ನಡುರಸ್ತೆಯಲ್ಲಿ ಕುಳಿತ ವ್ಯಕ್ತಿಗೆ ಟ್ರಕ್​ ಡಿಕ್ಕಿ; ಮುಂದೇನಾಯ್ತು ನೀವೇ ನೋಡಿ

ಲಖನೌ: ಮಳೆ ಬರುತ್ತಿದ್ದರು ವ್ಯಕ್ತಿಯೊಬ್ಬರು ರಸ್ತೆಯ ಮಧ್ಯದಲ್ಲಿ ಕುರ್ಚಿಯ ಮೇಲೆ ಕುಳಿತು ವಾಹನಗಳ ಓಡಾಟಕ್ಕೆ ತೊಂದರೆಯನ್ನುಂಟು ಮಾಡಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಆಶ್ಚರ್ಯ ಎಂದರೆ ಪೊಲೀಸ್ ಬೂತ್ ಎದುರು ವ್ಯಕ್ತಿ ಈ ರೀತಿ ವರ್ತಿಸಿದ್ದಾನೆ. ಬಹುಶಃ ಅಲ್ಲಿ ಯಾವೊಬ್ಬ ಪೊಲೀಸರು ಇರಲಿಲ್ಲ ಎಂದು ಕಾಣಿಸುತ್ತದೆ. ಕೊನೆಗೆ ಆ ರಸ್ತೆಯಲ್ಲಿ ಬಂದ ಟ್ರಕ್​​ವೊಂದು ಆತನಿಗೆ ಡಿಕ್ಕಿ ಹೊಡಿದಿದೆ. ​

ಇದನ್ನು ಓದಿ: ಜೆಸಿಬಿಯಿಂದ ಪ್ರವಾಹದಲ್ಲಿ ಸಿಲುಕಿದ 9 ಮಂದಿ ರಕ್ಷಣೆ; ಈ ರಿಯಲ್​ ಹೀರೋ ಕೆಲಸಕ್ಕೆ ಎಲ್ಲೆಡೆ ಶ್ಲಾಘನೆ

ಸದ್ಯ ಈ ವಿಡಿಯೋ ಉತ್ತರ ಪ್ರದೇಶದ ಪ್ರತಾಪಗಢದ್ದು ಎನ್ನಲಾಗಿದೆ. 17 ಸೆಕೆಂಡ್​ಗಳಿರುವ ಈ ಕ್ಲಿಪ್​ನಲ್ಲಿ ಜನರು ಮತ್ತು ವಾಹನಗಳು ಓಡಾಡುವ ರಸ್ತೆಯಲ್ಲಿ ಕಪ್ಪು ಬಣ್ಣದ ಶಾರ್ಟ್ಸ್​​ ಧರಿಸಿ ಬೇರೆ ಯಾವುದೇ ಬಟ್ಟೆ ತೊಡದೆ ರಸ್ತೆ ಮಧ್ಯದಲ್ಲಿ ಕುರ್ಚಿ ಮೇಲೆ ಕುಳಿತಿರುವುದನ್ನು ಕಾಣಬಹುದು. ಅವರನ್ನು ಅಲ್ಲಿ ಓಡಾಡುವವರೆಲ್ಲಾ ನೋಡುತ್ತಾ ಅಪಹಾಸ್ಯ ಮಾಡಿದರು ಆ ವ್ಯಕ್ತಿ ತನಗು ಅದಕ್ಕೂ ಸಂಬಂಧವೆ ಇಲ್ಲ ಎನ್ನುವಂತೆ ಕುಳಿತಿದ್ದಾನೆ. ಅಷ್ಟರಲ್ಲಿ ಅದೇ ರಸ್ತೆಯಲ್ಲಿ ಬಂದ ಟ್ರಕ್​ ಒಂದು ಆತನಿಗೆ ಡಿಕ್ಕಿ ಹೊಡೆದಿದೆ. ಆ ವ್ಯಕ್ತಿ ನೆಲಕ್ಕೆ ಬಿದ್ದಿದ್ದಾನೆ. ಅಲ್ಲಿದ್ದವರು ಟ್ರಕ್ ಚಾಲಕನಿಗೆ ಸಿಗ್ನಲ್ ಮಾಡಿ ಮುಂದೆ ಹೋಗುವಂತೆ ಹೇಳಿದ್ದಾರೆ. ಕೆಳಗೆ ಬಿದ್ದವನು ಸುತ್ತ ನೋಡುತ್ತಾ ನಾನೇಗೆ ಬಿದ್ದೆ ಎಂದು ಆಲೋಚಿಸಿತ್ತಿದ್ದಾನೆ ಎನ್ನುವುದು ವಿಡಿಯೋದಲ್ಲಿ ನೋಡಬಹುದು.

ಘಟನೆ ಬಳಿಕ ಆ ವ್ಯಕ್ತಿಗೆ ಗಾಯವಾಗದೆ ಸಂಪೂರ್ಣವಾಗಿ ಚೆನ್ನಾಗಿದ್ದಾನೆ ಎಂಬುದು ತಿಳಿದಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಮಿಶ್ರ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ. ಟ್ರಕ್ ಚಾಲಕ ಸರಿಯಾದ ಕೆಲಸ ಮಾಡಿದ್ದಾರೆ, ಆ ವ್ಯಕ್ತಿಗೆ ಏನಾದರೂ ಆಗಿದ್ದರೆ ಚಾಲಕನ ವಿರುದ್ಧ ಪ್ರಕರಣ ದಾಖಲಿಸಲಾಗುತ್ತಿತ್ತು ಆಗ ಟ್ರಕ್ ಚಾಲಕ ಪರಾರಿಯಾಗಬೇಕಿತ್ತು, ಕೆಳಗೆ ಬಿದ್ದ ವ್ಯಕ್ತಿ ಸಿಂಹಾಸನದಿಂದ ನನ್ನನ್ನು ಕೆಳಗಿಳಿಸಿದವರು ಯಾರು ಎಂದು ಆಶ್ಚರ್ಯ ಪಡುತ್ತಿದ್ದಾನೆ ಎಂದು ಹೀಗೆ ಕಾಮೆಂಟ್​ ಮಾಡಿದ್ದಾರೆ.

ವಿಡಿಯೋ ನೋಡಿ ವಿಚಾರ ತಿಳಿದು ತನಿಖೆ ನಡೆಸಿದ ಪೊಲೀಸರು ಆ ವ್ಯಕ್ತಿ ಮಾನಸಿಕ ಅಸ್ವಸ್ಥನಾಗಿದ್ದು, ಆತನನ್ನು ಆತನ ಕುಟುಂಬಕ್ಕೆ ಒಪ್ಪಿಸಲಾಗಿದೆ ಎಂದು ಹೇಳಿದರು.(ಏಜೆನ್ಸೀಸ್​)

https://www.vijayavani.net/hema-committee-report-that-delved-into-sexual-abuse-its-historic-moment-says-parvathy