ಪುಟ್ಟ ಒಲಿಂಪಿಯನ್​ಅನ್ನು ಹೊತ್ತೊಯ್ಯುತ್ತಿದ್ದೇನೆ; ಪ್ಯಾರಿಸ್​ ಒಲಿಂಪಿಕ್ಸ್​ನಲ್ಲಿ ಭಾಗಿಯಾದ ಗರ್ಭಿಣಿ ಅಥ್ಲೀಟ್

ಪ್ಯಾರಿಸ್: ಸಿಟಿ ಆಫ್​ ಲವ್​ ಎಂದೇ ಖ್ಯಾತಿ ಪಡೆದಿರುವ ಪ್ಯಾರಿಸ್​ ಆತಿಥ್ಯದಲ್ಲಿ ಜುಲೈ 26ರಿಂದ ಒಲಿಂಪಿಕ್ಸ್​ ಕ್ರೀಡಾಕೂಟ ಆರಂಭವಾಗಲಿದ್ದು, 33ನೇ ಆವೃತ್ತಿಯ ಕ್ರೀಡಾಕೂಟವು ಒಂದಿಲ್ಲೊಂದು ಕಾರಣಕ್ಕೆ ಎಲ್ಲರ ಗಮನ ಸೆಳೆಯುತ್ತಿದೆ. ಈ ಬಾರಿಯ ಒಲಿಂಪಿಕ್ಸ್​ನಲ್ಲಿ 206 ದೇಶಗಳ 14,250 ಕ್ರೀಡಾಪಟುಗಳು ಭಾಗಿಯಾಗುತ್ತಿದ್ದು, ಇದೀಗ ಈಜೆಪ್ಟ್​​ನ ಫೆನ್ಸರ್​ ಒಬ್ಬರು ಕಣದಲ್ಲಿದ್ದು, ಇವರು ಏಳು ತಿಂಗಳ ಗರ್ಭಿಣಿಯೆಂದು ತಿಳಿದು ಬಂದಿದೆ.

ಇದು ಈಜಿಪ್ಟ್​ನ ಫೆನ್ಸರ್​ ನಾಡಾ ಹಫೀಜ್ ಅವರ ಸಾಹಸಗಾಥೆ. 26 ವರ್ಷದ ನಾಡಾ ಹಫೀಜ್​ ಪ್ಯಾರಿಸ್​ ಒಲಿಂಪಿಕ್ಸ್​ನಲ್ಲಿ ಭಾಗಿಯಾಗುತ್ತಿದ್ದು, ಇವರು 7 ತಿಂಗಳ ಗರ್ಭಿಣಿ ಎಂದು ತಿಳಿದು ಬಂದಿದೆ. ಈ ವಿಚಾರ ಎಲ್ಲರ ಹುಬ್ಬೇರುವಂತೆ ಮಾಡಿದ್ದು, ಸೋಮವಾರ ಮಹಿಳೆಯರ ಸೇಬರ್​ನಲ್ಲಿ 16ರ ಘಟ್ಟದಿಂದ ನಿರ್ಗಮಿಸಿದ ನಂತರ ಈ ಬಗ್ಗೆ ಈಜಿಪ್ಟ್​ ಆಟಗಾರ್ತಿ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ಆರ್​ಸಿಬಿಯಿಂದ ಮ್ಯಾಕ್ಸಿ ಔಟ್?​; ಮೆಗಾ ಹರಾಜಿಗೂ ಮೊದಲು ಫ್ಯಾನ್ಸ್​ಗೆ ಶಾಕ್​ ನೀಡಿದ ಸ್ಟಾರ್ ಆಲ್ರೌಂಡರ್

ನಾನು ಮತ್ತು ನನ್ನ ಮಗು ಸವಾಲುಗಳ ನ್ಯಾಯಯುತ ಪಾಲನ್ನು ಹೊಂದಿದ್ದೇವೆ, ಅದು ದೈಹಿಕ ಮತ್ತು ಭಾವನಾತ್ಮಕ. ಗರ್ಭಧಾರಣೆಯ ನಂತರ ಜೀವನ ಕಠಿಣವಾಗಿದೆ ಮತ್ತು ಇದರ ಜೊತೆಗೆ ಕ್ರೀಡೆ ಆಡುವುದು ನನ್ನ ಪ್ರಕಾರ ಶ್ರಮದಾಯಕವಲ್ಲ. ನಾನು ಫೆನ್ಸಿಂಗ್​ನಲ್ಲಿ 16ರ ಘಟ್ಟ ತಲುಪಿದ್ದು, ಖುಷಿ ನೀಡಿದ್ದು, ಪುಟ್ಟ ಒಲಿಂಪಿಯನ್​ಅನ್ನು ಹೊತ್ತೊಯ್ಯುತ್ತಿದ್ದೇನೆ. ಈ ವಿಚಾರವನ್ನು ನಿಮ್ಮೊಂದಿಗೆ ಹಂಚಿಕೊಳ್ಳಲು ಈ ಪೋಸ್ಟ್ ಹಾಕುತ್ತಿದ್ದೇನೆ ಎಂದು ನಾಡಾ ಹಫೀಜ್ ಬರೆದುಕೊಂಡಿದ್ದಾರೆ.

ವೈದ್ಯಕೀಯದಲ್ಲಿ ಪದವಿ ಹೊಂದಿರುವ ಮಾಜಿ ಜಿಮ್ನಾಸ್ಟ್, ಹಫೀಜ್ ಮೂರು ಬಾರಿ ಒಲಿಂಪಿಯನ್ ಆಗಿದ್ದು, ಅವರು 2019 ಆಫ್ರಿಕನ್ ಗೇಮ್ಸ್‌ನಲ್ಲಿ ವೈಯಕ್ತಿಕ ಮತ್ತು ತಂಡದ ಸೇಬರ್ ಸ್ಪರ್ಧೆಗಳಲ್ಲಿ ಚಿನ್ನದ ಪದಕಗಳನ್ನು ಗೆದ್ದಿದ್ದಾರೆ.

https://www.vijayavani.net/sanjay-dutt-moves-fans-aside-as-they-mob-him-on-his-birthday-video-goes-viral

https://www.vijayavani.net/death-toll-rises-to-84-government-declares-period-of-mourning