂ ಹೆಚ್ಚು ಅನುಯಾಯಿಗಳನ್ನು ಸಂಗ್ರಹಿಸಿದೆ. ಉದ್ಯೋಗಕ್ಕಾಗಿ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಿದೆಯಾದರೂ ಅಭ್ಯರ್ಥಿಗಳು ಎಷ್ಟು ಶಿಕ್ಷಣ ಅಥವಾ ಕೆಲಸದ ಅನುಭವವನ್ನು ಹೊಂದಿರಬೇಕು ಎಂಬುದನ್ನು ಪೋಸ್ಟ್​​ನಲ್ಲಿ ನಿರ್ದಿಷ್ಟಪಡಿಸಿಲ್ಲ. ಆದರೆ ಅವರು ವಾರಕ್ಕೆ 80 ಗಂಟೆಗಳಿಗಿಂತ ಹೆಚ್ಚು ಕೆಲಸ ಮಾಡಲು ಸಿದ್ಧರಿರುವ ಮತ್ತು ಉನ್ನತ-ಐಕ್ಯೂ ಕ್ರಾಂತಿಕಾರಿಗಳನ್ನು ಹುಡುಕುತ್ತಿರುವುದಾಗಿ ಸ್ಪಷ್ಟಪಡಿಸಿದ್ದಾರೆ. ಈ ಇಲಾಖೆಗೆ ಹೆಚ್ಚು ಐಡಿಯಾ ಜನರೇಟರ್ ಅಗತ್ಯವಿಲ್ಲ ಎಂದು ತಿಳಿಸಿದೆ.

ಅರ್ಜಿ ಸಲ್ಲಿಸಲು ಇಚ್ಛಿಸುವ ಅಭ್ಯರ್ಥಿಗಳು ತಮ್ಮ ರೆಸ್ಯೂಮ್ ಅನ್ನು ನೇರ ಸಂದೇಶದ (DM) ಮೂಲಕ ಕಳುಹಿಸಲು ತಿಳಿಸಲಾಗಿದೆ. ಆಯ್ಕೆ ಮಾನದಂಡದ ವಿವರಗಳನ್ನು ಒದಗಿಸದಿದ್ದರೂ ಎಲಾನ್​ ಮಸ್ಕ್​​ ಮತ್ತು ವಿವೇಕ್​ ರಾಮಸ್ವಾಮಿ ಅವರು ಟಾಪ್​​​ 1% ಅರ್ಜಿದಾರರನ್ನು ಮಾತ್ರ ವೈಯಕ್ತಿಕವಾಗಿ ಪರಿಶೀಲಿಸುತ್ತಾರೆ ಎಂದು DOGE ಬಹಿರಂಗಪಡಿಸಿದೆ.

ಅಲ್ಲದೆ, ಈ ವಿಭಾಗದಲ್ಲಿ ನೀರಸ ಕೆಲಸವಿರುತ್ತದೆ. ಬಹಳಷ್ಟು ಶತ್ರುಗಳನ್ನು ಉಂಟುಮಾಡುತ್ತದೆ ಆದರೆ ವೇತನವು ಶೂನ್ಯವಾಗಿರುತ್ತದೆ ಎಂದು ಎಲಾನ್​ ಮಸ್ಕ್​​ ತಿಳಿಸಿದ್ದಾರೆ.

DOGE ನ ಕಾರ್ಯವೇನು?

DOGE ತನ್ನ ಹೇಳಿಕೆಯಲ್ಲಿ, ಈ ಸಮಿತಿಯು ಸರ್ಕಾರಕ್ಕೆ ಬಾಹ್ಯವಾಗಿ ಸಲಹೆ ನೀಡಲಿದೆ ಎಂದು ತಿಳಿಸಿದೆ.

ಸರ್ಕಾರಿ ವೆಚ್ಚವನ್ನು ಕಡಿಮೆ ಮಾಡುತ್ತದೆ.

ನಿಯಂತ್ರಣಗಳನ್ನು ಕಡಿಮೆ ಮಾಡುತ್ತದೆ ಮತ್ತು ಫೆಡರಲ್ ಏಜೆನ್ಸಿಗಳನ್ನು ಮರುಸಂಘಟಿಸುತ್ತದೆ.

ಈ ಪ್ಯಾನೆಲ್ ಅನ್ನು ಸೆನೆಟ್ ಅನುಮೋದನೆಯಿಲ್ಲದೆ ನಡೆಸಲಾಗುವುದು. ಇದರಿಂದ ಎಲಾನ್​ ಮಸ್ಕ್​ ಮತ್ತು ವಿವೇಕ್​​​ ರಾಮಸ್ವಾಮಿ ತಮ್ಮ ವ್ಯವಹಾರದ ಜವಾಬ್ದಾರಿಗಳೊಂದಿಗೆ ಅದನ್ನು ನಿಭಾಯಿಸಬಹುದು.(ಏಜೆನ್ಸೀಸ್​)

https://www.vijayavani.net/delhi-pollution-cm-atishi-announces-new-timings-for-govt-offices-as-air-quality-remains-severe