ಅತಿಯಾದ ಆಯಾಸ ಮೆಗ್ನೀಷಿಯಮ್​​ ಕೊರತೆಯ ಸೂಚನೆ; ನಿತ್ಯ ಈ ಪದಾರ್ಥಗಳನ್ನು ಸೇವಿಸಿ ಸಮಸ್ಯಗೆ ಗುಡ್​ಬೈ ಹೇಳಿ..

ವ್ಯಾಯಮಾ, ವಾಕ್​​​​ ಹೀಗೆ ದೇಹದ ಆಯಾಸದಿಂದ ಅನೇಕ ಬಾರಿ ನಾವು ಅತಿಯಾದ ಆಯಾಸವನ್ನು ಅನುಭವಿಸುತ್ತೇವೆ ಎಂದು ಭಾವಿಸುತ್ತೇವೆ. ಆದರೆ ಅದು ತಪ್ಪು, ಈ ಆಯಾಸವು ಕೆಲವು ಕಾಯಿಲೆ ಅಥವಾ ಪೋಷಕಾಂಶಗಳ ಕೊರತೆಯನ್ನು ಸೂಚಿಸುತ್ತಿರುತ್ತದೆ. ಅದರಲ್ಲಿ ಮುಖ್ಯವಾಗಿ ನಮ್ಮ ದೇಹದೊಳಗೆ ನಡೆಯುವ ಕ್ರಿಯೆಗಳು ಸುಗಮವಾಗಿ ಕಾರ್ಯನಿರ್ವಹಿಸಲು ಅಗತ್ಯವಾಗಿರುವ ಮೆಗ್ನೀಸಿಯಮ್​​ ಕೂಡ ಒಂದು.

ಇದನ್ನು ಓದಿ: ಮಲಗುವ ಮುನ್ನ ಹಾಲು ಸೇವಿಸುವುದು ಉತ್ತಮ ಅಭ್ಯಾಸ; ಜತಗೆ ಡ್ರೈಫ್ರೂಟ್ಸ್​ ಸೇರಿಸಿದ್ರೆ ಏನೆಲ್ಲಾ ಪ್ರಯೋಜನ ಇದೆ ಗೊತ್ತಾ?

ದೇಹದಲ್ಲಿನ 300ಕ್ಕೂ ಹೆಚ್ಚು ಅಗತ್ಯ ಪ್ರಕ್ರಿಯೆಗಳು ಮೆಗ್ನೀಸಿಯಮ್ ಅನ್ನು ಅವಲಂಬಿಸಿವೆ. ಇದರ ಕೊರತೆಯಿಂದಾಗಿ ಆಯಾಸ, ಸ್ನಾಯು ಸೆಳೆತ, ನಿದ್ರಾಹೀನತೆ ಮತ್ತು ಅನಿಯಮಿತ ಹೃದಯ ಬಡಿತದಂತಹ ಸಮಸ್ಯೆಗಳನ್ನು ಉಂಟುಮಾಡಬಹುದು. ಈಗ ಪ್ರಶ್ನೆ ಇರುವುದು ಮೆಗ್ನೀಸಿಯಮ್ ಭರಿತ ಆಹಾರಕ್ಕಾಗಿ ನಾವು ಏನು ತಿನ್ನಬೇಕು? ಪೋಷಕಾಂಶಗಳ ಜತೆಗೆ ಹೆಚ್ಚಿನ ಪ್ರಮಾಣದ ಮೆಗ್ನೀಸಿಯಮ್ ಅನ್ನು ಒಳಗೊಂಡಿರುವ ಅನೇಕ ಸೂಪರ್‌ಫುಡ್‌ಗಳು ಇವೆ. ದಿನ ನಾವು ಅದನ್ನು ನೋಡುತ್ತೇವೆ ಆದರೆ ಸಂಪೂರ್ಣ ಮಾಹಿತಿ ತಿಳಿದಿಕೊಂಡಿರುವುದಿಲ್ಲ. ಮೆಗ್ನೀಸಿಯಮ್​ ಹೇರಳವಾಗಿ ಯಾವುದರಿಂದ ಲಭ್ಯವಾಗುತ್ತದೆ ಎಂಬುದರ ಮಾಹಿತಿ ಇಲ್ಲಿದೆ.

