‘ಕನ್ನಡಿಗ’ ಚಿತ್ರವು ಕಳೆದ ವರ್ಷವೇ ಪ್ರಾರಂಭವಾಗಿ, ಕಳೆದ ವರ್ಷವೇ ಮುಗಿದು ಸೆನ್ಸಾರ್ ಸಹ ಆಗಿತ್ತು. ಮೊದಲು ವರ್ಷದ ಆರಂಭದಲ್ಲಿ ಚಿತ್ರ ಬಿಡುಗಡೆಯಾಗಬಹುದು ಎಂದು ಹೇಳಲಾಗಿತ್ತು. ಆದರೆ, ಆಗಲಿಲ್ಲ. ರವಿಚಂದ್ರನ್ ಹುಟ್ಟುಹಬ್ಬಕ್ಕೆ ಎನ್ನುವಷ್ಟರಲ್ಲಿ ಎರಡನೆಯ ಲಾಕ್ಡೌನ್ ಆಯಿತು. ಈ ಮಧ್ಯೆ, ಎರಡು ಹಾಡುಗಳನ್ನು ಸೇರಿಸುವ ತೀರ್ವನವಾಯಿತು. ಹಾಗೆಯೇ ರವಿಚಂದ್ರನ್ ಅವರಿಂದಲೇ ಡಬ್ಬಿಂಗ್ ಮಾಡಿಸುವುದಕ್ಕೂ ನಿರ್ಧಾರವಾಗಿ, ಅದರಂತೆ ಕಳೆದ ಕೆಲವು ದಿನಗಳಿಂದ ಸತತವಾಗಿ ಡಬ್ಬಿಂಗ್ ಮಾಡಿರುವ ರವಿಚಂದ್ರನ್, ಇತ್ತೀಚೆಗೆ ತಮ್ಮ ಕೆಲಸ ಮುಗಿಸಿದ್ದಾರೆ. ಇದರಿಂದ ಖುಷಿಯಾಗಿರುವ ನಿರ್ದೇಶಕ ಗಿರಿರಾಜ್, ‘‘ಕನ್ನಡಿಗ’ ಡಬ್ಬಿಂಗ್ ಮುಗಿಸಿದ ಕನಸುಗಾರ. ಅತೀ ಶೀಘ್ರದಲ್ಲೇ ಸಿಹಿಸುದ್ದಿ’ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.
