ತಿಂಗಳಾಂತ್ಯದಲ್ಲಿ ಪ್ರಧಾನಿ ಮೋದಿ ಜತೆ ಎಲಾನ್ ಮಸ್ಕ್ ಚರ್ಚೆ: ಟೆಸ್ಲಾ ಮುಖ್ಯಸ್ಥ ಭಾರತಕ್ಕೆ ಭೇಟಿ ನೀಡುತ್ತಿರುವುದೇಕೆ?

ನವದೆಹಲಿ: ಎಲಾನ್ ಮಸ್ಕ್ ಅವರು ಏಪ್ರಿಲ್ 22ರ ವಾರದಲ್ಲಿ ಮೋದಿ ಅವರನ್ನು ನವದೆಹಲಿಯಲ್ಲಿ ಭೇಟಿ ಮಾಡಲಿದ್ದಾರೆ. ಅವರು ತಾವು ಭಾರತದಲ್ಲಿ ಹಮ್ಮಿಕೊಳ್ಳಲಿರುವ ಯೋಜನೆಗಳ ಬಗ್ಗೆ ಪ್ರತ್ಯೇಕವಾಗಿ ಘೋಷಣೆ ಮಾಡಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಜಗತ್ತಿನ ಅತ್ಯಂತ ಶ್ರೀಮಂತ ಹಾಗೂ ಟೆಸ್ಲಾ ಮುಖ್ಯಸ್ಥ ಎಲಾನ್ ಮಸ್ಕ್ ಅವರು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಲು ಈ ತಿಂಗಳು ಭಾರತಕ್ಕೆ ಭೇಟಿ ನೀಡಲಿದ್ದಾರೆ. ಭಾರತದಲ್ಲಿ ಹೂಡಿಕೆ ಮಾಡುವ ಮತ್ತು ಹೊಸ ಕಾರ್ಖಾನೆಯನ್ನು ತೆರೆಯುವ ತಮ್ಮ ಯೋಜನೆಗಳಿಗೆ ಸಂಬಂಧಿಸಿದ ಘೋಷಣೆಯನ್ನು ಈ ಸಂದರ್ಭದಲ್ಲಿ ಮಾಡುವ ನಿರೀಕ್ಷೆಯಿದೆ ಎಂದು ಮೂಲಗಳು ತಿಳಿಸಿವೆ.

ಏಪ್ರಿಲ್ 22 ರ ವಾರದಲ್ಲಿ ನವದೆಹಲಿಯಲ್ಲಿ ಮೋದಿಯನ್ನು ಭೇಟಿಯಾಗಲಿದ್ದಾರೆ. ಪ್ರವಾಸದ ವಿವರಗಳು ಗೌಪ್ಯವಾಗಿರುತ್ತವೆ ಎಂದು ಮೂಲಗಳು ಹೇಳಿವೆ.

ಈ ಕುರಿತಂತೆ ಮೋದಿಯವರ ಕಚೇರಿ ಮತ್ತು ಟೆಸ್ಲಾ ಪ್ರತಿಕ್ರಿಯಿಸಿಲ್ಲ. ಮಸ್ಕ್ ಅವರ ಭಾರತ ಪ್ರವಾಸದ ಅಜೆಂಡಾ ಇನ್ನೂ ಅಂತಿಮವಾಗಿಲ್ಲ.

ಅಂದಾಜು 2 ಬಿಲಿಯನ್ ಡಾಲರ್​ ಹೂಡಿಕೆಯ ಅಗತ್ಯವಿರುವ ಉತ್ಪಾದನಾ ಘಟಕದ ಸೈಟ್‌ಗಳನ್ನು ನೋಡಲು ಟೆಸ್ಲಾ ಅಧಿಕಾರಿಗಳು ಈ ತಿಂಗಳು ಭಾರತಕ್ಕೆ ಭೇಟಿ ನೀಡುವ ನಿರೀಕ್ಷೆಯಿದೆ ಎಂದು ಈ ಹಿಂದೆ ವರದಿಯಾಗಿದೆ.

ಎಲೆಕ್ಟ್ರಿಕ್ ವೆಹಿಕಲ್ (ಇವಿ) ತಯಾರಿಕಾ ಕಂಪನಿಯಾಗಿರುವ ಟೆಸ್ಲಾ ಭಾರತದಲ್ಲಿ ಉತ್ಪಾದನಾ ಘಟಕವನ್ನು ನಿರ್ಮಿಸಲು ಜಂಟಿ ಉದ್ಯಮವನ್ನು ರಚಿಸಲು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಆರ್‌ಐಎಲ್) ಜತೆಗಿನ ಮಾತುಕತೆಯು ಆರಂಭಿಕ ಹಂತದಲ್ಲಿದೆ. ಟೆಸ್ಲಾ ಭಾರತದಾದ್ಯಂತ ವಿವಿಧ ಸ್ಥಳಗಳನ್ನು ಸಕ್ರಿಯವಾಗಿ ಸಮೀಕ್ಷೆ ನಡೆಸುತ್ತಿದೆ, ಗುಜರಾತ್ ಮತ್ತು ಮಹಾರಾಷ್ಟ್ರವು ಕಾರು ಉತ್ಪಾದನಾ ಘಟಕಕ್ಕೆ ಸಂಭಾವ್ಯ ತಾಣಗಳಾಗಿ ಹೊರಹೊಮ್ಮುತ್ತಿವೆ.

ಇತ್ತೀಚಿನ ಚರ್ಚೆಯಲ್ಲಿ ಮಸ್ಕ್ ಅವರು ಭಾರತೀಯ ಮಾರುಕಟ್ಟೆಯನ್ನು ಪ್ರವೇಶಿಸುವ ಟೆಸ್ಲಾ ಅವರ ಉದ್ದೇಶವನ್ನು ದೃಢಪಡಿಸಿದ್ದಾರೆ. ಅವರು ಭಾರತದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಜನಸಂಖ್ಯೆಯನ್ನು ಮತ್ತು ದೇಶದಲ್ಲಿ ಎಲೆಕ್ಟ್ರಿಕ್ ವಾಹನಗಳ ಅಗತ್ಯವನ್ನು ಎತ್ತಿ ತೋರಿಸಿದ್ದಾರೆ.

https://www.vijayavani.net/20-discount-in-restaurants-for-voters-hotel-association-ties-up-with-election-commission

https://www.vijayavani.net/bjp-mp-who-kissed-a-womans-cheek-during-the-campaign-the-viral-picture-has-created-controversy

https://www.vijayavani.net/demand-for-hazur-multi-projects-share-why-is-upper-circuit-hit-for-7-consecutive-days