• ಕುಂಬಳಕಾಯಿ ಬೀಜ ಮತ್ತು ಬಾದಾಮಿ ಮೆಗ್ನೀಸಿಯಮ್ನ ಹೆಚ್ಚಿನ ಮೂಲವಾಗಿದೆ. ಬೆಳಗ್ಗೆ ಪ್ರತಿದಿನ 4 ರಿಂದ 5 ಬಾದಾಮಿ ಅಥವಾ ಕುಂಬಳಕಾಯಿ ಬೀಜ ತಿನ್ನಬೇಕು. ಇದರಿಂದ ಮೆಗ್ನೀಸಿಯಮ್ ಮತ್ತು ಪ್ರೋಟೀನ್ ಎರಡನ್ನೂ ಪಡೆಯುತ್ತೀರಿ. ಕುಂಬಳಕಾಯಿ ಬೀಜ, ಬಾದಾಮಿ, ಗೋಡಂಬಿ, ವಾಲ್‌ನಟ್‌ ಇವುಗಳಲ್ಲಿ ಆರೋಗ್ಯಕರ ಕೊಬ್ಬುಗಳಿವೆ.
• ಡಾರ್ಕ್ ಚಾಕೊಲೇಟ್ ಉತ್ತಮ ಪ್ರಮಾಣದ ಮೆಗ್ನೀಸಿಯಮ್ ಅನ್ನು ಹೊಂದಿರುತ್ತದೆ. ಜತೆಗೆ ಉತ್ಕರ್ಷಣ ನಿರೋಧಕಗಳ ಉತ್ತಮ ಮೂಲವಾಗಿದೆ. ಇದನ್ನು ಸೀಮಿತ ಪ್ರಮಾಣದಲ್ಲಿ ಸೇವಿಸುವುದರಿಂದ ಹೃದಯದ ಆರೋಗ್ಯಕ್ಕೂ ಪ್ರಯೋಜನಕಾರಿಯಾಗಿದೆ.
• ಬಾಳೆಹಣ್ಣು ತಿನ್ನುವುದರಿಂದ ಮೆಗ್ನೀಸಿಯಮ್ ಜತೆಗೆ ಪೊಟ್ಯಾಸಿಯಮ್ ಮತ್ತು ಕ್ಯಾಲ್ಸಿಯಂ ಕೂಡ ಲಭಿಸುತ್ತದೆ. ಪ್ರತಿದಿನ ಬಾಳೆಹಣ್ಣು ತಿನ್ನುವುದರಿಂದ ದೇಹದಲ್ಲಿ ಶಕ್ತಿಯ ಮಟ್ಟ ಹೆಚ್ಚುತ್ತದೆ ಮತ್ತು ಮೂಳೆಗಳು ಬಲಗೊಳ್ಳುತ್ತವೆ.
• ಸೋಯಾಬೀನ್​ ಹೇರಳವಾಗಿ ಮೆಗ್ನೀಸಿಯಮ್ ಮತ್ತು ಪ್ರೊಟೀನ್ ಅನ್ನು ಹೊಂದಿದ್ದು, ಇದು ದೇಹದಲ್ಲಿ ಶಕ್ತಿಯನ್ನು ಹೆಚ್ಚಿಸುವುದು ಮಾತ್ರವಲ್ಲದೆ ಸ್ನಾಯುಗಳನ್ನು ಬಲಪಡಿಸುತ್ತದೆ.

https://www.vijayavani.net/constipation-problem-cause-of-high-risk-to-heart-attack