ಪತ್ನಿ ಜತೆ ಮಠಕ್ಕೆ ಭೇಟಿ ನೀಡಿದ್ದ ಅವರನ್ನು ಆಶೀರ್ವದಿಸಿ ಮಾತನಾಡಿ, ಇವರು ವಾಣಿಜ್ಯೋದ್ಯಮಕ್ಕೆ ಮಾತ್ರ ಸೀಮಿತವಾಗದೆ ಧರ್ಮ ಸಂರಕ್ಷಣೆಯಲ್ಲಿ ನಿರತರಾದ ಸಾಧು-ಸಂತರಿಗೆ ಆಶ್ರಯ ತಾಣ ಒದಗಿಸುತ್ತಿದ್ದಾರೆ. ಈ ನಿಟ್ಟಿನಲ್ಲಿ ದಕ್ಷಿಣ ಭಾರತದಲ್ಲೇ ವಿಶಿಷ್ಟವಾದ ಹಾಗೂ ಹಲವು ದೇವರುಗಳಿರುವ ದೇವಾಲಯವನ್ನು ಹುಬ್ಬಳ್ಳಿಯ ರಾಷ್ಟ್ರೀಯ ಹೆದ್ದಾರಿ ಬಳಿ ನಿರ್ಮಿಸುತ್ತಿದ್ದಾರೆ. ಕೇರಳದಲ್ಲಿ ನಾರಾಯಣ ಗುರುಗಳು ದೇವಸ್ಥಾನಗಳನ್ನು ಕಟ್ಟುವ ಮೂಲಕ ಹೇಗೆ ಧರ್ಮರಕ್ಷಕ ಎನಿಸಿದರೋ ಇಲ್ಲಿ ದೇವಾಲಯ ನಿರ್ಮಿಸುತ್ತಿರುವ ಸಂಕೇಶ್ವರ ಕೂಡ ನಮಗೆ ಹಾಗೆಯೇ ಕಾಣುತ್ತಾರೆ ಎಂದರು. ದೇವಾಲಯ ಪೂರ್ಣಗೊಂಡ ಬಳಿಕ ಮುಂದಿನ ತಲೆಮಾರಿಗೆ ಅವರು ಧರ್ಮಸ್ಥಾಪಕರಾಗಿ, ಮನುಕುಲದ ಯುಗಪುರುಷರಾಗುತ್ತಾರೆ ಎಂದು ಅಭಿಮಾನ ತೋರಿದರು.
